EJEKIEL 6:9 - Bibəl ta Sar̄

⁹ A əga kem deē yāsí gə̄ ń teēn̄ ta yo tə́ ní dɔḿ tə́, dɔ dáń nápar de gə̄ ń a əhɔn̄də́ nin̄ dɔ gúú tə́ aw̄n̄ sedə́ dandə́ tə́ ní, nin̄ ń m-ā m̄-tétə̄ ngarā̰ kemdə́ kə́ a rāā ájə́ba ń mbātə́m̄ kɔ̄ɔ́ ní ō, kumdə́ gə̄ kə́ rāān̄ háĺ ájə́ba kə ɓesə̄ yādə́ gēé ō ní. Nin̄ a a̰ā̰n̄ ta kum naā to̰ alé ɔjəń dɔ yá̰á̰ kə́ majaĺ ń nin̄ rāān̄ ní ō, sɔɔ̄ń dɔ yá̰á̰ kə́ majaĺ ngá̰ý gə̄ malang yādə́ ō.

Bible sar

⁹ A əga kem deē yāsí gə̄ ń teēn̄ ta yo tə́ ní dɔḿ tə́, dɔ dáń nápar de gə̄ ń a əhɔn̄də́ nin̄ dɔ gúú tə́ aw̄n̄ sedə́ dandə́ tə́ ní, nin̄ ń m-ā m̄-tétə̄ ngarā̰ kemdə́ kə́ a rāā ájə́ba ń mbātə́m̄ kɔ̄ɔ́ ní ō, kumdə́ gə̄ kə́ rāān̄ háĺ ájə́ba kə ɓesə̄ yādə́ gēé ō ní. Nin̄ a a̰ā̰n̄ ta kum naā to̰ alé ɔjəń dɔ yá̰á̰ kə́ majaĺ ń nin̄ rāān̄ ní ō, sɔɔ̄ń dɔ yá̰á̰ kə́ majaĺ ngá̰ý gə̄ malang yādə́ ō.

EJEKIEL 6:9 Referans Kwoze

EJEKIEL 20:43

Ā ī-gírī dɔ háĺsí kə́ mān̄ kɔ̄ɔ́ tə́ ō, dɔ yá̰a̰ rāāsí gə̄ malang ń rāān̄sí adə̄ ī-téliī de kə́ yḛr gə̄ ní tə́ ō loo ngeé ń noō tə́. Rɔ̄sí a nel̄sí kə rɔ̄sí sḭḭ̄ kɔ́ gɔ̄ɔ́ alé, sɔɔ̄ń yá̰a̰ malang kə́ majaĺ ń ī-rāāī ní.

IJAI 7:13

Anī Ijai əda na: I beé ní, sḭḭ̄ ń i de gə̄ kə́ gír kojə yā mban̄g Dabid tə́ ní, ōōī! Sḭḭ̄ ī-rāāī de gə̄ adə̄ kɔr rāādə́ ō, tá to tītə̄ kə́ nge ń noō asəsí aĺ ɓáý beē. Sḭḭ̄ ī-rāāī Nə́ɓā yāḿ adə̄ kɔr rāān ō!

PĀ GƏ̄ 78:40

Nin̄ mbātə́n̄ najə̄ tan tə́ nja i ngá̰ý kem dəla loo tə́, sāān̄ tan kem loo kə́ man̄ gətóo tū tə́ ń noō tə́!

Makətūbə̄ yā Job 42:6

Adə̄ m-á̰a̰ rɔ̄ḿ i yá̰á̰ kə́ majaĺ ngá̰ý tə́ ta kumḿ mə̄kɔ́ tə́ ō, m̄-mbātə́ najə̄ kɔrə̄ḿ mə̄kɔ́ ō. Adə̄ m̄-ndi kum bumbə́rú tə́ ō, kum bū tə́ ō.

JAKARI 10:9

Kété ní, m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de gə̄ tə́, tītə̄ loo dubə̄ kum yá̰a̰ beé. Ba loo ń nin̄ i kem ɓē kə́ sa̰y gə̄ tə́ anī, a əga kemdə́ dɔḿ tə́. Nin̄ a ndin̄ nú kə ngáńdə́ gēé, ba gō tə́ anī, a télən̄ yā reē.

EJEKIEL 20:7

M-ə́dádə́ yá̰á̰ ń toō kadə̄ rāān̄, m-ə́da na: Ādə̄ sḭḭ̄ kógə̄ḿ kógə̄ḿ ní, ə́ya̰ī ɓesə̄ kə́ majaĺ ngá̰ý gə̄ ń əsōn̄ kumsí ní kɔ̄ɔ́! Ī-lōōī rāā kadə̄ ī-téliī de kə́ yḛr gə̄ kə ta kūl̄ rɔȳ ɓesə̄ gə̄ kə́ Ejiptə tə́! Kɔ́ɔ̄ɓē Nə́ɓā yāsí i mā.

