Biblia Todo Logo
Bib sou entènèt

- Piblisite -




EJEKIEL 6:7 - Bibəl ta Sar̄

7 De gə̄ a oyn̄ dɔ dáńsí tə́, adə̄ ā ī-gerī kadə̄ mā i Kɔ́ɔ̄ɓē.

Gade chapit la Kopi

Bible sar

7 De gə̄ a oyn̄ dɔ dáńsí tə́, adə̄ ā ī-gerī kadə̄ mā i Kɔ́ɔ̄ɓē.

Gade chapit la Kopi




EJEKIEL 6:7
43 Referans Kwoze  

M-ā m-ɔ́jə́ nápar de gə̄ malang kadə̄ mā i Nə́ɓā kə́ bo ō, kə́ táĺ ō, i tītə̄ ń noō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.


Dan ń ḭ̄ á̰a̰ kadə̄ nujən̄ Israel gə̄ ń i gír deē yāḿ gə̄ ní anī, ḭ̄ ī-rāā rɔ̄nel̄. I beé ní, yá̰á̰ ń m-ā m̄-rāā seí ní, i yá̰á̰ kə́ tītə̄ ń noō ō. A nujən̄ mbal̄ bo yāí gə̄ ō, ɓē yāí kə taá malang ō. Loo ń noō tə́ de gə̄ a gerə̄n̄ kadə̄ Kɔ́ɔ̄ɓē i mā.


M-ā m̄-rāā de kə́ Ejiptə tə́ gə̄ kadə̄ a tḭ̄ḭ̄n̄ naā kə̄ loo gə̄ tə́, dan nápar de gə̄ tə́. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.


M-ā m-ə̄nī mo̰y ngāl̄bɔ̄gīí dɔí tə́ ō, mósə a a̰ȳ nang tə́ kum róbə kɔsə yāí gə̄ tə́ ō. Madə̄ ba̰ā̰í gə̄ a ənīīn̄ rɔ̄ɔ̄ kə̄ ta gə̄ tə́ ō, de gə̄ ń ndin̄ kemií tə́ ní, ngá̰ý gə̄ a tə́sōn̄ kem ɓēé ō. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.


Nin̄ a nujən̄ ɓē kə́ kadə tə́ gə̄ kə gō kadə bāá. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.


M-ā m̄-dal ba̰ā̰ kə́ ngá̰ý dɔdə́ tə́, m-ā m-ə́ndádə́ ndéý kə́ to ɓōĺ ngá̰ý. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.


Ndɔ̄ ngeé ń noō tə́ ní, gír kəlā ndo̰í a do̰ō̰ naā to̰ alé, ā ī-tél yā kɔr̄ najə̄ gogə́, adə̄ ā ɔ̄r̄ najə̄ kə deē ń teē ta yo tə́ ní. Ā ī-tél i de kə́ nge tāā ngán Israel gə̄, loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.


Dan ń Ejekiel rāā yá̰a̰ beé ní, tāāsí i najə̄ yā yá̰á̰ ń a rāā yā reē ní. Ā ī-rāāī yá̰a̰ i tītə̄ yān jéjé. Ba ré yá̰á̰ ní reē ugə̄ anī, ā ī-gerī kadə̄ Kɔ́ɔ̄ɓē Nə́ɓā i mā.


Ohola ō, Oholiba ō, yá̰a̰ rāāsí kə́ majaĺ gə̄ ní, najə̄n i dɔsí sḭḭ̄ kɔ́ gə̄ tə́. Ī-ndíbī horən, i tām̄ sḭḭ̄ ī-rɔyī nə́ɓā kə́ rɔ̄kum aĺ gə̄. Loo ń noō tə́ ā ī-gerī kadə̄ Kɔ́ɔ̄ɓē Nə́ɓā i mā.


Sḭḭ̄ ngán Israel gə̄, m-ā m-ə́wá gíŕ háĺsí aĺ ō, m-ā m-ə́wá gíŕ yá̰a̰ rāāsí kə́ majaĺ gə̄ aĺ ō. Banī yá̰á̰ m-ā m̄-rāā sesí ní, m-ā m̄-rāā i rāā kə́ ā ī-rɔȳmī najə̄n tə́. Loo ń noō tə́ ā ī-gerī kadə̄ Kɔ́ɔ̄ɓē i mā. Yá̰á̰ ń Kɔ́ɔ̄ɓē Nə́ɓā əda ní n noó.


