EJEKIEL 5:10 - Bibəl ta Sar̄

¹⁰ Kó̰ó̰ ngán gə̄ kə bɔbə̄ ngán gə̄ a əsan̄ ngáńdə́ gə̄ kem ɓēé ō, ngán gə̄ a əsan̄ ngé kojədə́ ō. M-ā m-ún sarya gāngə̄ḿ yā rāań yá̰a̰ sesí ō, gotə de gə̄ ń teēn̄ ta yo tə́ ní m-ā m̄-tə̄ndā yā tḭ̄ḭ̄də́ kə̄ loo gə̄ tə́ ō.

Bible sar

¹⁰ Kó̰ó̰ ngán gə̄ kə bɔbə̄ ngán gə̄ a əsan̄ ngáńdə́ gə̄ kem ɓēé ō, ngán gə̄ a əsan̄ ngé kojədə́ ō. M-ā m-ún sarya gāngə̄ḿ yā rāań yá̰a̰ sesí ō, gotə de gə̄ ń teēn̄ ta yo tə́ ní m-ā m̄-tə̄ndā yā tḭ̄ḭ̄də́ kə̄ loo gə̄ tə́ ō.

EJEKIEL 5:10 Referans Kwoze

JAKARI 2:6

m̄-dəjen najə̄ m-ə́da na ké a aw̄ i kə̄ rá wa. Anī ni-tél ədam̄ na: M-āw̄ i kə̄ mbɔ̄jə́ ɓē kə́ Jerusalem tə́, yā gerə̄ń laan ō ngālə̄n ō.

EJEKIEL 12:14

De gə̄ malang ń gīrə̄n̄ gidən ní, adə̄ i ngé ngɔ̄mən gə̄ ō, áskar yān gə̄ ō ní, m-ā m̄-rāādə́ kadə̄ a aw̄n̄ kə̄ loo gə̄ tə́. Gō tə́ anī m-ā m̄-ngɔ̄də̄də́ kə kaskar yāḿ.

JEREMI 19:9

M-ā m̄-rāā kadə̄ əsan̄ dā̰ ngáńdə́ kə́ dəngam gə̄ ō, kə́ dəyá̰ gə̄ ō. A əsan̄ dā̰ naā dɔ dáńdə́ tə́ dan wur kɔl tə́ ō, kə sōlōó ō, dan ń madə̄ ba̰ā̰də́ kə́ ngé ndə̄ngādə́ yo gə̄ a utə̄n̄də́ ní.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

LEBI GƏ̄ 26:29

Ā ə́saī ngán kemsí gə̄.

EJEKIEL 36:19

Mā m̄-rāā adə̄ nin̄ aw̄n̄ kə̄ dan nápar de gə̄ tə́, dɔ nang yā tə̄rā gə̄ tə́. Adə̄ m̄-gān̄g sarya dɔdə́ tə́ sɔɔ̄ń i háĺdə́ ō, yá̰a̰ rāādə́ gə̄ ō.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

PĀ GƏ̄ 44:11

Ḭ̄ ī-rāā ādə̄ jə-tél kə gidəjí ta kum ngé rɔ̄ɔ̄jí gə̄ tə́. adə̄ madə̄ ba̰ā̰jí gə̄ ɔyn̄ yá̰a̰ kənge yājí gə̄ aw̄n̄neé.

JAKARI 7:14

m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

AMOS 9:9

A̰á̰ā̰, m-ā m-ə́dá yá̰a̰ gə̄ kə́ kadə̄ de gə̄ rāān̄, dan nápar de gə̄ tə́ malang ní, m-ā m̄-yéȳ gír de gə̄ ń i ngán Israel gə̄ ní, tītə̄ ń deē a əgań kum yá̰a̰ kə yḛngəreé noō beē, adə̄ kɔkərɔ kógə̄ḿ a əsō nang tə́ alé.

EJEKIEL 22:15

M-ā m̄-tə̄ndā yā tḭ̄ḭ̄sí kə̄ loo gə̄ tə́ dan nápar de gə̄ tə́, kə̄ kem ɓē kə́ rang gə̄ tə́ ō, yá̰a̰ rāāsí kə́ yḛr gə̄ malang ní m-ā m̄-rāā kadə̄ gíŕdə́ a gān̄g kɔ̄ɔ́ ō.

