EJEKIEL 6:6 - Bibəl ta Sar̄

⁶ Loo malang ń ī-ndiī tū tə́ ní, a nujən̄ ɓē yāsí gə̄ kɔ̄ɔ́ ō, ā ə́ya̰ī loo ndɔ̄ȳ yāsí gə̄ kɔ̄ɔ́ ō, adə̄ a nujən̄ kə loo tun̄ yá̰a̰ yāsí gə̄ ń najə̄ i dɔ tə́ ní kɔ̄ɔ́ ō. A tétə̄n̄ ɓesə̄ yāsí gə̄ kɔ̄ɔ́ ō, a nujənə̄ń sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, a nujən̄ yá̰a̰ malang ń ī-rāāī ní ō.

Bible sar

⁶ Loo malang ń ī-ndiī tū tə́ ní, a nujən̄ ɓē yāsí gə̄ kɔ̄ɔ́ ō, ā ə́ya̰ī loo ndɔ̄ȳ yāsí gə̄ kɔ̄ɔ́ ō, adə̄ a nujən̄ kə *loo tun̄ yá̰a̰ yāsí gə̄ ń najə̄ i dɔ tə́ ní kɔ̄ɔ́ ō. A tétə̄n̄ ɓesə̄ yāsí gə̄ kɔ̄ɔ́ ō, a nujənə̄ń sák sák kɔ̄ɔ́ ō, a tɔ̄ɔ̄n̄ *loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, a nujən̄ yá̰a̰ malang ń ī-rāāī ní ō.

EJEKIEL 6:6 Referans Kwoze

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

MISE 1:7

Yá̰a̰ malang kə́ nō horoó rāā nə́ɓā yān kə́ rɔ̄kum aĺ gə̄ tə́ ní, a tétə̄n̄ rárák kɔ̄ɔ́ ō, yá̰a̰ malang ń ənge karī ní, a ɓōkə́n̄ kum hor tə́ kɔ̄ɔ́ ō. Yá̰a̰ gə̄ ń ni nōōdə́ horoó rāādə́ nə́ɓā yān gə̄ tə́ ní, m-ā m̄-tétə̄də́ kɔ̄ɔ́. Tɔdɔ̄ Samari rāādə́ i kə nar gíŕ dəyá̰ yān gə̄ kə́ ngé rāā ájə́ba gíŕ kújə ɓesēé. Ba gində̄ kə́ tɔ̄ɔ̄ kɔ̄ɔ́ gə̄ ń i gində̄ kə́ nō horoó rāā nə́ɓā kə́ rɔ̄kum aĺ gə̄ tə́ ní, i yā kɔy kadə̄ gíŕ ájə́ba kə́ rang gə̄ tə́.

EJEKIEL 5:14

Nápar de gə̄ ń gīrə̄n̄ gidisí ní ō, de gə̄ malang ń a aw̄n̄ Jerusalem ní ō, a a̰a̰n̄ kadə̄ m̄-nujə ɓē kə́ Jerusalem sák sák ō, m-ə́la rɔ̄sɔl̄ dɔ tə́ ō.

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

EJEKIEL 6:4

A nujən̄ kə loo tun̄ yá̰a̰ yāsí gēé sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-rāā kadə̄ de kə́ koy yāsí gə̄ a tə́sōn̄ no ɓesə̄ gə̄ tə́ ō.

LEBI GƏ̄ 26:30

Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō.

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

HABAKUK 2:18

Rāā nə́ɓā kə́ rɔ̄kum aĺ gə̄ ní, i yā rāań rí? Nin̄ i gində̄ kə́ nō horoó rāā yá̰á̰ tə́ ngóy. Nin̄ rāān̄ adə̄ deē taā kem yá̰á̰ kə́ rɔ̄kum aĺ gə̄. I kɔdə̄ kógə̄ḿ n rāādə́ ní ō, nin̄ ɔrə̄n̄ najə̄ aĺ ō. Ní, i tām̄ rí tə́ á kɔdə̄ ngeé ń toō ənī kemən mámák adə̄də́ ní?

