EJEKIEL 5:17 - Bibəl ta Sar̄

¹⁷ M-ā m-ə̄nī ɓō dɔsí tə́ ō, m-ā m̄-ɓōkə́ dā̰ kə́ do̰ gə̄ dɔsí tə́ ō kadə̄ tɔ̄lə̄n̄ ngánsí gə̄. Mo̰y ngāl̄bɔ̄gīí ō, yá̰á̰ kə́ rāā kə dɔ́nɔ́ ō, rɔ̄ɔ̄ ō, a nujən̄ sesí kɔ̄ɔ́. I mā Kɔ́ɔ̄ɓē n m-ɔ̄r̄ najə̄.

Bible sar

¹⁷ M-ā m-ə̄nī ɓō dɔsí tə́ ō, m-ā m̄-ɓōkə́ dā̰ kə́ do̰ gə̄ dɔsí tə́ ō kadə̄ tɔ̄lə̄n̄ ngánsí gə̄. Mo̰y ngāl̄bɔ̄gīí ō, yá̰á̰ kə́ rāā kə dɔ́nɔ́ ō, rɔ̄ɔ̄ ō, a nujən̄ sesí kɔ̄ɔ́. I mā Kɔ́ɔ̄ɓē n m-ɔ̄r̄ najə̄.

EJEKIEL 5:17 Referans Kwoze

EJEKIEL 38:22

M-ā m̄-gān̄g sarya dɔí tə́ kadə̄ mo̰y ngāl̄bɔ̄gīí əsō dɔí tə́ ō, kadə̄ óy ta rɔ̄ɔ̄ tə́ ō. M-ā m-ə́la kə man̄ kə́ edə ngá̰ý ō, kɔ̄sə̄ ō, hor bursu ō, bumbə́ru kə́ təngā ō, dɔí tə́ ō, dɔ ngé rɔ̄ɔ̄ yāí gə̄ tə́ ō, dɔ de kə́ ngá̰ý gə̄ ń ɓoon̄ rɔ̄də́ tū yāí tə́ ní ō.

EJEKIEL 33:27

Ə́dádə́ najə̄ ń toō ādə̄m̄: Tītə̄ ń mā Kɔ́ɔ̄ɓē m̄-ndiń kə kumḿ rɔ̄kum noó, m̄-tāāsí. Ngé gə̄ ń ndin̄ kem ɓē bo kə́ nujə kɔ̄ɔ́ gə̄ tə́ ní, a oyn̄ yo mósə ō, ngé gə̄ ń ndin̄ kem ɓē ndɔr̄ gə̄ tə́ ní, dā̰ kə́ bembeé gə̄ a əsan̄də́ ō. Ngé gə̄ ń ɓɔ̄ɔ̄n̄ rɔ̄də́ dan mbal̄ gə̄ tə́ ō, kə̄ bəlo mbal̄ gə̄ tə́ ō ní, a oyn̄ yo mo̰y ngāl̄bɔ̄gīí.

EJEKIEL 14:21

Gō tə́ anī Kɔ́ɔ̄ɓē Nə́ɓā ədam̄ na: M-ə́la kə yá̰á̰ kə́ to kum kaȳ aĺ kə́ bo bo gə̄ gír i sɔ́ dɔ ɓē kə́ Jerusalem tə́. Yá̰a̰ gə̄ ní i rɔ̄ɔ̄ ō, ɓō ō, dā̰ kə́ do̰ gə̄ ō, mo̰y ngāl̄bɔ̄gīí kə́ kadə̄ tɔ̄l̄ de gə̄ ō dā̰ gə̄ ō.

EJEKIEL 14:15

Aĺ ɓáa m-ə́ya̰ dā̰ kə́ do̰ gə̄ dɔɔ́ kadə̄ rɔ̄ɔ̄n̄ de kə́ kem ɓēé ń toō tə́ gə̄. Nin̄ a tɔ̄lə̄n̄ de kə́ kemeé gə̄ malang kɔ̄ɔ́, yā kadə̄ ɓē a tél dəla loo ō, de kə́ yā nāā njə̄rā kemeé a gətóo sɔɔ̄ń ɓōĺ kə́ ni ɓōĺ dā̰ gə̄ ní ō.

