EJEKIEL 7:26 - Bibəl ta Sar̄

²⁶ Yá̰á̰ kə́ to kum kaȳ aĺ gə̄ a reēn̄ i kə gō naá. Najə̄ kə́ majaĺ gə̄ kə́ kənī mbī naā tə́ dan a gān̄g alé. De gə̄ a dəjen̄ nge koō ta kadə̄ a̰a̰ yá̰á̰ kógə̄ḿ kə ədadə́ ō, nge tun̄ yá̰a̰ a ndóō de gə̄ yá̰a̰ to̰ aĺ ō, kum kɔɔ̄ gə̄ a adə̄n̄ de gə̄ kɔjə̄ to̰ aĺ ō.

Bible sar

²⁶ Yá̰á̰ kə́ to kum kaȳ aĺ gə̄ a reēn̄ i kə gō naá. Najə̄ kə́ majaĺ gə̄ kə́ kənī mbī naā tə́ dan a gān̄g alé. De gə̄ a dəjen̄ *nge koō ta kadə̄ a̰a̰ yá̰á̰ kógə̄ḿ kə ədadə́ ō, *nge tun̄ yá̰a̰ a ndóō de gə̄ yá̰a̰ to̰ aĺ ō, *kum kɔɔ̄ gə̄ a adə̄n̄ de gə̄ kɔjə̄ to̰ aĺ ō.

EJEKIEL 7:26 Referans Kwoze

JEREMI 4:20

De gə̄ əgan̄ kɔŕ ədan̄ na: Loo nujə ba tél nujə ɓáý to̰ sák sák. Rɔ̄kum, ɓē kə taá malang i kə́ nujə kɔ̄ɔ́. Gérger yāḿ nujə gidə kógə̄ḿ, kújə tandā yāḿ gə̄ nujən̄ kum mbang kógə̄ḿ beé.

MISE 3:6

I tām̄ najə̄ ń noō tə́ n tām̄ yāsí sḭḭ̄ ngé koō ta gə̄ ɓáa, loo ndɔ̄ kɔ̄ɔ́ ní. Sḭḭ̄ ā á̰a̰ī yá̰á̰ kógə̄ḿ to̰ alé. Tām̄ yāsí sḭḭ̄ tə́ ɓáa, loo risə til nding. Dɔsí a ədasí yá̰á̰ kógə̄ḿ to̰ alé. Mbang a udə kɔ̄ɔ́ tām̄ yāsí tə́, loo kə kadaá a risə til.

EJEKIEL 14:1

Ndɔ̄ kógə̄ḿ tə́ kum kɔɔ̄ kə́rēý gə̄ kə́ Israel tə́ reēn̄ rɔ̄ḿ tə́, ba ndin̄ nang tə́ noḿ tə́.

PĀ GƏ̄ 74:9

Yá̰a̰ gə̄ ń ɔjən̄ kə̄ ndágá kadə̄ ḭ̄ i danjí tə́ ní, j-a̰a̰də́ ngɔlaā aĺ ō. Ngé koō ta gə̄ gətóon̄ ngɔlaā ō. De kə́ danjí tə́ kə́ ger̄ ndɔ̄ ń gír yá̰a̰ gə̄ ń noō malang a gāngə̄n̄neé ní gətóo ō.

JEREMI 37:17

Mban̄g Sedekias əla gōn tə́ adə̄ reē ba dəjen loo mundə̄ tə́ jəke kem kújə yān tə́ ədan na: Kɔ́ɔ̄ɓē əndā kəla taí tə́ aĺ a? Jeremi ədan na: Ni-əndā kəla taḿ tə́! Ni-əda ɓáý to̰ na: A əlanī jī mban̄g kə́ Babilon tə́.

JEREMI 21:2

Ōō najə̄ ta Kɔ́ɔ̄ɓē tə́ tām̄ yājí tə́, tɔdɔ̄ Nabukodonosor, mban̄g kə́ Babilon ənījí rɔ̄ɔ̄, majanī Kɔ́ɔ̄ɓē a tél yā rāā yá̰á̰ kə́ yáā yān kógə̄ḿ tām̄ yājí tə́, yā tə̄ɓānneé kə gérger yānneé. Tā anī, Kɔ́ɔ̄ɓē ɔr̄ najə̄ kə Jeremi.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

EJEKIEL 8:1

Dan ń ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ ní, rāā ɓāl̄ mehḛ́. Ba kem ɓāl̄ kə́ nge ko̰ mehḛ́ tə́, kə nāā kə́ nge ko̰ mehḛ́ kə́ kem ɓāl̄ ní tə́, kə ndɔ̄ kə́ nge ko̰ mí yā nāā kə́ nge ko̰ mehḛ́ ní anī, dan ń m̄-ndi kem kújə yāḿ tə́ ō, kum kɔɔ̄ kə́ Juda tə́ gə̄ ndin̄ nang tə́ noḿ tə́ ō anī, tɔ́gə yā Kɔ́ɔ̄ɓē Nə́ɓā əhɔm̄ gidə kógə̄ḿ.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

IJAI 47:11

Á̰a̰ā̰, yá̰á̰ kə́ to kum kaȳ aĺ kógə̄ḿ a teē dɔí tə́, ā ger̄ loo tūr̄ tan kɔ̄ɔ́ dɔí tə́ alé. Yá̰á̰ kə́ to kum kaȳ aĺ kógə̄ḿ a əsō dɔí tə́, ā ásə kəja rɔ̄í kɔ̄ɔ́ ta tə́ alé. Nél man̄ kə́ əla kə ngangá ngá̰ý kə́ ásə kəndā dɔ rɔ̄í danaá kété najə̄n tə́ alé, a əla gidə kógə̄ḿ kum kə̄ dɔí tə́.

