EJEKIEL 7:19 - Bibəl ta Sar̄

¹⁹ Nin̄ a ɓōkə́n̄ gində̄ arjā̰a̰ yādə́ kum róbə kɔsə gə̄ tə́. Lɔ́r yādə́ a to i tītə̄ dɔ bū loo beé tām̄ yādə́ tə́. Gində̄ arjā̰a̰ yādə́ ō, lɔ́r yādə́ ō, a asən̄ kajədə́ ndɔ̄ wōn̄g yā Kɔ́ɔ̄ɓē tə́ alé. Nin̄ a əsan̄ yá̰a̰ to̰ aĺ ō, yá̰a̰ kəsa a gətóo kem tiīdə́ tə́ ō. Tɔdɔ̄ kété ní, gində̄ arjā̰a̰ yādə́ ō, lɔ́r yādə́ ō, rāān̄ rɔ̄də́ i gūmbə̄ tə́ tām̄ yādə́ tə́.

Bible sar

¹⁹ Nin̄ a ɓōkə́n̄ gində̄ arjā̰a̰ yādə́ kum róbə kɔsə gə̄ tə́. Lɔ́r yādə́ a to i tītə̄ dɔ bū loo beé tām̄ yādə́ tə́. Gində̄ arjā̰a̰ yādə́ ō, lɔ́r yādə́ ō, a asən̄ kajədə́ ndɔ̄ wōn̄g yā Kɔ́ɔ̄ɓē tə́ alé. Nin̄ a əsan̄ yá̰a̰ to̰ aĺ ō, yá̰a̰ kəsa a gətóo kem tiīdə́ tə́ ō. Tɔdɔ̄ kété ní, gində̄ arjā̰a̰ yādə́ ō, lɔ́r yādə́ ō, rāān̄ rɔ̄də́ i gūmbə̄ tə́ tām̄ yādə́ tə́.

EJEKIEL 7:19 Referans Kwoze

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

Gōsə̄ najə̄ gə̄ 11:4

Ndɔ̄ wōn̄g tə́ anī yá̰a̰ kənge i yá̰á̰ kə́ karī, banī háĺ kə́ gōtə́ a taā deē ta yo tə́,

EJEKIEL 14:7

Yá̰á̰ kə́ rang ń a asə kə́ yā rāā yá̰á̰ ɓáý to̰ ní n toó: Ré ngōn̄ Israel kógə̄ḿ, aláa tə̄rā kógə̄ḿ kə́ ndi dɔ nang kə́ Israel tə́, əya̰m̄ kɔ̄ɔ́ ba aw̄ sa̰y. Ni-əhɔ gō ɓesə̄ yān gə̄ ō, gḛy yá̰á̰ ń a rāān adə̄ a tə́sō kum majaĺ tə́ ní ngá̰ý ō, ba reē koō najə̄ kə́ ta nge koō ta tə́ yā gerə̄ń ń yá̰á̰ ń m̄-ndigə ní anī, i mə̄kɔ́ Kɔ́ɔ̄ɓē n m-ā m̄-tūr̄ najə̄ yā kədan ní.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

MATIYE 16:26

Ré deē ənge dɔ nang malang kə taá ba tḭ̄ḭ̄ ta rɔ̄n kɔ̄ɔ́ ní, a teēn i rí? Aláa i rí n, deē a ādə̄ kum gotə rɔ̄n yā gāngəń dɔ rɔ̄n ní?

EJEKIEL 44:12

Dan ń ngán Israel gə̄ a unnə̄ń gō nə́ɓā kə́ rɔ̄kum aĺ gə̄ ní, nin̄ rāān̄ kəla adə̄n̄də́ ō, nin̄ rāān̄ adə̄ ngán Israel gə̄ mānə̄n̄ dɔ ndū Nə́ɓā ō. I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́da najə̄ ń toō ní: M-ā m̄-rāā yá̰á̰ kə́ tōr̄ sedə́ ō, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní ō.

KOHELET 5:10

Loo ń yá̰a̰ kənge i ngá̰ý anī, ngé kəsan gə̄ i ngá̰ý ō. Yá̰á̰ ń kɔ́ɔ̄n a ənge gírí ní i ka̰a̰ yá̰a̰ kənge yā n kə kumneé ngóy aĺ a?

IJAI 55:2

Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

Makətūbə̄ ń Pol ndang adə̄ Rom gə̄ ní 11:9

Dabid əda yān ō na: Kadə̄ yá̰a̰ kəsa yādə́ tél i gūmbə̄ kə́ kadə̄ əhɔdə́ ō, réng ō, mbḛ̄ kə́ kadə̄ tə́sōn̄ kemeé ō, yá̰á̰ kə́ tōr̄ kə́ kadə̄ rāādə́ ō.

2 MBAN̄G 7:15

De gə̄ ní unən̄ tó ngé rɔ̄ɔ̄ gə̄ bátə́ aw̄ ugə̄n̄ bā Jurdḛ tə́. Nin̄-a̰a̰n̄ kūbə̄ gə̄ ō, yá̰a̰ gə̄ ngá̰ý ō, kə́ ton̄ kə gō róbó gō tóo Aram gə̄ ń a̰ȳn̄ naā kə tebəle gēé á ɓōkə́n̄ kɔ̄ɔ́ tə́ ní. Ngé kəla gə̄ tél reē ədan̄ mban̄g.

Gōsə̄ najə̄ gə̄ 10:2

Yá̰á̰ kə́ kənge kə ta róbə́ kə́ gōtə́ aĺ a rāā majə kə deé alé, banī háĺ kə́ gōtə́ a ɔr deē ta yo tə́.

NŌŌ RƆ̄ 4:1

I rí n rāā yá̰a̰! Lɔ́r ń i yá̰á̰ kə́ ndə́lē pir pir ō, i gində̄ kə́ majə páráńg ō ní, kumən oy a? I rí n rāā yá̰á̰ á mbal̄ kə́ táĺ gə̄ ton̄ kógə̄ḿ kógə̄ḿ kə gō kadə̄ róbó ní?

EJEKIEL 13:5

Nin̄ aw̄ tínīn̄ kum bəlo gə̄ kə́ tū ndogə̄ mbal̄ tə́ aĺ ō, ənīn̄ ndogə̄ mbal̄ dɔsí tə́ yā ngɔ̄məńsí ta rɔ̄ɔ̄ tə́ ndɔ̄ wōn̄g yā Kɔ́ɔ̄ɓē tə́ aĺ ō.

EJEKIEL 30:3

A̰á̰ā̰, ndɔ̄ yā Kɔ́ɔ̄ɓē a reē noó, dɔ to ngɔr ngá̰ý. I ndɔ̄ kə́ kil̄ man̄ a ndul ndí ndḭ́. I kum mbang ń a gāngə̄nəń sarya dɔ nápar de gə̄ tə́ ní.

SOPONI 1:3

M-ā m̄-rāā kadə̄ deē ndul gə̄ gətóon̄ ō, dā̰ gə̄ gətóon̄ ō, yel̄ kə́ dɔɔ́ gə̄ gətóon̄ ō, kānjə̄ gə̄ kə́ kum bā bo tə́ gətóon̄ ō. M-ā m̄-rāā kadə̄ de kə́ majaĺ gə̄ gətóon̄ ō, yá̰á̰ ń rāādə́ adə̄ a rāān̄ yá̰a̰ majaĺ ní gətóo ō. M-ā m̄-rāā kadə̄ deē ndul gə̄ a gətóon̄ kɔ̄ɔ́ dɔ nang tə́.