EJEKIEL 6:5 - Bibəl ta Sar̄

⁵ M-ā m̄-ɓōkə́ nīń Israel gə̄ no ɓesə̄ yādə́ gə̄ tə́ ō, m-ā m̄-tə̄ndā kə̄ngādə́ gə̄ yā tḭ̄ḭ̄ kə̄ loo gə̄ tə́ gīr̄ gidə loo tun̄ yá̰a̰ yādə́ gə̄ ō.

Bible sar

⁵ M-ā m̄-ɓōkə́ nīń *Israel gə̄ no ɓesə̄ yādə́ gə̄ tə́ ō, m-ā m̄-tə̄ndā kə̄ngādə́ gə̄ yā tḭ̄ḭ̄ kə̄ loo gə̄ tə́ gīr̄ gidə *loo tun̄ yá̰a̰ yādə́ gə̄ ō.

EJEKIEL 6:5 Referans Kwoze

2 MBAN̄G 23:16

Josias tūr̄ rɔ̄n anī a̰a̰ dɔ ɓádə gə̄ dɔ mbalá. Anī əla adə̄ ɔyn̄ kə̄ngā de gə̄ kə́ kem bāá ɓádə gə̄ ní tə́, ba róōdə́ dɔ loo tun̄ yá̰á̰ tə́. Ni-rāā adə̄ majaĺ tákə̄ loo tun̄ yá̰a̰ tītə̄ ń Kɔ́ɔ̄ɓē ədań ní. Kɔ́ɔ̄ɓē əndā najə̄ ní i ta deē yā Nə́ɓā tə́, deē ń un ndūn kə̄ dɔɔ́ ngá̰ý ədań yá̰a̰ gə̄ ń toō ní.

2 MBAN̄G 23:14

Ni tɔ̄ɔ̄ mbal̄ kə́ kudə dɔɔ́ gə̄ kɔ̄ɔ́ ō, tə́gā kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō, ba kán̄ kə̄ngā de gə̄ gotoó.

PĀ GƏ̄ 53:5

Nə́ɓā əda na ngé rāā majaĺ gə̄ ń noō gerə̄n̄ yá̰a̰ aĺ i mbée a? Nin̄ əsan̄ deē yāḿ gə̄, rāān̄də́ i yá̰a̰ kəsa yá̰a̰ yādə́ tə́ ba ndɔ̄ȳmə̄n̄ alé!

EJEKIEL 43:7

Ndū deē ní ədam̄ na: Ḭ̄ ngōn̄ deē, ōō! Loo yā kōr̄ kāgə̄ mbang yāḿ i loo ń toō tə́ laā, i dɔ nang ń m-ə̄ndā njaḿ tū tə́ toō. M-ā m̄-ndi i loo ń noō tə́ laā, dan ngán Israel gə̄ tə́, i kə́ njɔ́ḿ gə̄ tə́. Ngán Israel gə̄ ō, mban̄g yādə́ gə̄ ō, a kídə̄n̄ rīḿ kə́ táĺ to̰ alé. Nin̄ a rāān̄ ájə́ba to̰ aĺ ō, a dubə̄n̄ nīń mban̄g yādə́ gə̄ laā to̰ aĺ ō.

JEREMI 7:32

Tām̄ ń toō tə́ ní, á̰a̰ī, ndɔ̄ gə̄ a reēn̄ noó, de gə̄ a ədan̄ kem ndɔ̄gə̄ ń noō tə́ na: Topet aláa na i wól loo kə́ Ben Hinom to̰ alé, ba a ədan̄ na i wól loo tɔ̄l̄ de gə̄, tɔdɔ̄ loo gətóo, adə̄ Topet nəkɔ́ tél i loo ɓōkə́ nīń gə̄. Najə̄ ń Kɔ́ɔ̄ɓē əda ní ń noó.