IJAI 43:24

Nar yāí udə loo mang kámbə kotə gə̄ tə́ tām̄ yāḿ tə́ alé, ī-rāā adə̄ m̄-ndān̄ kə ta kūl̄ kəsa yibə̄ dā̰ kə́ tɔ̄l̄ ba tun̄ gə̄ alé. Banī ī-rāā adə̄ mā i ɓəlo yāí kə ta kūl̄ yá̰a̰ rāāí kə́ gōtə́ aĺ gə̄. Ī-rāā adə̄ kɔr rāām̄ kə ta kūl̄ mān̄ kə́ ī-mān̄ dɔ ndūḿ gə̄ kə̄ nja naā tə́.

EJEKIEL 20:24

I yá̰á̰ ń rāā yá̰á̰ á m̄-túbəń m-ādə̄də́ tītə̄ ń noō ní n toó: Nin̄ unən̄ gō jī bēl̄ loo rāā yá̰a̰ yāḿ gə̄ aĺ ō, usədə́ dɔ ndū najə̄ yāḿ gə̄ tə́ aĺ ō, kídə̄n̄ ndɔ̄ sabat ō, nin̄ aw̄n̄ gō nə́ɓā kə́ rɔ̄kum aĺ gə̄ yā kaadə́ gə̄ tə́ ō.

JEREMI 51:50

Sḭḭ̄ ngé teē ta yo kaskar tə́ gə̄, ə̄sōī róbó āwī. Ī-lōōī dəba. Ī-gírī dɔ Kɔ́ɔ̄ɓē tə́ loo kə́ sa̰y nəkɔ́ ń ī-ndiī tū tə́ noō ō, ādə̄ əga kemsí dɔ Jerusalem tə́ ō.

2 PIYER 2:14

Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 16:43

Əga kemií dɔ yá̰á̰ ń m̄-rāā tām̄ yāí tə́ dan ń ī-na̰yń ngōn̄ ɓáý tə́ ní alé. Adə̄ ī-rāā adə̄ wōn̄g rāām̄ sɔɔ̄ń yá̰a̰ rāāí gə̄. Ń toō ɓáa ta i yāḿ kadə̄ m̄-rāāī kadə̄ ə̄gā kə̄rā yá̰a̰ rāāí gə̄. I mā Kɔ́ɔ̄ɓē Nə́ɓā n m-ə́da najə̄ ń noō ní. Tām̄ hálí ń ī-rāā ní to rɔ̄sɔl̄ ngá̰ý, tá ī-ra dɔ tə́ noō ī-rāā yá̰á̰ kə́ majaĺ ngá̰ý gə̄ ādə̄ nə́ɓā kə́ rɔ̄kum aĺ gə̄.

AMOS 2:13

Beé ɓá ní, ngɔlaā m-ā m̄-rējə̄sí tītə̄ ń púsə́ kə́ yá̰a̰ gātə̄ rosə kem a rējəń yá̰a̰ malang kə́ dɔ róbən tə́ ní.

TƏ́DA 15:39

Adə̄ ā ō̰ō̰ī kūbə̄ gə̄ kə́ ta kəlā kəjōdə́ gə̄ teēn̄ kə̄ ndágá, yā kadə̄ ré á̰a̰ī tadə́ anī, əga kemsí dɔ ndū najə̄ gə̄ yā Kɔ́ɔ̄ɓē tə́ malang, kadə̄ ī-rāāiń yá̰a̰ gə̄ ń ədan̄ ní. Loo ń noō tə́ ā úniī gō ngur yá̰a̰ gə̄ kə́ kemsí tə́ ō, kum kəsō yá̰a̰ gə̄ ō, kadə̄ ī-téliīń ngé rāā yá̰a̰ gōtə́ aĺ gə̄ alé.

EJEKIEL 12:16

Ɓá tā ba m-ā m-ə́ya̰ de kə́rēý gə̄ kadə̄ teēn̄ ta rɔ̄ɔ̄ tə́ ō, ta ɓō tə́ ō, ta mo̰y ngāl̄bɔ̄gīí tə́ ō. Loo ń noō tə́ nin̄ a ənīn̄ de kə́ kem ɓēé gə̄ ń nin̄ a aw̄n̄ kə̄ tū tə́ ní, gotə yá̰a̰ malang kə́ majaĺ ngá̰ý gə̄ ń nin̄ rāān̄ ní. Adə̄ de kə́ kem ɓē ní tə́ gə̄ a gerə̄n̄ kadə̄ Kɔ́ɔ̄ɓē i mā.

