EJEKIEL 7:12 - Bibəl ta Sar̄

¹² Kum mbang ugə̄, dɔ ndɔ̄ gān̄g sarya i ngɔr. Ādə̄ nge mang yá̰a̰ rāā rɔ̄nel̄ aĺ ō, ādə̄ nge kigə yá̰a̰ əhɔ ndoō aĺ ō. Tɔdɔ̄ wōn̄g rāām̄ i kə ngán Israel gēé malang.

Bible sar

¹² Kum mbang ugə̄, dɔ ndɔ̄ gān̄g sarya i ngɔr. Ādə̄ nge mang yá̰a̰ rāā rɔ̄nel̄ aĺ ō, ādə̄ nge kigə yá̰a̰ əhɔ ndoō aĺ ō. Tɔdɔ̄ wōn̄g rāām̄ i kə ngán *Israel gēé malang.

EJEKIEL 7:12 Referans Kwoze

EJEKIEL 7:10

Ndɔ̄ gān̄g sarya n toó, loo kə́ nujə sák sák a əndā i dɔ rɔ̄n danaá. Yá̰a̰ rāā kə́ kə dɔ́nɔ́ a aw̄ i kum kə̄ kété kété ō, kɔjə rɔ̄ a tḭ̄ḭ̄ i rɔ̄n ō.

Gōsə̄ najə̄ gə̄ 20:14

Nge mang yá̰a̰ əda na: Majə alé, majə alé! Ba ré ɔtə aw̄ń anī tɔ̄ȳ rɔ̄n.

SOPONI 1:14

Dɔ ndɔ̄ kə́ bo yā Kɔ́ɔ̄ɓē i ngɔr. Dɔ̄ to ngɔr. Ndɔ̄ ní a reē i láẃ ngá̰ý. Ndɔ̄ ngeé ń noō tə́ ní, deē a oō kɔŕ kə́ to ɓōĺ ngá̰ý gə̄. De gə̄ kə́ wur kil yādə́ tɔȳ yā madə̄də́ gə̄ gə̄gē a ɓārə́n̄ yá̰a̰ kadə̄ dḭḭ̄n̄də́.

IJAI 21:12

Nge ngɔ̄m̄ loo tūr̄ əda na: Loo tīī, ba téĺ tíbə gogə́. Ré ī-gḛyiī dəje najə̄ ɓáý to̰ anī, ī-dəjeī, gō tə́ anī ī-tél ī-reēī gogə́ ndɔ̄ kə́ rang tə́ ɓáý!

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

EJEKIEL 12:23

I beé ní, ə́dá ngán Israel gə̄ na mā Kɔ́ɔ̄ɓē Nə́ɓā m-ā m̄-rāā kadə̄ de gə̄ a ədan̄ kāgə̄ najə̄ ń noō to̰ alé. De kə́ yā tél kəda kə̄ nja naā tə́ dɔ nang kə́ Israel tə́ to̰ a gətóo. Banī ə́dádə́ na: Kum mbang ń kadə̄ yá̰á̰ kə́ ka̰ā̰ gə̄ malang reē udən̄neé gíŕ kə́ rɔ̄ tə́ ní, dɔ i ngɔr.

EJEKIEL 30:3

A̰á̰ā̰, ndɔ̄ yā Kɔ́ɔ̄ɓē a reē noó, dɔ to ngɔr ngá̰ý. I ndɔ̄ kə́ kil̄ man̄ a ndul ndí ndḭ́. I kum mbang ń a gāngə̄nəń sarya dɔ nápar de gə̄ tə́ ní.

JOEL 1:15

Ndoō wa. Ndɔ̄ kə́ to ɓōĺ ngá̰ý ń i ndɔ̄ yā Kɔ́ɔ̄ɓē ní dɔ i ngɔr! Loo kə́ nujə ń i Nə́ɓā kə́ bo kə́ tɔ́gən i ngá̰ý n gḛy ní, a reē naā tə́ seneé.