2 MBAN̄G 17:25

Ta kəla gíŕ tə́, dan ń ndin̄ dɔ nang kə́ Samari tə́ ní nin̄ ndɔ̄ȳn̄ Kɔ́ɔ̄ɓē alé, adə̄ Kɔ́ɔ̄ɓē əla ɓɔl gə̄ adə̄ əhɔn̄ de gə̄ ngá̰ý dandə́ tə́.

NDŪ NAJƏ̄ 32:24

Dan ń ɓō a taā tɔ́gə́də́ kɔ̄ɔ́ ō, mo̰y gajə ō, mo̰y ngāl̄bɔ̄gīí ō, a taān̄ tɔ́gə́də́ kɔ̄ɔ́ ō anī, m-ā m̄-sə̄lā dā̰ kə́ do̰ gə̄ dɔdə́ tə́ ō, m-ā m̄-ɓōkə́ lī kə́ kongdə́ majaĺ gə̄ dɔdə́ tə́ ō.

LEBI GƏ̄ 26:22

M-ā m-ə́la kə dā̰ do̰ gēé kadə̄ əhɔn̄ ngáńsí gə̄ ō, yá̰a̰ kul̄ yāsí gə̄ ō. A əhɔn̄sí kadə̄ ā ī-nayiī i sḛ́ý beē, kadə̄ deē a a̰a̰ deē loo njə̄rā tə́ dɔ ngáń róbə yāsí gə̄ tə́ to̰ alé.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

EJEKIEL 37:14

M-ā m-ə́lá ndílə́ḿ kemsí tə́, adə̄ ā ī-ndiī kə kumsí. M-ā m-ə̄ndāsí dɔ nang yāsí tə́. Loo ń noō tə́ ā ī-gerī kadə̄ i mā Kɔ́ɔ̄ɓē n m-ɔ̄r̄ najə̄ ní ō, m̄-rāā yá̰á̰ ń m-ə́dá ní ō. Najə̄ ń Kɔ́ɔ̄ɓē əda ní n noó.

EJEKIEL 30:12

M-ā m̄-rāā kadə̄ ta jī bā Nil kə́ tɔ̄gə̄ iīn̄ kɔ̄ɔ́ ō, m-ā m-ə́la ɓē kem jī de kə́ majaĺ gə̄ tə́ ō. M-ā m̄-nujə ɓē kɔ̄ɔ́ ō, M-ā m̄-nujə yá̰a̰ kənge yān gə̄ malang kɔ̄ɔ́ ō, kə ta kūl̄ tə̄rā gə̄. I mā Kɔ́ɔ̄ɓē n m-ə́da najə̄ ń noō ní.

EJEKIEL 26:14

M-ā m̄-rāāī kadə̄ ā ī-tél mbal̄ kə́ dɔn ndágə doy, kə́ ngé ndo̰ kānjə̄ gə̄ a najən̄ rə́ng yādə́ gə̄ tū tə́. Deē a tél yā rāāī gogə́ rang alé. A̰á̰ā̰, i mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.

EJEKIEL 23:47

Ī-tə́nīdə́ kə mbalá gēé ō, ī-tɔ̄līdə́ kə kaskaraá ō! Ī-tɔ̄lī ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō, ī-tə́laī hor dɔ kújə yādə́ gə̄ tə́ ō!

EJEKIEL 22:14

Ndɔ̄ ń m-ā m̄-rɔ̄ɔńsí tə́ ní ā ə́hɔī rɔ̄sí tɔgə ō, ā ə́ngeī tɔ́gə ō a? I mā Kɔ́ɔ̄ɓē n m-ɔ̄r̄ najə̄ ní, ba yá̰á̰ ń m-ə́dá ní m-ā m̄-rāā.