M-ā m̄-tél yā kaw̄ sesí gogə́ dɔ nang kə́ Israel tə́, kem ɓē ń m-ə̄niń ndūḿ kadə̄ m-ādə̄ kaasí gə̄ ní. Loo ń noō tə́ ā ī-gerī kadə̄ Kɔ́ɔ̄ɓē i mā.


Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.


M-ā m̄-rāādə́ yá̰á̰ kə́ tōr̄. Nin̄ ɔjənə̄ń na n-teēn̄ kum hor tə́ kɔ̄ɔ́, banī hor a o̰o̰də́. Ba ré m-ā m̄-rāādə́ yá̰á̰ kə́ tōr̄ anī, ā ī-gerī kadə̄ Kɔ́ɔ̄ɓē i mā.


M-ā m̄-rāā yá̰á̰ kógə̄ḿ kə́ majaĺ kə deē ngeé ń noō. Yá̰á̰ ń m-ā m̄-rāā seneé ní a tél i kāgə̄ najə̄. M-ā m-ɔ̄rən kə̄ gogə́ kɔ̄ɔ́ dan gír deē yāḿ gə̄ tə́. Loo ń noō tə́ ā ī-gerī kadə̄ Kɔ́ɔ̄ɓē i mā.


I beé ní, yá̰á̰ kə́ rɔ̄kum aĺ gə̄ ń ā á̰a̰ī ō, najə̄ kə́ rɔ̄kum aĺ gə̄ ń ā ə́daī ō ní, gíŕdə́ gān̄g. M-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō, ā ī-gerī kadə̄ Kɔ́ɔ̄ɓē i mā ō.


M-ā m̄-rə́yā̰ mandíl yāsí gə̄ kɔ̄ɔ́ ō, m-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō. Nin̄ a əsōn̄ kum gūmbə̄ yāsí gə̄ tə́ to̰ aĺ ō, ā ī-gerī kadə̄ Kɔ́ɔ̄ɓē i mā ō.


Ndogə̄ mbal̄ ń ī-rāāī hō̰rō̰ gidə tə́ ní, m-ā m̄-mbəren yā kənīn nang tə́ kɔ̄ɔ́. M-ā m̄-bótīyōn dɔɔ́ bátə́ kadə̄ ugə̄ nang tə́, adə̄ de gə̄ a a̰a̰n̄ gírən ń əndān̄ ní. Ndogə̄ mbal̄ ní a əsō ō, mbal̄ kə́ tū tə́ gə̄ a rējə̄n̄sí ō. Loo ń noō tə́ ā ī-gerī kadə̄ Kɔ́ɔ̄ɓē i mā.


Ngé koō ta gə̄ ń a ənīn̄ gotə yá̰á̰ kə́ ka̰ā̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ō ní, m-ā m-ɔ́jə́ tɔ́gə́ḿ dɔdə́ tə́. Nin̄ i dan ngé kán̄ naā gə̄ yā gír deē yāḿ gə̄ tə́ aĺ ō, a ndangən̄ rīdə́ dan rī ngán Israel gə̄ tə́ aĺ ō, nin̄ a télən̄ yā reē gogə́ dɔ nang yādə́ tə́ aĺ ō. I tītə̄ ń noō n nin̄ a ger̄nəń kadə̄ Kɔ́ɔ̄ɓē Nə́ɓā i mā ní.


Dan ń m-ā m̄-tə̄ndā m̄-tḭ̄ḭ̄də́ kə̄ dan nápar de kə́ rang gə̄ tə́ ō, kə̄ kem ɓē kə́ rang gə̄ tə́ ō anī, nin̄ a gerə̄n̄ kadə̄ Kɔ́ɔ̄ɓē i mā.


Loo ń noō tə́ ā ī-gerī kadə̄ Kɔ́ɔ̄ɓē i mā. Sḭḭ̄ úniī gō ndū najə̄ yāḿ gə̄ aĺ ō, úniī jī bēl̄ loo rāā yá̰a̰ yāḿ gə̄ ī-rāāiń yá̰a̰ aĺ ō. Banī sḭḭ̄ úniī gō yá̰a̰ kāgə̄ ɓē gə̄ nápar de gə̄ ń ndin̄ gīrə̄n̄ gidəsí ní.


