EJEKIEL 7:21 - Bibəl ta Sar̄

²¹ M-ā m-ə́ya̰ kadə̄ tə̄rā gə̄ a ɔyn̄ yá̰a̰ kənge yādə́ gə̄ kɔ̄ɔ́. M-ā m-ə́ya̰ kadə̄ de gə̄ kə́ nin̄ i yá̰a̰ aĺ gə̄ ɔy aw̄nəń tītə̄ yá̰a̰ kənge kə́ kɔy ta rɔ̄ɔ̄ tə́ beē. Nin̄ a ɓōlə́n̄ gidə yá̰á̰ kógə̄ḿ alé.

Bible sar

²¹ M-ā m-ə́ya̰ kadə̄ tə̄rā gə̄ a ɔyn̄ yá̰a̰ kənge yādə́ gə̄ kɔ̄ɔ́. M-ā m-ə́ya̰ kadə̄ de gə̄ kə́ nin̄ i yá̰a̰ aĺ gə̄ ɔy aw̄nəń tītə̄ yá̰a̰ kənge kə́ kɔy ta rɔ̄ɔ̄ tə́ beē. Nin̄ a ɓōlə́n̄ gidə yá̰á̰ kógə̄ḿ alé.

EJEKIEL 7:21 Referans Kwoze

2 MBAN̄G 24:13

Tītə̄ ń Kɔ́ɔ̄ɓē ədań kété ní, Nabukodonosor ɔy yá̰a̰ kənge kə́ kem kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō, malang aw̄ń. Ni tɔ̄ɔ̄ ngáń gájə́ yá̰a̰ rāā kəla gə̄ ń mban̄g Salomo̰ adə̄ rāān̄ kə lɔ́rɔ́ tām̄ yā kújə yā Kɔ́ɔ̄ɓē tə́ ní kɔ̄ɔ́ malang.

PĀ GƏ̄ 79:1

Pā yā Asap. Nə́ɓā, nápar de gə̄ taān̄ loo dɔ nang yāí tə́. Nin̄ rāān̄ adə̄ kújə́ kə́ táĺ yāí téĺ kújə́ kə́ yḛr ō, nin̄ nujən̄ ɓē kə́ Jerusalem sák sák kɔ̄ɔ́ ō.

2 MBAN̄G 25:9

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, kújə gə̄ kə́ kem ɓēé tə́ ō, ba mandang ní ni tə́la hor i dɔ kújə yā de kə́ bo gə̄ tə́ malang.

PĀ GƏ̄ 109:11

Ādə̄ nge kə̄rān kógə̄ḿ əhɔ yá̰a̰ yān malang ta kə̄rā tə́, ādə̄ tə̄rā gə̄ taān̄ yá̰a̰ kənge yān gə̄ dɔ gúú tə́!

JEREMI 19:13

Kújə́ kə́ Jerusalem tə́ gə̄ ō, Juda tə́ gə̄ ō, a télən̄ yá̰á̰ kə́ yḛr tītə̄ loo kə́ Topet tə́. Rɔ̄kum, kújə gə̄ ń noō malang ń de gə̄ róōn̄ yá̰a̰ ndējə̄ gə̄ ndágə loo gə̄ kə́ dɔ tə́ tə́ adə̄n̄ tə́yō̰ gə̄ ō, tə́ten̄ kasə nang tə́ tū tə́ adə̄n̄ nə́ɓā kə́ rang gə̄ ō ní, a télən̄ yá̰á̰ kə́ yḛr.

EJEKIEL 31:12

Loo ń noō tə́ tə̄rā gə̄ kə́ ngé rāā yá̰á̰ kə́ tɔ́gə́də́ tɔȳ yā nápar de gə̄ a gān̄gnən̄ naā tə́ ō, a əya̰nən̄ kɔ̄ɔ́ kə̄ loo ń noō tə́ ō. Ta jīn gə̄ malang tə́sōn̄ ō, taān̄ loo dɔ mbal̄ gə̄ tə́ ō, taān̄ loo kum wól loo gə̄ kə́ kem ɓēé tə́ ō. Ba de gə̄ kə́ dan gír de gə̄ tə́ malang ń kété ndin̄ ndíl kāgə̄ sedər tə́ ní, əya̰n̄ kāgə̄ sedər ba aw̄n̄ ō, nin̄ əya̰n̄ ɓē kɔ̄ɔ́ ō.