EJEKIEL 5:14 - Bibəl ta Sar̄

¹⁴ Nápar de gə̄ ń gīrə̄n̄ gidisí ní ō, de gə̄ malang ń a aw̄n̄ Jerusalem ní ō, a a̰a̰n̄ kadə̄ m̄-nujə ɓē kə́ Jerusalem sák sák ō, m-ə́la rɔ̄sɔl̄ dɔ tə́ ō.

Bible sar

¹⁴ Nápar de gə̄ ń gīrə̄n̄ gidisí ní ō, de gə̄ malang ń a aw̄n̄ Jerusalem ní ō, a a̰a̰n̄ kadə̄ m̄-nujə ɓē kə́ Jerusalem sák sák ō, m-ə́la rɔ̄sɔl̄ dɔ tə́ ō.

EJEKIEL 5:14 Referans Kwoze

EJEKIEL 22:4

De gə̄ malang ń oyn̄ noó najə̄n i dɔí tə́. Ḭ̄ ī-tél ɓē kə́ yḛr sɔɔ̄ń yá̰a̰ gə̄ ń de kə́ ngé ndi kemií tə́ gə̄ a tɔ́sə̄n̄ ní, ḭ̄ ī-ndɔ́tə̄ kə ndɔ̄ koyií ī-reēń ngɔr rɔ̄í tə́ i kə ta kūl̄ yá̰á̰ ń noō. A nujən̄ seí ngɔr. I tām̄ najə̄ ń noō tə́ n m-ə́la rɔ̄sɔl̄ dɔí tə́ ta kum nápar de gə̄ tə́ ní. De gə̄ kə́ kem ɓē gə̄ tə́ malang a mbóōn̄ seí.

NEHEMI 2:17

Tā anī m-ə́dádə́ na: Á̰a̰ī yá̰á̰ kə́ to kum kaȳ aĺ ń jə-ndiīneé toō: Jerusalem i kə́ nujə sák sák kɔ̄ɔ́, bápə́ kə́ ta tə́ gə̄ i kə́ hor o̰o̰ kɔ̄ɔ́! J-aw̄ jə-rāāī ndogə̄ mbal̄ kə́ Jerusalem jə-tɔ̄līneé ta rɔ̄sɔl̄ ń toō kɔ̄ɔ́.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

NŌŌ RƆ̄ 5:18

I tɔdɔ̄ mbal̄ Siyo̰ tél loo kə́ nujə kɔ̄ɔ́ ō, loo kə́ tal̄ gə̄ a njə̄rān̄ tū tə́ ō.

NŌŌ RƆ̄ 1:8

Jerusalem rāā yá̰á̰ kə́ majaĺ adə̄ ni téĺ yá̰á̰ kə́ yḛr. Ngé gə̄ malang ń ɔsən̄ gɔnən ní kídə̄nən̄ kɔ̄ɔ́ dan ń a̰a̰n̄ kadə̄ gírən i karī ní. Nəkɔ́ gə̄gē a to̰ō̰ ō, tūr̄ gidən ō.

NŌŌ RƆ̄ 1:4

Róbə́ kə́ ta reē kə̄ Siyo̰ tə́ gə̄ ndə̄ngān̄ rɔ̄də́, tɔdɔ̄ de gə̄ njə̄rān̄ dɔ tə́ yā reēń rāā nāā gə̄ tə́ to̰ alé. Bápə́ kə́ ta róbə ndogə̄ kə́ Siyo̰ tə́ gə̄ malang i kə́ nujəń kɔ̄ɔ́. Ngé tun̄ yá̰a̰ yān gə̄ malang to̰ō̰n̄ rus rus. Rɔ̄ ngámandə yān gə̄ nel̄də́ aĺ ō, wurən nəkɔ́ atə̄n ngá̰ý ō.

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

JEREMI 19:8

M-ā m̄-rāā kadə̄ ɓē ń toō tél loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ ń a mānə̄n̄ kadə tə́ á a̰a̰n̄ yá̰a̰ gə̄ malang ń nujə ní a ɔr kumdə́ ō, a tə́gān̄ dɔdə́ nek nek ō.

NDŪ NAJƏ̄ 28:37

Gír de gə̄ malang ń Kɔ́ɔ̄ɓē Nə́ɓā yāí a aw̄ seí ɓēé loodə́ ní a ɔr kumdə́ seí. A əgōnī ō, a lurnī ō.

JEREMI 23:40

M-ā m̄-rāā kadə̄ de gə̄ a kídə̄n̄sí ngándáńg ō, a əlan̄ rɔ̄sɔl̄ dɔsí tə́ kə́ mjɔ́ḿ gə̄ tə́ ō. Dɔ deē a ndígə̄nal dɔ tə́ alé.

EJEKIEL 6:6

Loo malang ń ī-ndiī tū tə́ ní, a nujən̄ ɓē yāsí gə̄ kɔ̄ɔ́ ō, ā ə́ya̰ī loo ndɔ̄ȳ yāsí gə̄ kɔ̄ɔ́ ō, adə̄ a nujən̄ kə loo tun̄ yá̰a̰ yāsí gə̄ ń najə̄ i dɔ tə́ ní kɔ̄ɔ́ ō. A tétə̄n̄ ɓesə̄ yāsí gə̄ kɔ̄ɔ́ ō, a nujənə̄ń sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, a nujən̄ yá̰a̰ malang ń ī-rāāī ní ō.

EJEKIEL 12:20

De kə́ kem ɓēé gə̄ a gətóon̄ kɔ̄ɔ́ ō, ɓē a tél dəla loo ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 16:57

I kété pá tá kadə̄ teēn̄ dɔ kem ndul yāí tə́ ɓáý. Ń toō ɓáa ta i dɔí tə́ kadə̄ kadə̄ ɓē gə̄ kə́ Sodom ō, ngán ɓē gə̄ kə́ kadədə́ gə̄ tə́ ō, naā tə́ kə ɓē gə̄ yā Pilistin gə̄ ō tájīīn̄ tā. Tām̄ nin̄ kídīn̄ i kə̄ ta gə̄ tə́.

EJEKIEL 23:32

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ā ā̰ȳ yá̰á̰ kə́ kem bay kə́ kógə̄ḿ beē tə́ sḭḭ̄ kə ngōkó̰ó̰í kə́ dəyá̰. I bay kə́ ta laa ō, rúu ō. De gə̄ a əgōīn̄ ō, a mbóon̄ seí ō, tām̄ bay ní rosə ngá̰ý.

EJEKIEL 33:28

M-ā nujə ɓē kɔ̄ɔ́, m̄-rāā kadə̄ ɓē tél dəla loo. Tɔ́gə́ ń rāā adə̄ de kə́ kemeé gə̄ ɔjən̄ rɔ̄də́ ngá̰ý ní a gətóo kɔ̄ɔ́. De gə̄ a əya̰n̄ mbal̄ bo gə̄ kə́ Israel tə́ kɔ̄ɔ́, deē a mān̄ noó to̰ alé.

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

EJEKIEL 36:34

Ndɔr̄ gə̄ ń i kə́ kəya̰ kɔ̄ɔ́ ní, de gə̄ a télən̄ yā ndɔr̄ gogə́ ō, ngé mān̄ róbə gə̄ a a̰a̰n̄ dɔ nang kə́ kanjə̄ ndɔr̄ to̰ aĺ ō.