MISE 5:13

M-ā m̄-ró̰ȳ yá̰á̰ kə́ tɔ́sə̄ ba rāādə́ kum gotə kāgə̄ ɓesə̄ kə́ yā ɓōĺ gidə yāsí gə̄ ń ī-túdī ní kɔ̄ɔ́ ō, m-ā m̄-nujə ɓē bo yāsí gə̄ kɔ̄ɔ́ ō.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

OJEE 10:8

A nujən̄ loo ndɔ̄ȳ gə̄ kɔ̄ɔ́, tɔdɔ̄ Israel mān̄ i dɔ ndū Nə́ɓā n rāańdə́ ní. Túpə kōn̄ gə̄ kə túpə ngar̄ gə̄ a alə̄n̄ dɔ loo tun̄ yá̰a̰ yādə́ gə̄ tə́. De kə́ Samari gə̄ a ədan̄ mbal̄ bo gə̄ na: Ī-ɓɔ̄ɔ̄ījí kɔ̄ɔ́! Nin̄ a ədan̄ ngán mbal̄ gə̄ na: Ī-tə́sōī dɔjí tə́!

OJEE 10:2

Israel gə̄ i de kə́ rɔ̄kum aĺ gə̄. Ngɔlaā ní, nin̄ a əgān̄ kə̄rān: Kɔ́ɔ̄ɓē nəkɔ́ a tɔ̄ɔ̄ loo tun̄ yá̰a̰ yādə́ gə̄ kɔ̄ɔ́, ni a nujə mbal̄ kə́ kudə nang tə́ kə́ yā ɓōĺ gidə yādə́ gə̄ kɔ̄ɔ́.

EJEKIEL 30:13

Najə̄ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: M-ā m̄-rāā kadə̄ ɓesə̄ gə̄ gətóon̄ kɔ̄ɔ́ ō, m-ā m̄-rāā kadə̄ yá̰á̰ kə́ tɔ́sə̄ kum gotədə́ gə̄ ń ton̄ kem ɓē kə́ Mempis tə́ ní gətóon̄ kɔ̄ɔ́ ō. Ngār gə̄ a ton̄ dɔ nang kə́ Ejiptə tə́ to̰ aĺ ō, m-ā m-ə́la ɓōĺ kem de gə̄ tə́ kem ɓēé malang kə taá ō.

EJEKIEL 16:39

M-ā m-ə́laī kem jī ngé sāāí gə̄ tə́. Nin̄ a nujən̄ loo yāí kə́ kḭḭ kə̄ dɔɔ́ gə̄ ń ī-rāā adə̄ majə ní kɔ̄ɔ́ malang. Nin̄ a ɔyn̄ kūbə̄ yāí gə̄ kɔ̄ɔ́ ō, a ɔyn̄ yá̰á̰ súū rɔ̄ yāí kə́ majə gə̄ kɔ̄ɔ́ ō, ba a əya̰īn̄ kɔ̄ɔ́ kadə̄ ā ī-ndi rɔ̄í karī.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 17:3

Ḭ̄ ń o̰o̰ī ta rāā ɓesə̄ dɔ mbal̄ tə́ kem bembeé ní, m-ā m-ādə̄ de gə̄ ɔyn̄ yá̰a̰ kənge yāí gə̄ ō, yá̰a̰ kə́ gātə̄də́ i ngá̰ý gə̄ ń ə̄ndā dɔ jīí ní ō, dɔ gúú tə́. M-ā m-ādə̄ ɔyn̄ dɔ gúú tə́ najə̄ yā yá̰á̰ kə́ gōtə́ aĺ ń ī-rāā dɔ loo ndɔ̄ȳ gə̄ tə́ gō nang yāí tə́ kə taá malang ní.

JEREMI 10:22

De gə̄ oōn̄ kōō yá̰á̰ kógə̄ḿ kə́ a reē kə̄ dɔdə́ tə́ ō, kə́ ḭḭ dām̄ mbɔ́r ɓē kə́ ko̰ó̰ tə́ ba yéȳ yá̰a̰ kə ngangāá ngá̰ý ō. A reē yā rāā ɓē kə́ Juda tə́ kadə̄ tél loo kə́ to kum ko̰ ō, kadə̄ telən̄ loo ra tal̄ gə̄ ō.

JEREMI 9:19

Dəyá̰ gə̄, ōōī najə̄ yā Kɔ́ɔ̄ɓē. Ādə̄ najə̄ kɔrə̄n əsō mbīsí tə́. Ī-ndóōī ngáńsí kə́ dəyá̰ gə̄ pā nōō yo, ī-ndóōī madə̄sí kə́ dəyá̰ gə̄ pā nōō rɔ̄ ō.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

JEREMI 2:15

Ngán ɓɔl gə̄ do̰o̰nən̄ rɔ̄ɔ̄, nin̄ nōōn̄ kə kɔrɔ́. De gə̄ rāān̄ adə̄ ɓē yān nujə sák sák kɔ̄ɔ́. Əlan̄ hor dɔ ɓē bo yān gə̄ tə́, De gə̄ təgān̄ kɔ̄ɔ́ kem ɓē bo gə̄ ní tə́.

