EJEKIEL 48:13 - Bibəl ta Sar̄

¹³ Dɔ nang yā Lebi gə̄ ɓáa a asə naā kə yā ngé tun̄ yá̰a̰ gēé adə̄ ngālən a asə kíl deē nja dūbú kutə jōó gidə i mí ō, laan a asə kíl deē nja dūbú kógə̄ḿ ō. Ngālən a asə kíl deē nja dūbú kutə jōó gidə i mí ō, laan a asə kíl deē nja dūbú kógə̄ḿ kə̄ loo gə̄ tə́ malang.

Bible sar

¹³ Dɔ nang yā *Lebi gə̄ ɓáa a asə naā kə yā *ngé tun̄ yá̰a̰ gēé adə̄ ngālən a asə kíl deē nja dūbú kutə jōó gidə i mí ō, laan a asə kíl deē nja dūbú kógə̄ḿ ō. Ngālən a asə kíl deē nja dūbú kutə jōó gidə i mí ō, laan a asə kíl deē nja dūbú kógə̄ḿ kə̄ loo gə̄ tə́ malang.

EJEKIEL 48:13 Referans Kwoze

Najə̄ kə́ Majə yā Jeju ń Luk ndang ní 10:7

Ī-ndiī kem kújə́ ní tə́. Yá̰a̰ kəsa ń a adə̄n̄sí kemeé ní ə́saī ō, yá̰á̰ kə́ yā ka̰ȳ ń a adə̄n̄sí kemeé ní ā̰yī ō. Tɔdɔ̄ majə kadə̄ de kə́ nge rāā kəla ənge yá̰a̰ kəndā nja yān. Ī-lōōī rāā ɓē mbā jōó.

EJEKIEL 45:5

Loo kə́ rang kə́ ngālən i kíl deē 25 000 ba laan i kíl deē 10 000, i tām̄ yā ngán Lebi gə̄ ń a rāān̄ kəla kem kújə yā Kɔ́ɔ̄ɓē tə́ ní. Nin̄ a əngen̄ ɓē gə̄ loo ngeé ń noō tə́ yā ndiń.

EJEKIEL 45:3

A mbɔ̄jə́n̄ loo kə́ ngālən i kíl deē 25 000, ba laan i 10 000. Loo ngeé ń noō i loo kə́ táĺ tām̄ rāān̄ kújə yāḿ kə́ táĺ tū tə́.

NDŪ NAJƏ̄ 12:19

Ī-lōōī rāā ngán Lebi gə̄ nja bə̄yā̰ kə́ gogə́ tə́ kə dɔ ndɔ̄ gə̄ malang ń ā ī-ndiīneé dɔ nang yāsí tə́ ní.

EJEKIEL 48:12

Dɔ nang ń a i tām̄ yādə́ tə́ ní i dāmə̄n kə́ táĺ ngá̰ý kə́ gān̄g kəndā tayā tām̄ yā Kɔ́ɔ̄ɓē tə́ ń i ngɔr kadə gō nang yā Lebi gə̄ tə́ ní.

EJEKIEL 48:14

De gə̄ a asən̄ kigə kə dɔ nang ní alé. A mbélə̄n̄ gír aĺ ō, a əya̰n̄ yá̰á̰ kə́ ta kəga dɔ gə̄ kə́ deē ənge tū tə́ yā kadə̄ de kə́ rang aĺ ō, tɔdɔ̄ ɔrə̄n̄ kam̄də́ kɔ̄ɔ́ tām̄ yā Kɔ́ɔ̄ɓē tə́.

Teē Ngán Israel gə̄ 23:19

Ā ī-reēī kə yá̰á̰ kə́ kijə kə́ ndɔr̄ yāsí gə̄ tə́ kem kújə yā Kɔ́ɔ̄ɓē Nə́ɓā yāsí tə́. Ā ī-ndīrī ngōn̄ bə̄yā̰ kə mba kó̰o̰neé alé.

LEBI GƏ̄ 25:34

Loo kə́ gidə ɓē yā ngán Lebi gə̄ tə́ ní, deē a igəń alé, tām̄ i yá̰a̰ kəngedə́ kə́ a to ngándáńg.