EJEKIEL 5:16 - Bibəl ta Sar̄

¹⁶ M-ā m-ə̄nī ɓō dɔsí tə́ yā tɔ̄ləńsí. Ɓō ní a adə̄sí do tītə̄ ń kum gərā gə̄ a adə̄n̄neésí do ní. Yá̰a̰ kəsa gə̄ ń ī-ngɔ̄mī ní, m-ā m̄-nujəń kɔ̄ɔ́ yā tɔ̄ləńsí ɓōó.

Bible sar

¹⁶ M-ā m-ə̄nī ɓō dɔsí tə́ yā tɔ̄ləńsí. Ɓō ní a adə̄sí do tītə̄ ń kum gərā gə̄ a adə̄n̄neésí do ní. Yá̰a̰ kəsa gə̄ ń ī-ngɔ̄mī ní, m-ā m̄-nujəń kɔ̄ɔ́ yā tɔ̄ləńsí ɓōó.

EJEKIEL 5:16 Referans Kwoze

EJEKIEL 4:16

Ni-əda ɓáý to̰ na: Ḭ̄ ngōn̄ deē, ōō! M-ā m̄-rāā kadə̄ yá̰a̰ kəsa ō, man̄ ō i ngá̰ý aĺ kem ɓē kə́ Jerusalem tə́. De gə̄ a mbɔ̄jə́n̄ i yá̰a̰ kəsa ō, man̄ ō adə̄ de gə̄ a ndin̄ i kə sōlōó kə dɔ ndɔ̄ gə̄.

EJEKIEL 14:13

Ḭ̄ ngōn̄ deē, ōō! Majanī deē kógə̄ḿ gə̄ kə́ kem ɓē kógə̄ḿ tə́ rāān̄ yá̰á̰ kə́ gōtə́ aĺ seḿ, adə̄ najə̄ i dɔdə́ tə́, tɔdɔ̄ nin̄ ran̄ dɔ míndə́də́ tə́ alé. Loo ń noō tə́ m-ā m-ɔ́jə́ tɔ́gə́ḿ dɔdə́ tə́. Yá̰a̰ kəsa yādə́ ń ngɔ̄mə̄n̄ ní m-ā m̄-nujəń kɔ̄ɔ́ ō, m-ā m-ə̄nī ɓō dɔdə́ tə́ ō. I tītə̄ ń noō n m-ā m̄-rāań kadə̄ de gə̄ gə̄gē dā̰ gə̄ gə̄gē gətóon̄neé kɔ̄ɔ́ kem ɓēé ní.

NŌŌ RƆ̄ 3:12

Ni ndɔ́r̄ gō ga̰ gərā yān ō, serəm̄ tītə̄ yá̰á̰ kə́ yā kur kə kum gərāá ō.

IJAI 3:1

Yá̰a̰ kəsa kə́ kəndā dɔ jī ō, man̄ ō, kə́ kem ɓē kə́ Jerusalem tə́ ō, kə́ kem ɓē ko̰o̰ kə́ Juda tə́ ō ní, Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, a ɔy malang kɔ̄ɔ́. Yá̰a̰ malang ń nin̄ əndān̄ tɔ́gə́də́ dɔ tə́ ní, ni a taā jīdə́ tə́ kɔ̄ɔ́:

PĀ GƏ̄ 7:13

Ré nge kem ndul əya̰ gír majaĺ yān aĺ anī, Nə́ɓā a ɔl̄ kum kaskar yān kadə̄ atə ō, a əndā gərā tū kəlā ga̰ gərā tə́ ō, a ɔr gō ō, a serən ō.

2 MBAN̄G 6:25

Loo ń noō tə́ ɓō kə́ ngá̰ý əsō kem ɓēé. Ngé rɔ̄ɔ̄ gə̄ ń gīrə̄n̄ gidə ɓē ní utə̄n̄ ɓē i kutə̄ kə́ ngan̄g ngá̰ý adə̄ gātə̄ dɔ kərō kógə̄ḿ i njár sə́lē arjā̰a̰ sɔ́sɔ́ ō, gātə̄ yedə̄ déŕ kə́ rosə kem kɔ̄ý kógə̄ḿ i njáŕ sə́lē arjā̰a̰ mí ō.

LEBI GƏ̄ 26:26

Loo ń m-ā m-ɔ̄gə̄sí yá̰a̰ kəsa ní, dəyá̰ gə̄ kutə̄ a ɓoon̄ naā dɔ sīl̄ kə́ kógə̄ḿ beē tə́ yā ndīrəń yá̰a̰ adə̄ a ndān̄sí alé a ɔjən̄ i mbée n a adə̄n̄sí ní.

JEREMI 52:6

Ɓō i ngá̰ý kem ɓēé. De gə̄ əngen̄ yá̰á̰ kə́ yā kəsa to̰ alé. Kə ndɔ̄ kə́ nge ko̰ ndōhó yā nāā kə́ nge ko̰ sɔ́ anī,

EJEKIEL 5:15

M-ā m-ún sarya gāngə̄ḿ yā rāań yá̰a̰ seneé kə wōn̄g kə́ ngá̰ý ō, m-ā m̄-kɔ̄l̄ seneé kɔ̄l̄ kə́ to ɓōĺ ngá̰ý ō. Nápar de gə̄ ń ndin̄ gīrə̄n̄ gidə ɓē kə́ Jerusalem ní a əgōn̄ ɓē ní ō, a tájə̄nən̄ ō. Banī ɓē kə́ Jerusalem a tél i tāā kə́ tām̄ yādə́ nin̄ tə́ ō, a tél i yá̰á̰ kə́ a rāādə́ kə ɓōló ngá̰ý ō. I mā Kɔ́ɔ̄ɓē n m-ɔ̄r̄ najə̄ noō ní.

EJEKIEL 5:17

M-ā m-ə̄nī ɓō dɔsí tə́ ō, m-ā m̄-ɓōkə́ dā̰ kə́ do̰ gə̄ dɔsí tə́ ō kadə̄ tɔ̄lə̄n̄ ngánsí gə̄. Mo̰y ngāl̄bɔ̄gīí ō, yá̰á̰ kə́ rāā kə dɔ́nɔ́ ō, rɔ̄ɔ̄ ō, a nujən̄ sesí kɔ̄ɔ́. I mā Kɔ́ɔ̄ɓē n m-ɔ̄r̄ najə̄.