EJEKIEL 7:16

Ngé gə̄ ń a ndin̄ kə kumdə́ ní, a a̰ȳn̄ naā kə̄ dɔ mbal̄ gə̄ tə́. Nin̄ a nōōn̄ tītə̄ dér gutə gə̄ sɔɔ̄ń majaĺ yādə́ gə̄.

EJEKIEL 5:13

M-ā m̄ bə̄gā wōn̄g yāḿ dɔsí tə́, m-ā m̄-bə̄gā wōn̄g yāḿ dɔsí tə́ bátə́ ta tɔ̄l̄ ta tə́, adə̄ m-ā m̄-dal ba̰ā̰. Loo ń noō tə́ ā ī-gerī kadə̄ deē ń ɔr̄ najə̄ sesí ní, i mā Kɔ́ɔ̄ɓē. Tɔdɔ̄ m-ásə́ tə́gā taḿ dɔ mbātə́ ndi dɔ kənī ndū yāsí tə́ alé.

JEREMI 3:13

Majə kadə̄ ī-gēr̄ gō majaĺ ń ī-rāā ní. I Kɔ́ɔ̄ɓē Nə́ɓā yāí n ī-mbātə́n ní. ī-ndi gotə kógə̄ḿ alé ba ī-tə́lá halí naā tə́ kə nə́ɓā kə́ mbā gēé kə gír kāgə̄ kə́ mbōl̄ gə̄ malang. Sḭḭ̄ ōōī ndūḿ alé. Najə̄ ń Kɔ́ɔ̄ɓē əda ní n noó.

JEREMI 3:6

Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

IJAI 63:10

Banī nin̄ mbātə́n̄ najə̄, rāān̄ Ndílən kə́ táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

PĀ GƏ̄ 137:1

Jə-ndi nang tə́ ta man̄ gə̄ kə́ Babilon tə́ jə-nōō, tɔdɔ̄ əga kemjí dɔ Siyo̰ tə́.

2 MBAN̄G 16:10

Mban̄g Akaj aw̄ Damas kənge Tigəlatə Pileser mban̄g kə́ Asiri tə́. Ni-a̰a̰ loo tun̄ yá̰á̰ kə́ Damas anī, rāā ngōn̄ loo tun̄ yá̰á̰ ní kə́ dūú əlań adə̄ Uria nge tun̄ yá̰a̰ kem ɓē kə́ Jerusalem tə́ ō, ɔjə loo rāān ō, kadə̄ Uria rāā loo tun̄ yá̰á̰ kə́ teēn̄ naā kə nge kə́ Damas jéjé.

EJEKIEL 6:10

Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Dan ń m̄-tāādə́ najə̄ yá̰á̰ kə́ tōr̄ gə̄ ń noō ní, m-ɔ̄r̄ najə̄ kanjə̄ kumən alé.

EJEKIEL 16:61

Dan ń ā ī-tél ā ə́ngé ngákó̰ó̰í kə́ dəyá̰ kə́ ngátɔ́gí gə̄ ō, gidií kə́ dəyá̰ gə̄ ō gogə́ anī, ā ī-gír̄ dɔ hálí tə́ ō, rɔ̄í a sɔlī najə̄n tə́ ō. M-ā m-ə́la dɔdə́ gíŕ tɔ́gə yāí tə́, tītə̄ kə́ nin̄ i ngání kə́ dəyá̰ gə̄ beé. Nge ń noō ndetə madə̄ naā ń m-ə́hɔ seí ní alé ɓá tā, ba m-ā m̄-rāā nge ń noō.

EJEKIEL 23:30

Yá̰á̰ ń rāā yá̰á̰ á rāān̄ yá̰á̰ kə́ tītə̄ ń noō seí ní n toó: Ḭ̄ ī-rāā kaya, de kə́ rá gə̄gē a ḭ̄ ī-ɓīī seneé, ī-rāā ájə́ba kə dəngam gə̄ kə́ dan nápar de kə́ rang gə̄ tə́, ḭ̄ ī-rɔȳ ɓesə̄ yādə́, adə̄ ī-tél de kə́ yḛr.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

MISE 5:13

M-ā m̄-ró̰ȳ yá̰á̰ kə́ tɔ́sə̄ ba rāādə́ kum gotə kāgə̄ ɓesə̄ kə́ yā ɓōĺ gidə yāsí gə̄ ń ī-túdī ní kɔ̄ɔ́ ō, m-ā m̄-nujə ɓē bo yāsí gə̄ kɔ̄ɔ́ ō.