EJEKIEL 21:32

Loo nujə sák sák, ngándáńg loo nujə sák sák! Yá̰á̰ m-ā m̄-rāā kə Jerusalem ní n toó: I loo kə́ nujə sák sák kə́ to dɔ naā tə́ bing! M-ādə̄ deē kógə̄ḿ tɔ́gə kadə̄ rɔ̄ɔ̄nəń. A nujən̄ ɓē kə́ Jerusalem malang kɔ̄ɔ́, ba i kété no kugə̄ deē ngeé ń noō tə́ alé.

EJEKIEL 21:3

Ə̄ndā gúu dɔdə́ tə́ ādə̄ oōn̄ najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ kə ku kāgə̄ gə̄ kə́ dām̄ mbɔ́r ɓē kə́ geleé tə́ ní: M-ā m-ə́la hor kógə̄ḿ dɔ kāgə̄ yāí kə́ to mbōl̄ gə̄ tə́ ō, dɔ kāgə̄ yāí kə́ tutə gə̄ tə́ ō, kadə̄ o̰o̰də́ malang. Hor ní a oy aĺ ō, a o̰o̰ de gə̄ malang ō. A əla gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.

EJEKIEL 17:24

Loo ń noō tə́ kāgə̄ kə́ kem bembeé gə̄ malang a gerə̄n̄ kadə̄ Kɔ́ɔ̄ɓē i mā. Mā i nge rāā kāgə̄ kə́ ngāl̄ gə̄ tə́lən̄ kə̄ nang tə́ ō, nge rāā kadə̄ kāgə̄ kə́ dūú gə̄ tɔgən̄ ō, nge rāā kadə̄ kāgə̄ kə́ mbōl̄ gə̄ tutən̄ ō, nge rāā kadə̄ kāgə̄ kə́ tutə gə̄ hútə̄n̄ ō. I mā Kɔ́ɔ̄ɓē n m-ɔ̄r̄ najə̄ ō, yá̰á̰ ń m-ə́dá ní m-ā m̄-rāā ō.

EJEKIEL 17:21

A tɔ̄lə̄n̄ ngé rɔ̄ɔ̄ yān gə̄ kə́ gerə̄n̄ rɔ̄ɔ̄ tɔȳ madə̄də́ gə̄ ta rɔ̄ɔ̄ tə́ ō, ngé gə̄ ń teēn̄ ta yo tə́ ní a tə̄ndān̄ naā yā tḭ̄ḭ̄ kə̄ loo gə̄ tə́ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ɔ̄r̄ najə̄ sesí ní.

EJEKIEL 14:19

Aĺ ɓáa m-ə́la kə mo̰y ń rīn na i mo̰y ngāl̄bɔ̄gīí ní dɔ gír de gə̄ ń toō tə́. M-ā m̄-bə̄gā wōn̄g yāḿ kə́ ngá̰ý dɔdə́ tə́ i kə ta kūl̄ yá̰á̰ kə́ to kum kaȳ aĺ kə́ ngá̰ý ń noō. Mo̰y ní a tɔ̄l̄ de gə̄ ō, dā̰ gə̄ ō kə́ kem ɓēé kɔ̄ɔ́.

EJEKIEL 6:12

Ngé gə̄ ń ndin̄ sa̰y ní, a oy yo mo̰y ngāl̄bɔ̄gīí. Ngé gə̄ ń ndin̄ ngɔr ní, a a tɔ̄lə̄n̄də́ ta rɔ̄ɔ̄ tə́. Ngé gə̄ ń a teēn̄ ta yo tə́ ní, a oyn̄ yo ɓō. M-ā m̄-bəgā wōn̄g yāḿ dɔdə́ tə́ bátə́ ta tɔ̄l̄ ta tə́.

