EJEKIEL 6:14 - Bibəl ta Sar̄

¹⁴ M-ā m-ɔ́jə́ tɔ́gə́ḿ kə̄ ndágá dɔdə́ tə́. M-ā m̄-nujə ɓē yādə́ kɔ̄ɔ́. M-ā m-ə́lá gír i kem dəla loo kə́ dām̄ mbɔ́r ɓē kə́ geleé tə́ bátə́ kem ɓē kə́ Ribəla tə́ dām̄ mbɔ́r ɓē kə́ ko̰ó̰ tə́. Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē.

Bible sar

¹⁴ M-ā m-ɔ́jə́ tɔ́gə́ḿ kə̄ ndágá dɔdə́ tə́. M-ā m̄-nujə ɓē yādə́ kɔ̄ɔ́. M-ā m-ə́lá gír i kem dəla loo kə́ dām̄ mbɔ́r ɓē kə́ geleé tə́ bátə́ kem ɓē kə́ Ribəla tə́ dām̄ mbɔ́r ɓē kə́ ko̰ó̰ tə́. Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē.

EJEKIEL 6:14 Referans Kwoze

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

EJEKIEL 16:27

Loo ń noō tə́ m-ɔ́jə́ tɔ́gə́ḿ dɔí tə́. M-ɔ̄gī yá̰a̰ kəsa ō, m-ə́laī kem jī madə̄ ba̰ā̰í gə̄ ń i ɓē gə̄ yā Pilistin gə̄ ní tə́ ō. Tɔdɔ̄ rɔ̄də́ sɔl̄də́ najə̄ hálí kə́ majaĺ ngá̰ý tə́.

EJEKIEL 14:13

Ḭ̄ ngōn̄ deē, ōō! Majanī deē kógə̄ḿ gə̄ kə́ kem ɓē kógə̄ḿ tə́ rāān̄ yá̰á̰ kə́ gōtə́ aĺ seḿ, adə̄ najə̄ i dɔdə́ tə́, tɔdɔ̄ nin̄ ran̄ dɔ míndə́də́ tə́ alé. Loo ń noō tə́ m-ā m-ɔ́jə́ tɔ́gə́ḿ dɔdə́ tə́. Yá̰a̰ kəsa yādə́ ń ngɔ̄mə̄n̄ ní m-ā m̄-nujəń kɔ̄ɔ́ ō, m-ā m-ə̄nī ɓō dɔdə́ tə́ ō. I tītə̄ ń noō n m-ā m̄-rāań kadə̄ de gə̄ gə̄gē dā̰ gə̄ gə̄gē gətóon̄neé kɔ̄ɔ́ kem ɓēé ní.

JEREMI 48:22

Dibon tə́ ō, Nebo tə́ ō, Bet Dibəlataim tə́ ō,

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

TƏ́DA 33:46

Ḭḭn̄ Dibon Gad aw̄ ndin̄ Almon Dibəlataim.

PĀ GƏ̄ 138:7

Ré mā i dan wur kɔl tə́ anī, ī-rāā ādə̄ m̄-ndi kə kumḿ gogə́. Ī-ɓir̄ jīí ə́ndań kó̰ń ngé rɔ̄ɔ̄ḿ gə̄ ō, jī ko̰í rāā adə̄ m̄-tetə rɔ̄ɔ̄ ō.

EJEKIEL 7:1

Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 7:4

Kumḿ a o̰o̰m̄ tām̄ yāsí tə́ aĺ ō, m-ā m-ā m-ə́yá̰sí aĺ ō. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 12:15

Dan ń m-ā m̄-tə̄ndā m̄-tḭ̄ḭ̄də́ kə̄ dan nápar de kə́ rang gə̄ tə́ ō, kə̄ kem ɓē kə́ rang gə̄ tə́ ō anī, nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 25:7

I beé ɓá ní, m-ā m-ɔ́jə́sí tɔ́gə́ḿ dɔdə́ tə́, m-ā m-ə́lásí kem jī tə̄rā gə̄ tə́ kadə̄ a ɔyn̄ yá̰a̰ yāsí dɔ gúú tə́. M-ā m̄-rāā kadə̄ nápar deē yāsí gə̄ a gətóon̄ kɔ̄ɔ́, m-ā m̄-rāā kadə̄ ɓē yāsí a gətóo, m-ā m̄-nujəsí sák sák kɔ̄ɔ́.

EJEKIEL 33:28

M-ā nujə ɓē kɔ̄ɔ́, m̄-rāā kadə̄ ɓē tél dəla loo. Tɔ́gə́ ń rāā adə̄ de kə́ kemeé gə̄ ɔjən̄ rɔ̄də́ ngá̰ý ní a gətóo kɔ̄ɔ́. De gə̄ a əya̰n̄ mbal̄ bo gə̄ kə́ Israel tə́ kɔ̄ɔ́, deē a mān̄ noó to̰ alé.

SOPONI 1:4

M-ā m̄-rāā yá̰á̰ kógə̄ḿ kə dɔ nang kə́ Juda ō, kə de gə̄ malang kə́ kem ɓē kə́ Jerusalem tə́ ō. Gotə jī bēl̄ loo rāā ɓesə̄ Baal ń a na̰y ní ō, yá̰á̰ ń a rāā kadə̄ əga kem de gə̄ dɔ ngé tun̄ yá̰a̰ gə̄ yā nə́ɓā ń noō tə́ ní gə̄gē, m-ā m̄-rāā kadə̄ a gətóon̄ kɔ̄ɔ́ loo ń toō tə́.

IJAI 24:1

Kɔ́ɔ̄ɓē nujə dɔ nang, ni ɔy yá̰a̰ kənge kə́ tū tə́ dɔ gúú tə́. ni bugə́jū loo dɔ nang tə́ kɔ̄ɔ́, tə̄ndā de kə́ dɔ nang tə́ gə̄ tḭ̄ḭ̄də́ kə̄ loo gə̄ tə́.

IJAI 24:7

Kasə nduú kə́ kijə əhɔ ndoō, tɔ́gə kāgə̄ nduú gətóo kɔ̄ɔ́, ngé gə̄ ń kété kemdə́ nel̄də́ ngá̰ý ní, a nōōn̄ i mbée.

JEREMI 25:11

Ɓē ń noō kə taá malang a tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, nápar de gə̄ ń noō a rāān̄ kəla adə̄n̄ mban̄g kə́ Babilon kem ɓāl̄ kutə sīrí.

EJEKIEL 15:8

M-ā m̄-rāā ɓē yādə́ kadə̄ tél dəla loo tām̄ ndūdə́ ń ənīn̄ adə̄mə̄n̄ ní ran̄ dɔ tə́ alé. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 35:9

M-ā m̄-rāā ɓē yāí kadə̄ a tél i dəla loo kə́ njɔ́ḿ gə̄ tə́. De gə̄ a ndin̄ kem ɓē bo gə̄ tə́ to̰ alé. Loo ń noō tə́ ā ī-gerī kadə̄ Kɔ́ɔ̄ɓē i mā.