Loo ń noō tə́ ā ī-gerī kadə̄ Kɔ́ɔ̄ɓē i mā. M-ā m̄-gān̄g sarya dɔsí tə́ i gō nang kə́ Israel tə́, adə̄ m-ā m̄-rāā kadə̄ ā óyiī ta rɔ̄ɔ̄ tə́.


Anī Kɔ́ɔ̄ɓē adə̄ ndūn əda na: Ī-rāāī kújə yā Kɔ́ɔ̄ɓē ādī téĺ kə́ yḛr, ādī nīń gə̄ taān̄ loo ndágə loo kə́ gīr̄ gidə kújə yān gə̄ tə́, ba gō tə́ anī ī-teēī ndágá!


Kumḿ a o̰o̰m̄ tām̄ yāsí tə́ alé, adə̄ m-ā m-ə́yá̰sí alé. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ə́ndásí ní.


Kumḿ a o̰o̰m̄ tām̄ yāsí tə́ aĺ ō, m-ā m-ā m-ə́yá̰sí aĺ ō. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ Kɔ́ɔ̄ɓē i mā.


Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Nīń yādə́ a ton̄ nang tə́, dan ɓesə̄ yādə́ gə̄ tə́. Loo malang ń nin̄ a tunə̄n̄ yá̰a̰ a adə̄n̄ ɓesə̄ yādə́ gə̄ tū tə́ ní, nīń gə̄ ton̄ tū tə́. A tōn̄ kə̄ dɔ mbal̄ gə̄ tə́ ō, kə̄ dɔ ngán mbal̄ mbal̄ gə̄ tə́ ō, kə̄ gír kāgə̄ gə̄ kə́ mbīdə́ to mbōl̄ ō, əga ku tə́ ō, loo kə́ rang gə̄ malang ń ɓesə̄ yādə́ gə̄ i tū tə́ ní, nīń gə̄ ń a tōn̄ tū tə́ ō.


De gə̄ ń oyn̄ yo kaskar ní, yādə́ i sótə́ tɔȳ yā ngé gə̄ ń oyn̄ yo ɓō á ndəlēn̄ ngandəra najə̄ kōō kə́ gətóo ndɔrɔ́ tə́ ní.


Əla gír dām̄ dɔ nang kógə̄ḿ tə́ bátə́ gān̄g kə́ noō tə́ ní, de gə̄ a əndān̄ yo ngé gə̄ ń Kɔ́ɔ̄ɓē a tɔldə́ ní, ndɔ̄ ń noō tə́ alé. De gə̄ a ɔyn̄də́ yā dubə̄də́ alé, adə̄ a télən̄ dɔ bū loo kə́ dɔ nang tə́.


Ɓá anī ādə̄ ɓō rāā ngáńdə́ gə̄ ō, ī-rāā ādə̄ oyn̄ yo kaskar ō, ādə̄ nə̄yá̰də́ gə̄ nalə̄n̄ ngáńdə́ gə̄ ō, ngaadə́ gə̄ ō, ādə̄ yo tɔ̄l̄ dəngam gə̄ ō, ādə̄ balsáa gə̄ oyn̄ yo kaskar ta rɔ̄ɔ̄ tə́ ō.


Ré m-āw̄ kem ndɔr̄ gə̄ tə́ a, i nīń de kə́ oyn̄ yo kaskar gə̄ n ton̄ toó. Ré m-údə kə̄ kem ɓēé a, i ngé gə̄ ń ɓō rāā kumdə́ ndoō tə́ ní n ton̄ toó. Ngé koō ta gə̄ ō, ngé tun̄ yá̰a̰ gə̄ ō, njə̄rā ɔrə̄n̄ gō loo kem ɓēé kanjə̄ ger̄ kum yá̰á̰ kógə̄ḿ.


Banī ḭ̄ Kɔ́ɔ̄ɓē Nə́ɓā yājí, ī-taājí jī Senakerib tə́ ə́yá̰jí dɔɔ́. Loo ń noō tə́, Kɔ́ɔ̄ɓē, de kə́ kem ɓē ko̰o̰ gə̄ kə́ dɔ nang tə́ gə̄ malang a gerə̄n̄ kadə̄ i ḭ̄ ngóy n i Nə́ɓā ní.


Ré n-ɔsə gɔnən nəkɔ́ tītə̄ ń noō anī, de kə́ Ejiptə gə̄ na a gerə̄n̄ kadə̄ ni i Kɔ́ɔ̄ɓē.