EJEKIEL 5:15

M-ā m-ún sarya gāngə̄ḿ yā rāań yá̰a̰ seneé kə wōn̄g kə́ ngá̰ý ō, m-ā m̄-kɔ̄l̄ seneé kɔ̄l̄ kə́ to ɓōĺ ngá̰ý ō. Nápar de gə̄ ń ndin̄ gīrə̄n̄ gidə ɓē kə́ Jerusalem ní a əgōn̄ ɓē ní ō, a tájə̄nən̄ ō. Banī ɓē kə́ Jerusalem a tél i tāā kə́ tām̄ yādə́ nin̄ tə́ ō, a tél i yá̰á̰ kə́ a rāādə́ kə ɓōló ngá̰ý ō. I mā Kɔ́ɔ̄ɓē n m-ɔ̄r̄ najə̄ noō ní.

JEREMI 15:3

M-ā m-ə́la kə yá̰á̰ kə́ majaĺ gə̄ gíŕ sɔ́ dɔdə́ tə́: M-ā m-ə́la kə kaskaraá yā tɔ̄ləńdə́ ō, kə bísə gēé yā ndɔ́rəńdə́ nang tə́ ō, kə yel̄ kə́ no rā̰ tə́ gə̄ ō, kə dā̰ kə́ dɔ nang tə́ gə̄ ō yā rə́yańdə́ naā tə́ ō, yā gāngəń gír yādə́ kɔ̄ɔ́ ō. Najə̄ ń Kɔ́ɔ̄ɓē əda ní n toó.

Teē Ngán Israel gə̄ 23:29

Ɓá tā ba m-ā m̄-tə̄ɓā gír nápar de gə̄ ń noō malang kɔ̄ɔ́ nosí tə́ i kem ɓāl̄ kə́ kógə̄ḿ beē tə́ alé. Ré m̄-rāā tītə̄ ń noō anī, ɓē a tél ndəbā ɓē adə̄ dā̰ kə́ do̰ gə̄ a ojən̄ naā ngá̰ý kemeé, ɓáa a majə tām̄ yāsí tə́ alé.

JEJU TEĒ KUM JA̰A̰ 6:8

Anī m-á̰á̰ sə́ndá kə́ ɓálən ndul gusə gusə. Ba deē ń ndi gidən tə́ ní, rīn na i yo ō, loo kə́ ɓádá un gōn ō. Ré gángə̄n̄ dɔ nang gír loo sɔ́ anī, gírən kə́ kógə̄ḿ ní, adə̄n̄də́ tɔ́gə dɔ tə́ kadə̄ tɔ̄lə̄n̄ de kə́ tū tə́ gə̄ kə kaskaraá ō, kə ɓōó ō, kə mo̰yo̰ó̰ ō, kə dā̰ ngān̄g gə̄ kə́ dɔ nang tə́ ō.

EJEKIEL 5:16

M-ā m-ə̄nī ɓō dɔsí tə́ yā tɔ̄ləńsí. Ɓō ní a adə̄sí do tītə̄ ń kum gərā gə̄ a adə̄n̄neésí do ní. Yá̰a̰ kəsa gə̄ ń ī-ngɔ̄mī ní, m-ā m̄-nujəń kɔ̄ɔ́ yā tɔ̄ləńsí ɓōó.

EJEKIEL 6:1

Kɔ́ɔ̄ɓē ɔr̄ najə̄ seḿ, əda na:

EJEKIEL 28:23

M-ā m-ə̄nī mo̰y ngāl̄bɔ̄gīí dɔí tə́ ō, mósə a a̰ȳ nang tə́ kum róbə kɔsə yāí gə̄ tə́ ō. Madə̄ ba̰ā̰í gə̄ a ənīīn̄ rɔ̄ɔ̄ kə̄ ta gə̄ tə́ ō, de gə̄ ń ndin̄ kemií tə́ ní, ngá̰ý gə̄ a tə́sōn̄ kem ɓēé ō. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.