NDŪ NAJƏ̄ 32:23

M-ā m̄-kán̄ yá̰á̰ kə́ tōr̄ gə̄ kə̄ dɔdə́ tə́. M-ā m̄-túr̄də́ kə kum gərā yāḿ gēé.

LEBI GƏ̄ 26:28

m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

LEBI GƏ̄ 26:24

m-ā m̄-mbātə́ najə̄ tasí tə́ ō. M-ā m-ə́ndásí tām̄ majaĺ yāsí gə̄ tə́ mān̄ dɔ kə́ kété nja sīrí.

LEBI GƏ̄ 26:21

Ré ī-mbātíī najə̄ taḿ tə́ adə̄ ōōī taḿ alé m-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

LEBI GƏ̄ 26:18

Ré m̄-rāāsí yá̰a̰ gə̄ ń noō ba ōōī taḿ aĺ ɓáý to̰ anī, m-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

1 SAMUEL 3:1

Ba Samuel ń i ngōn̄ ní, a rāā kəla yā Kɔ́ɔ̄ɓē i ta kum Eli tə́. Dan ngeé ń noō tə́ ní Kɔ́ɔ̄ɓē a ɔr̄ najə̄ kə deé i láẃ láẃ aĺ ō, a rāā kadə̄ deē a̰a̰ yá̰a̰ i láẃ láẃ aĺ ō.

EJEKIEL 11:2

Ndíl ədam̄ na: Ḭ̄ ngōn̄ deē, ōō! De gə̄ ń gírə̄n̄ rāā yá̰á̰ kə́ majaĺ ní n ndin̄ noō. Nin̄ adə̄n̄ de gə̄ kɔjə̄ kə́ majaĺ gə̄ kem ɓē kə́ Jerusalem tə́.

EJEKIEL 12:22

Ḭ̄ ngōn̄ deē, ōō! Sḭḭ̄ ī-tél ā ə́daī kāgə̄ najə̄ ń toō kə̄ nja naā tə́ kə̄ dɔ ɓē kə́ Israel tə́ ə́daī na: Kum mbang mān̄ ō, yá̰á̰ kə́ ka̰ā̰ gə̄ ní, kógə̄ḿ kə́ reē udə gíŕ kə́ rɔ̄ tə́ gətóo ō. Ní, ə́daī nge ń noō i tām̄ rí tə́?

EJEKIEL 21:7

Ḭ̄ ngōn̄ deē, ī-tūr̄ kumií kə̄ Jerusalem. Ɔ̄r̄ najə̄ kə loo kə́ kɔr̄ kam̄ gēé kə ngangá ō, ə́da najə̄ kə́ Nə́ɓā əndā taí tə́ dɔ ɓē kə́ Israel tə́ ō.

EJEKIEL 22:26

Ngé tun̄ yá̰a̰ yādə́ gə̄ rāān̄ dɔ ngan̄g ta ndū najə̄ yāḿ gə̄ tə́ ō, ɓōlə́n̄ gidə loo kə́ kɔr̄ kam̄ tām̄ yāḿ tə́ gə̄ aĺ ō, ɔrə̄n̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī aĺ ō, ndóōn̄ de gə̄ loo ka̰a̰ yá̰á̰ kə́ unjə̄ njáý njáý ger̄ aĺ ō, loo ka̰a̰ yá̰á̰ kə́ yḛr ger̄ aĺ ō. Nin̄ kídə̄n̄ ndɔ̄ sabat ō. I tām̄ najə̄ ń toō tə́ n deē kógə̄ḿ kə́ dandə́ tə́ kə́ ɓōĺ gidəḿ gətóó ní.

MALASI 2:7

A̰á̰ā̰, kəla yā nge tun̄ yá̰a̰ i ndóō de gə̄ kadə̄ gerə̄n̄ Nə́ɓā ō, i nge tun̄ yá̰a̰ n de gə̄ a oōn̄ najə̄ kə́ tan tə́, yā gerə̄ń ndū najə̄ ní ō. Tām̄ ni i ngōmbang kəla yā Kɔ́ɔ̄ɓē kə́ bo kə́ tɔ́gən i ngá̰ý.

MALASI 2:9

I beé ní, ta i dɔḿ tə́ kadə̄ m̄-sə̄lā ngán Israel gə̄ dɔsí tə́, kadə̄ kídə̄n̄sí ō, télən̄ sesí kə̄ nang tə́ ō. Tām̄ sḭḭ̄ ōōī taḿ aĺ ō, dan ń úniī ndū najə̄ yā rāań kəla anī, ɔ̄rī kam̄ de gə̄ naā tə́ ō.