EJEKIEL 6:2 - Bibəl ta Sar̄

² Ḭ̄ ngōn̄ deē, ī-tūr̄ kumií kə̄ rɔ̄ mbal̄ bo gə̄ kə́ Israel tə́ ba ɔ̄r̄ najə̄ kə́ sɔɔ̄ dɔdə́ ō,

Bible sar

² Ḭ̄ ngōn̄ deē, ī-tūr̄ kumií kə̄ rɔ̄ mbal̄ bo gə̄ kə́ *Israel tə́ ba ɔ̄r̄ najə̄ kə́ sɔɔ̄ dɔdə́ ō,

EJEKIEL 6:2 Referans Kwoze

EJEKIEL 19:9

Nin̄ ənīnən̄ kem ngōn̄ kújə́ kə́ rāān̄ kə gindīí tə́ ō, do̰ō̰nən̄ kə gində̄ kə́ ta ruguú ō, ba aw̄n̄ seneé rɔ̄ mban̄g kə́ Babilon tə́. Nin̄ ənīnən̄ kújə dəngáyá yā kadə̄ deē oō ndūn dɔ mbal̄ gə̄ kə́ Israel tə́ to̰ alé.

EJEKIEL 37:22

M-ā m̄-rāāsí kadə̄ ā ī-téliī nápar de gə̄ kə́ kógə̄ḿ beē gə̄ dɔ mbal̄ gə̄ kə́ Israel tə́ tə́. Sḭḭ̄ malang ní, mban̄g yāsí i kógə̄ḿ beē. Ā ī-rāāī ɓē gír jōó to̰ aĺ ō, ā ī-kēgī naā kem ɓē ko̰o̰ gə̄ kə́ gír jōó tə́ to̰ aĺ ō.

EJEKIEL 36:1

Ngōn̄ deē, najə̄ yā mbal̄ gə̄ kə́ Israel tə́ ń m-ə̄ndā taí tə́ ní, ɔ̄r̄ ngɔlaā. Ī-mēr̄də́ koō najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní.

EJEKIEL 35:12

Loo ń noō tə́ ā ī-ger̄ kadə̄ mā Kɔ́ɔ̄ɓē m-ōō najə̄ gə̄ ń ī-tájəń ndū ní. Ḭ̄ ə́da na: Mbal̄ gə̄ kə́ Israel i yājí. Nujən̄ mbal̄ gə̄ kə́ Israel kɔ̄ɔ́, adə̄ nin̄ télən̄ i yá̰a̰ yājí.

EJEKIEL 34:14

M-ā m-āw̄ sedə́ dɔ mu kə́ majə tə́ ō, nin̄ a əngen̄ loo kəsa mu yādə́ dɔ mbal̄ bo gə̄ kə́ dɔ nang kə́ Israel tə́ tə́ ō. Batə̄ yāḿ gə̄ a asən̄ kɔr̄ koō loo ngeé ń noō tə́, loo kə́ majə kə́ mu i tū tə́ tə́. Nin̄ a əsan̄ yá̰a̰ dɔ nang kə́ teē yá̰a̰ gə̄ tə́ tə́, dɔ mbal̄ bo gə̄ kə́ Israel tə́ tə́.

EJEKIEL 33:28

M-ā nujə ɓē kɔ̄ɔ́, m̄-rāā kadə̄ ɓē tél dəla loo. Tɔ́gə́ ń rāā adə̄ de kə́ kemeé gə̄ ɔjən̄ rɔ̄də́ ngá̰ý ní a gətóo kɔ̄ɔ́. De gə̄ a əya̰n̄ mbal̄ bo gə̄ kə́ Israel tə́ kɔ̄ɔ́, deē a mān̄ noó to̰ alé.

EJEKIEL 25:2

Ḭ̄ ngōn̄ deē, ī-tūr̄ kumií kə̄ dɔ Amon gə̄ tə́, ba ɔ̄r̄ najə̄ sedə́ ādə̄m̄.

EJEKIEL 21:2

Ḭ̄ ngōn̄ deē, ī-tūr̄ kumií kə̄ dām̄ mbɔ́r ɓē kə́ geleé tə́. De gə̄ ń ndin̄ kem ku gə̄ tə́ dām̄ mbɔ́r ɓē kə́ geleé tə́ ní, ɔ̄r̄ najə̄ sedə́ kə ngangá ādə̄m̄.

EJEKIEL 13:17

Ḭ̄ ngōn̄ deē, dəyá̰ kə́ Israel tə́ gə̄ kə́ ngé kɔr̄ najə̄ kə rīdə́ nin̄ kɔ́ gɔ̄ɔ́ ní, ī-tūr̄ rɔ̄í kə̄ rɔ̄də́ tə́, ba ī-teē kə gíŕdə́ dɔɔ́ tām̄ gól̄ loo yādə́ tə́.

EJEKIEL 4:7

Gō tə́ anī ə̄ndā kumií dɔ ɓē kə́ Jerusalem ń ənīnən̄ rɔ̄ɔ̄ ní tə́ ō, ī-sə́ra jīí kə́ to karī kanjə̄ kūbə̄ kum kə̄ dɔ tə́ ō, ɔ̄r̄ najə̄ kə ɓē ní ādə̄m̄.

JOJUE 11:21

Dan ngeé ń noō tə́ ní Jojue aw̄ yā rɔ̄ɔ̄ Anak gə̄ ń ndin̄ gō nang kə́ mbal̄á Hebron ō, Debir ō, Anab ō, gō nang kə́ mbalá kə́ Juda tə́ malang ō, gō nang kə́ mbalá kə́ Israel tə́ malang ō ní. Ni-bāā dɔdə́ naā tə́ kə ɓē yādə́ gə̄ adə̄ Nə́ɓā.

EJEKIEL 6:1

Kɔ́ɔ̄ɓē ɔr̄ najə̄ seḿ, əda na:

EJEKIEL 28:21

Ḭ̄ ngōn̄ deē, ī-tūr̄ kumií kə̄ dɔ ɓē kə́ Sidon tə́, ba ɔ̄r̄ najə̄ kə de kə́ kemeé gə̄ ādə̄m̄.

EJEKIEL 21:7

Ḭ̄ ngōn̄ deē, ī-tūr̄ kumií kə̄ Jerusalem. Ɔ̄r̄ najə̄ kə loo kə́ kɔr̄ kam̄ gēé kə ngangá ō, ə́da najə̄ kə́ Nə́ɓā əndā taí tə́ dɔ ɓē kə́ Israel tə́ ō.