M-ā m̄-rāān kadə̄ a dum̄ naā, adə̄ a ngɔ̄də̄ gōsí. Ba m-ā m̄-tetən rɔ̄ɔ̄ kə deē yān gēé malang kadə̄ m-ɔ́səń gɔn rɔ̄ḿ. Loo ń noō tə́ de kə́ Ejiptə gə̄ a gerə̄n̄ kadə̄ mā i Kɔ́ɔ̄ɓē. Ngán Israel gə̄ rāān̄ yá̰á̰ ń Kɔ́ɔ̄ɓē ɔjədə́ ní.


Ré m-ə́la jīḿ kə̄ dɔ de kə́ Ejiptə gə̄ tə́ m̄-rɔ̄ɔńdə́ ba m̄-teē kə ngán Israel gēé kem ɓē yādə́ tə́ kɔ̄ɔ́ anī, kumdə́ a teē adə̄ a gerə̄n̄ kadə̄ mā i Kɔ́ɔ̄ɓē.


Loo malang ń ī-ndiī tū tə́ ní, a nujən̄ ɓē yāsí gə̄ kɔ̄ɔ́ ō, ā ə́ya̰ī loo ndɔ̄ȳ yāsí gə̄ kɔ̄ɔ́ ō, adə̄ a nujən̄ kə loo tun̄ yá̰a̰ yāsí gə̄ ń najə̄ i dɔ tə́ ní kɔ̄ɔ́ ō. A tétə̄n̄ ɓesə̄ yāsí gə̄ kɔ̄ɔ́ ō, a nujənə̄ń sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, a nujən̄ yá̰a̰ malang ń ī-rāāī ní ō.


Banī m-ā m-ə́ya̰ gotə de kə́ sḛ́ý beē gə̄ ngóy, de gə̄ kə́ dɔ dáń nápar de gə̄ tə́ ń teēn̄ ta yo kaskar tə́ ní, dan ń a tə̄ndā tḭ̄ḭ̄n̄sí kə̄ kem ɓē kə́ rang gə̄ tə́ ní.


Gō tə́ anī, ā ə́da de kə́ kem ɓēé gə̄ na: Najə̄ ń Kɔ́ɔ̄ɓē Nə́ɓā əda ní n toó: Gotə de kə́ Jerusalem tə́ gə̄ ń na̰yn̄ dɔ nang kə́ Israel tə́ ní a əsan̄ mápa yādə́ i kə sōlōó ō, a a̰ȳn̄ man̄ yādə́ i kə ɓōĺ kə́ a ndewdə́ ō. Tɔdɔ̄ a nujən̄ ɓē yādə́ sák sák kɔ̄ɔ́, tām̄ de kə́ kemeé gə̄ rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé.


M-ə́yá̰də́ adə̄ nin̄ télən̄ de kə́ yḛr gə̄ kə ta kūl̄ kadə̄ yá̰a̰ ndējə̄ gə̄. Yá̰a̰ ndējə̄ gə̄ ní i ngáń hágə́də́ gə̄ kə́ nin̄ róōn̄də́ horoó. m̄-ndigə kadə̄ yá̰a̰ rāādə́ nin̄ kɔ́ gə̄ əla ɓōĺ kemdə́ tə́. I tītə̄ ń noō n nin̄ ger̄nəń kadə̄ Kɔ́ɔ̄ɓē i mā ní.


Sḭḭ̄ ī-tḭ̄ḭ̄ ta hɔ̄r̄mɔ̄ yāsí kɔ̄ɔ́ ta kum nápar de gə̄ tə́, sɔɔ̄ń yá̰a̰ rāāsí kə́ gōtə́ aĺ. Banī ā ī-gerī kadə̄ Kɔ́ɔ̄ɓē i mā.


M-ā m̄-r̄āā ɓē kə́ Ejiptə kadə̄ téĺ dəla loo. M-ā m̄-rāā kadə̄ yá̰a̰ malang kə́ kem ɓēé gətóo kɔ̄ɔ́, kadə̄ kem ɓē a to i karī ō, m-ā m̄-rāā kadə̄ de kə́ kem ɓēé gə̄ oyn̄ malang kɔ̄ɔ́ ō. Kum mbang ngeé ń noō tə́ ɓáa de gə̄ malang a gerə̄n̄ kadə̄ Kɔ́ɔ̄ɓē i mā.


Swiv nou:

Piblisite


Piblisite