EJEKIEL 7:24 - Bibəl ta Sar̄

²⁴ M-ā m̄-reē kə nápar de gə̄ kə́ kemdə́ ndul ngá̰ý yā kadə̄ a taān̄ kújə yādə́ gə̄ kɔ̄ɔ́. M-ā m̄-nujə kɔjə rɔ̄ yā de kə́ ngan̄g ngá̰ý gə̄ kɔ̄ɔ́ ō, de gə̄ a rāān̄ loo yādə́ kə́ to ɓōĺ gidə i loo kə́ karī tə́ ō.

Bible sar

²⁴ M-ā m̄-reē kə nápar de gə̄ kə́ kemdə́ ndul ngá̰ý yā kadə̄ a taān̄ kújə yādə́ gə̄ kɔ̄ɔ́. M-ā m̄-nujə kɔjə rɔ̄ yā de kə́ ngan̄g ngá̰ý gə̄ kɔ̄ɔ́ ō, de gə̄ a rāān̄ loo yādə́ kə́ to ɓōĺ gidə i loo kə́ karī tə́ ō.

EJEKIEL 7:24 Referans Kwoze

EJEKIEL 28:7

Tām̄ najə̄ ń noō tə́ ní, m-ā m-ə́la kə nápar de gə̄ ń nin̄ i ngé rāā yá̰a̰ kə dɔ́nɔ́ tɔȳ de gə̄ malang ní kadə̄ rɔ̄ɔ̄īn̄. Nin̄ a nujən̄ yá̰á̰ kə́ majə gə̄ ń ī-rāā kə ta kūl̄ kum kedə̄ yāí ní kɔ̄ɔ́ kə kaskaraá ō, nin̄ a kídə̄n̄ bo yāí ō.

EJEKIEL 33:28

M-ā nujə ɓē kɔ̄ɔ́, m̄-rāā kadə̄ ɓē tél dəla loo. Tɔ́gə́ ń rāā adə̄ de kə́ kemeé gə̄ ɔjən̄ rɔ̄də́ ngá̰ý ní a gətóo kɔ̄ɔ́. De gə̄ a əya̰n̄ mbal̄ bo gə̄ kə́ Israel tə́ kɔ̄ɔ́, deē a mān̄ noó to̰ alé.

EJEKIEL 21:31

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: A taān̄ ta kūbə̄ kənda dɔ yāí kɔ̄ɔ́ ō, a taān̄ jākā mbang yāí kɔ̄ɔ́ ō. Yá̰a̰ gə̄ a tūrə̄n̄! A ɔsən̄ de kə́ najə̄də́ gətóo gə̄ kə̄ dɔɔ́, ba a télən̄ kə de kə́ bo gə̄ kə̄ nang tə́.

PĀ GƏ̄ 106:41

əladə́ kem jī nápar de kə́ rang gə̄ tə́, adə̄ madə̄ kɔ̄l̄də́ gə̄ o̰o̰n̄ ɓē dɔdə́ tə́.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

EJEKIEL 21:2

Ḭ̄ ngōn̄ deē, ī-tūr̄ kumií kə̄ dām̄ mbɔ́r ɓē kə́ geleé tə́. De gə̄ ń ndin̄ kem ku gə̄ tə́ dām̄ mbɔ́r ɓē kə́ geleé tə́ ní, ɔ̄r̄ najə̄ sedə́ kə ngangá ādə̄m̄.

NŌŌ RƆ̄ 5:2

Télən̄ kə yá̰a̰ kənge yājí adə̄n̄ tə̄rā gə̄ ō, kújə yājí gə̄ télən̄ yá̰a̰ kənge yā de kə́ deē ger̄də́ aĺ gə̄ ō.

JEREMI 12:12

Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

JEREMI 6:12

I de kə́ rang gə̄ n a ndin̄ kem kújə yādə́ gə̄ tə́ ní. Ndɔr̄ yādə́ gə̄ a télən̄ i ndɔr̄ yā de kə́ rang gə̄ ō, I de kə́ rang gə̄ n a ɓīīn̄ kə nə̄yá̰də́ gēé ō ní. M-ə́la jīḿ kə̄ dɔ de kə́ kem ɓēé gə̄ tə́. Najə̄ ń Kɔ́ɔ̄ɓē əda ní n noó.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

IJAI 5:14

I tām̄ najə̄ ń toō tə́ n loo kə́ ɓádá a teē tan kadə̄ laa ngá̰ý ní, tan kə́ bo ngá̰ý ní, ni a teē. De kə́ bo gə̄ ō, kósə de gə̄ ō, a risən̄ kemeé ndɔ̄ naā tə́, dan ń nin̄ a rāān̄ rɔ̄nel̄ kə́ kōōdə́ ɓār̄ gijə gijə ní tə́.

PĀ GƏ̄ 83:12

Ī-rāā ngār gə̄ yādə́ gə̄ yá̰á̰ ń ī-rāā kə Oreb ō Jeb ō ní, ngār yādə́ gə̄ malang ní ī-rāādə́ yá̰á̰ ń ī-rāā kə Jeba ō Salmuna ō ní.

TA KƏLA 47:26

Jəjep rāā adə̄ tīr̄ dɔ kōō ní tél i yá̰á̰ kə́ ndang kadə̄ yā rāā. Adə̄ ɓōólaā gə̄gē ní ré yá̰a̰ kənge kə́ dɔ nang kə́ Ejiptə tə́ i mí anī, kógə̄ḿ i yā Parao̰. I dɔ nang yā ngé tun̄ yá̰a̰ gə̄ ngóy n i yā Parao̰ alé ní.

PĀ GƏ̄ 74:7

Nin̄ əlan̄ hor dɔ loo kə́ táĺ yāí tə́ tétə̄n̄ kújə ndií nang tə́ kɔ̄ɔ́ ō, rāān̄ adə̄ tél loo kə́ yḛr ō.

JEREMI 17:4

A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.

SOPONI 1:13

I beé ɓá ní, a ɔyn̄ yá̰a̰ kənge yādə́ gə̄ dɔ gúú tə́ ō, a nujən̄ kújə yādə́ gə̄ kɔ̄ɔ́ ō. Nin̄ rāān̄ kújə gə̄, banī a ndin̄ kemeé alé. Nin̄ əhɔn̄ kāgə̄ nduú gə̄, banī a a̰ȳn̄ kasən alé.