EJEKIEL 6:8

Banī m-ā m-ə́ya̰ gotə de kə́ sḛ́ý beē gə̄ ngóy, de gə̄ kə́ dɔ dáń nápar de gə̄ tə́ ń teēn̄ ta yo kaskar tə́ ní, dan ń a tə̄ndā tḭ̄ḭ̄n̄sí kə̄ kem ɓē kə́ rang gə̄ tə́ ní.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

NŌŌ RƆ̄ 4:10

Dəyá̰ gə̄ ń i de gə̄ kə́ kadə̄ kumdə́ o̰o̰də́ ngá̰ý ní ndīrə̄n̄ ngán kemdə́ gə̄ kə jīdə́. Ngáńdə́ gə̄ télən̄ i yá̰a̰ kəsa yādə́, tɔdɔ̄ ngōmandə ń rāā rɔ̄n i gír deē yāḿ gə̄ tə́ ní, əsō tétə̄ rárák kɔ̄ɔ́.

NŌŌ RƆ̄ 2:20

Á̰a̰ā̰, Kɔ́ɔ̄ɓē, á̰a̰ā̰ majə ké i náā n ī-rāān beé toō wa. Ní, kə dəyá̰ gə̄ kə əsan̄ ngán kemdə́ gə̄ ń i ngáń kə́ majə asə naā beé gə̄ ní a? Ní, kə de gə̄ kə tɔ̄lə̄n̄ ngé tun̄ yá̰a̰ gə̄ ō, ngé koō ta gə̄ ō, kem loo kə́ táĺ yā Kɔ́ɔ̄ɓē tə́ kɔ̄ɔ́ a?

JEREMI 9:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ī-dəjeī ādə̄ ɔjən̄sí dɔ dəyá̰ kə́ ngé nōō yo gə̄. Ī-ɓāríīdə́ ādə̄ reēn̄. Ī-ɓaríī dəyá̰ kə́ ngé kun pā nōō yo gə̄ ādə̄ reēn̄.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

EJEKIEL 20:23

m̄-túbə m-ādə̄də́ kem dəla loo tə́ kadə̄ m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de kə́ rang gə̄ tə́, dɔ nang yā tə̄rā gə̄ tə́.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

JEREMI 44:12

M-ā m-ə̄ndā kumḿ gír Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

IJAI 9:20

Gír ɓē yā Manase ənī gír ɓē yā Epəraim rɔ̄ɔ̄ ō, gír ɓē yā Epəraim ənī gír ɓē yā Manase rɔ̄ɔ̄ ō, nin̄ jōó mbak rɔ̄ɔ̄n̄ gír ɓē yā yā Juda ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

NEHEMI 1:8

Ɓá tā ba ādə̄ əga kemií dɔ najə̄ ń ə̄ndā ta nge kəla yāí Moijə tə́ ādə̄ əda ní. Ni ədají na ré jə-ra dɔ ndūjí ń j-ənī j-adī tə́ ní aĺ anī ḭ̄ na ā ī-tə̄ndā yā tḭ̄ḭ̄jí kə̄ loo gə̄ tə́ dan gír de gə̄ tə́.

2 MBAN̄G 6:29

Adə̄ jə-ndīr̄ ngōnə̄ḿ j-əsa. Ba teē kə ndɔ̄ kə́ noō ré m-ə́dan na kə reē kə ngōnəneé kadə̄ j-əsa anī ɓɔ̄ɔ̄ dɔn kɔ̄ɔ́.

NDŪ NAJƏ̄ 32:26

m̄-gír̄ i nujə sedə́ kɔ̄ɔ́ malang ō, rāā kadə̄ əga kem de gə̄ dɔdə́ tə́ to̰ aĺ ō.

