EJEKIEL 5:2 - Bibəl ta Sar̄

² Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

Bible sar

² Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

EJEKIEL 5:2 Referans Kwoze

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

EJEKIEL 12:14

De gə̄ malang ń gīrə̄n̄ gidən ní, adə̄ i ngé ngɔ̄mən gə̄ ō, áskar yān gə̄ ō ní, m-ā m̄-rāādə́ kadə̄ a aw̄n̄ kə̄ loo gə̄ tə́. Gō tə́ anī m-ā m̄-ngɔ̄də̄də́ kə kaskar yāḿ.

JEREMI 15:2

Ba ré dəjenī ədan̄ na: Ní kə j-aw̄ i kə̄ rá tāā wa anī, ḭ̄ ā ī-téĺ ə́dádə́ na: Najə̄ ń Kɔ́ɔ̄ɓē əda ní n toó: Deē ń i tām̄ yā yo tə́ ní i tām̄ yā yo tə́. Deē ń i tām̄ yā kaskar tə́ ní i tām̄ yā kaskar tə́. Deē ń i tām̄ yā ɓō tə́ ní i tām̄ yā ɓō tə́, deē ń i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́ ní, i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́.

JEREMI 9:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ī-dəjeī ādə̄ ɔjən̄sí dɔ dəyá̰ kə́ ngé nōō yo gə̄. Ī-ɓāríīdə́ ādə̄ reēn̄. Ī-ɓaríī dəyá̰ kə́ ngé kun pā nōō yo gə̄ ādə̄ reēn̄.

JEREMI 38:2

Najə̄ ń Kɔ́ɔ̄ɓē əda ní n toó Deē ń a ndi kem ɓē ń toō tə́ ní, a oy yo kaskar ō, yo ɓō ō, yo mo̰y ngāl̄bɔ̄gīí ō. Deē ń a teē yā kaw̄ nam̄ Kalde gə̄ anī, a ndi kə kumneé ō, a rāā rɔ̄nel̄ teē ń ni teē ta yo tə́ ní ō. Rɔ̄kum ni a ndi kə kumneé.

JEREMI 24:10

M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔ dáńdə́ tə́, bátə́ kadə̄ gətóoneé kɔ̄ɔ́ dɔ nang ń m-ādə̄də́ nin̄ ō kaadə́ gə̄ ō ní tə́.

JEREMI 13:24

M-ā m̄-tə̄ndā m̄-tḭ̄ḭ̄də́ tītə̄ buĺ mu kə́ néĺ kə́ mángá ɔy dáyń beé.

JEREMI 39:1

Kem nāā kə́ nge ko̰ kutə yā ɓāl̄ kə́ nge ko̰ ndōhó tə́ ń Sedekias ndiń mban̄g Juda tə́ ní, Nabukodonosor, mban̄g kə́ Babilon reē kə ngé rɔ̄ɔ̄ yān gēé malang gīrəń gidə ɓē kə́ Jerusalem.

JEREMI 39:2

Kə ndɔ̄ kə́ nge ko̰ ndōhó yā nāā kə́ nge ko̰ sɔ́ kə́ kem ɓāl̄ kə́ nge ko̰ kutə gidə i kógə̄ḿ ń Sedekias ndiń mban̄g tə́ ní, mbutə̄n̄ kum ndogə̄ mbal̄ kə́ Jerusalem.

EJEKIEL 5:3

Banī ā ī-ngɔ̄m̄ núsə bḭḭ̄ kə́ sḛ́ý beē yā ɓōkə́ gə́le ngong kə́ tū kūbə̄ yāí tə́ tə́.

EJEKIEL 5:10

Kó̰ó̰ ngán gə̄ kə bɔbə̄ ngán gə̄ a əsan̄ ngáńdə́ gə̄ kem ɓēé ō, ngán gə̄ a əsan̄ ngé kojədə́ ō. M-ā m-ún sarya gāngə̄ḿ yā rāań yá̰a̰ sesí ō, gotə de gə̄ ń teēn̄ ta yo tə́ ní m-ā m̄-tə̄ndā yā tḭ̄ḭ̄də́ kə̄ loo gə̄ tə́ ō.

EJEKIEL 17:21

A tɔ̄lə̄n̄ ngé rɔ̄ɔ̄ yān gə̄ kə́ gerə̄n̄ rɔ̄ɔ̄ tɔȳ madə̄də́ gə̄ ta rɔ̄ɔ̄ tə́ ō, ngé gə̄ ń teēn̄ ta yo tə́ ní a tə̄ndān̄ naā yā tḭ̄ḭ̄ kə̄ loo gə̄ tə́ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ɔ̄r̄ najə̄ sesí ní.

JAKARI 13:8

Kɔ́ɔ̄ɓē əda najə̄ kə́ rang dɔ tə́ ɓáý to̰ na: Ré de kə́ kem ɓēé gə̄ i mətá anī, kə́ jōó gə̄ a oyn̄ ō, kə́ kógə̄ḿ a teē ta yo tə́ ō.

JEREMI 9:15

M-ā m̄-tə̄ndā m̄-tḭ̄ḭ̄də́ kə̄ dan nápar de gə̄ kə́ nin̄ kɔ́ gə̄ gə̄gē, kaadə́ gə̄ gə̄gē, gerə̄n̄də́ aĺ ɓáý tə́ ō, m-ā m̄-ngɔ̄də̄də́ kə kaskaraá bátə́ kadə̄ m̄-tɔ̄l̄də́ təgā ō.

AMOS 9:4

Ré nin̄ aw̄n̄ ɓəloó ɓē madə̄ ba̰ā̰də́ gēé anī, m-ā m-ə́da kadə̄ a tɔ̄lə̄n̄də́. M-ā m-ə̄ndā kumḿ gōdə́ tə́ i tām̄ yā ndi majə yādə́ tə́ alé banī i yā kadə̄ yá̰á̰ kə́ to kum kaȳ aĺ teē dɔdə́ tə́.