IJAI 64:10

Kújə́ kə́ táĺ ō, kə́ majə ngá̰ý ō ń kaají gə̄ a ənīn̄ pā tɔ̄ȳ yāí kemeé ní, hor o̰o̰ kɔ̄ɔ́. Yá̰a̰ malang ń kété jə-gḛy ní, i kə́ tétə̄ nang tə́ adə̄ ra dɔ naā tə́ bing.

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

IJAI 2:18

Nə́ɓā kə́ rɔ̄kum aĺ gə̄ malang a gətóon̄ kɔ̄ɔ́.

IJAI 1:31

De kə́ tɔ́gən to a tél yā kəto tītə̄ mu beé ō, yá̰a̰ rāān gə̄ a ton̄ tītə̄ hor kə́ kə́rā beé ō. Hor a o̰o̰də́ jōó mbak ō, de kə́ yā tɔ̄l̄ hor ní a gətóo ō.

PĀ GƏ̄ 115:8

Ādə̄ ngé rāādə́ gə̄ ton̄ tītə̄də́ beē ō, ādə̄ ngé kəndā kemdə́ dɔdə́ tə́ gə̄ malang ton̄ tītə̄də́ beē ō!

LEBI GƏ̄ 26:31

M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.

1 SAMUEL 5:4

Teē kə ndɔ̄ kə́ noō, dan ń Asdod gə̄ teē reēn̄ kem kújə yā Dagon tə́ kə gír looí ɓatə anī, Dagon i kə́ teē əsō ba sébə kumən nang tə́ no sandúkə yā Kɔ́ɔ̄ɓē tə́. Dɔn ō, jīn kə́ jōó gə̄ ō, i kə́ teē tə́sōn̄ ta róbə́ kújə́ tə́, ba na̰y i rɔ̄n ngóy.

EJEKIEL 6:7

De gə̄ a oyn̄ dɔ dáńsí tə́, adə̄ ā ī-gerī kadə̄ mā i Kɔ́ɔ̄ɓē.

EJEKIEL 12:19

Gō tə́ anī, ā ə́da de kə́ kem ɓēé gə̄ na: Najə̄ ń Kɔ́ɔ̄ɓē Nə́ɓā əda ní n toó: Gotə de kə́ Jerusalem tə́ gə̄ ń na̰yn̄ dɔ nang kə́ Israel tə́ ní a əsan̄ mápa yādə́ i kə sōlōó ō, a a̰ȳn̄ man̄ yādə́ i kə ɓōĺ kə́ a ndewdə́ ō. Tɔdɔ̄ a nujən̄ ɓē yādə́ sák sák kɔ̄ɔ́, tām̄ de kə́ kemeé gə̄ rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé.

EJEKIEL 35:4

M-ā m̄-rāā ɓē bo yāí gə̄ kadə̄ a télən̄ dɔ dūbə̄ kɔkərɔ kə́ kɔsə dɔ naā tə́ gə̄. A nujən̄ ɓē yāí sák sák kɔ̄ɔ́. Loo ń noō tə́ ā ī-ger̄ kadə̄ Kɔ́ɔ̄ɓē i mā.

1 MBAN̄G GƏ̄ 14:23

Rāān̄ loo ndɔ̄ȳ gə̄ tītə̄ yā kaadə́ gə̄ ō, túdə̄n̄ mbal̄ gə̄ kə nja kə́ dɔɔ́ ō, túdə̄n̄ kāgə̄ ɓesə̄ kə́ yā ɓōĺ gidə gə̄ kə̄ dɔ ngán mbal̄ gə̄ tə́ malang ō, gír kāgə̄ gə̄ kə́ mbīdə́ əga ku gə̄ tə́ malang ō.

JEREMI 9:10

M-ā m̄-rāā Jerusalem kadə̄ to tītə̄ mbal̄ kə́ kán̄ dɔ naā tə́ ō, kadə̄ to tītə̄ loo ra tal̄ gə̄ ō. m-ā m̄-rāā ɓē kə́ Juda tə́ gə̄ kadə̄ télən̄ loo kə́ to kum ko̰ ō, de gə̄ a gətóon̄ kemeé ō.

JEREMI 51:18

Nin̄ i yá̰á̰ kə́ kanjə̄ kumən gə̄, i yá̰a̰ kəgō yā de gə̄. Nin̄ a gətóon̄ kɔ̄ɔ́, dan ń kum mbang kə́ kadə̄ əngen̄ń ndéy ugə̄ ní.