NDŪ NAJƏ̄ 4:27

Kɔ́ɔ̄ɓē a tə̄ndā yā tḭ̄ḭ̄sí kə̄ dan nápar de kə́ rang gə̄ tə́ kɔ̄ɔ́. Ā ī-na̰yiī i sḛ́ý beē ngóy dan nápar de gə̄ ń a aw̄ sesí kə̄ dandə́ tə́ ní.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 49:32

De gə̄ a narə̄n̄ jámbal yādə́ gə̄ ō, a ənīn̄də́ rɔ̄ɔ̄ yā taā ɓūtə̄ yá̰a̰ kul̄ kə́ ngá̰ý gə̄ ō jīdə́ tə́. Ngé dəsā mbāý kə́ mdɔ́ŕdə́ tə́ gə̄ ń noō, m-ā m̄-tə̄ndā yā tḭ̄ḭ̄də́ kógə̄ḿ kógə̄ḿ kə̄ loo gə̄ tə́ ō, m-ā m̄-rāā kadə̄ yá̰á̰ kə́ to nujə loo gə̄ teēn̄ kə̄ ta loo gə̄ tə́ malang kə̄ dɔdə́ tə́ ō. Najə̄ ń Kɔ́ɔ̄ɓē əda ní n noó.

JEREMI 49:36

m̄-rāā adə̄ nél kə́ sɔ́ gə̄ teēn̄ kíl dɔ nang kə́ sɔ́ tə́ ba əlan̄ dɔ ɓē kə́ Elam tə́. M-ā m̄-tə̄ndā Elam gə̄ yā tḭ̄ḭ̄də́ kə̄ loo gə̄ tə́ yā kadə̄ nápar de gə̄ kə́ nin̄ aw̄ ugə̄n̄ dandə́ tə́ aĺ gətóo.

NŌŌ RƆ̄ 4:3

Tal̄ gə̄ gə̄gē a, adə̄n̄ ngáńdə́ gə̄ mba adə̄ ilən̄ ō, adə̄n̄də́ yá̰á̰ adə̄ əsan̄ ō. Banī ngōmandə ń toō ń rāā rɔ̄n i gír deē yāḿ gə̄ tə́ ní, kumən o̰o̰n alé, tītə̄ burum kə́ dəla loo tə́ beé.

EJEKIEL 17:21

A tɔ̄lə̄n̄ ngé rɔ̄ɔ̄ yān gə̄ kə́ gerə̄n̄ rɔ̄ɔ̄ tɔȳ madə̄də́ gə̄ ta rɔ̄ɔ̄ tə́ ō, ngé gə̄ ń teēn̄ ta yo tə́ ní a tə̄ndān̄ naā yā tḭ̄ḭ̄ kə̄ loo gə̄ tə́ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ɔ̄r̄ najə̄ sesí ní.

NŌŌ RƆ̄ 4:16

Kɔ́ɔ̄ɓē teē kə̄ rɔ̄də́ tə́ anī, tə̄ndān̄ naā tḭ̄ḭ̄n̄ loo gə̄ tə́. Ni gḛy ka̰a̰də́ to̰ alé. Tɔdɔ̄ de gə̄ ɓōlə́n̄ ndíĺ ngé tun̄ yá̰a̰ gə̄ aĺ ō, rɔyn̄ kum kɔɔ̄ gə̄ aĺ ō.

EJEKIEL 12:15

Dan ń m-ā m̄-tə̄ndā m̄-tḭ̄ḭ̄də́ kə̄ dan nápar de kə́ rang gə̄ tə́ ō, kə̄ kem ɓē kə́ rang gə̄ tə́ ō anī, nin̄ a gerə̄n̄ kadə̄ Kɔ́ɔ̄ɓē i mā.

DANIEL 9:7

Ɓōólaā Kɔ́ɔ̄ɓē najə̄ i yāí ba yājí i rɔ̄sɔl̄, i rɔ̄sɔl̄ yā Juda gə̄ ō, de kə́ Jerusalem gə̄ ō, Israel gə̄ malang kə́ ngɔr gə̄ ō kə́ sa̰y gə̄ ō, nin̄ ń ī-tə̄ndā ī-tḭ̄ḭ̄də́ kə̄ kem ɓē gə̄ tə́ malang najə̄ yā yá̰á̰ kə́ gōtə́ aĺ ngá̰ý ń nin̄ rāān̄ seí tə́ ní.