EJEKIEL 47:9 - Bibəl ta Sar̄

⁹ Loo malang ń man̄ ń noō a mān̄ tū tə́ ní yá̰á̰ kə́ kumuú gə̄ malang a rāān̄ rɔ̄də́. Kānjə̄ gə̄ a ojən̄ naā ngá̰ý, tɔdɔ̄ man̄ ní a ugə̄ noō ō, kum man̄ bā bo a majə ō, loo malang ń man̄ ń noō a teē tū tə́ ní yá̰a̰ gə̄ a ndin̄ kə kumdə́ ō.

Bible sar

⁹ Loo malang ń man̄ ń noō a mān̄ tū tə́ ní yá̰á̰ kə́ kumuú gə̄ malang a rāān̄ rɔ̄də́. Kānjə̄ gə̄ a ojən̄ naā ngá̰ý, tɔdɔ̄ man̄ ní a ugə̄ noō ō, kum man̄ bā bo a majə ō, loo malang ń man̄ ń noō a teē tū tə́ ní yá̰a̰ gə̄ a ndin̄ kə kumdə́ ō.

EJEKIEL 47:9 Referans Kwoze

JA̰A̰ 6:63

I Ndíl n i nge rāā kadə̄ deē ndi kə kumneé ní, ba dā̰ rɔ̄ rāā yá̰a̰ alé. Najə̄ gə̄ ń m-ə́dásí ní i Ndíl ō, i ndi kə kumuú ō.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

IJAI 55:1

Sḭḭ̄ malang ń kə̄ndā man̄ rāāsí ní, man̄ n toó, ī-reēī! Ká ré nar gətóoń jīsí tə́ gə̄gē, ī-reēī! Ī-mangiī yá̰á̰ kə́ kadə̄ ə́saī, a adə̄n̄sí i karī. Ī-reēī, ī-mangiī kasə nduú ō, mba ō, kanjə̄ nar.

PĀ GƏ̄ 78:16

Ni-rāā adə̄ ngán man̄ gə̄ teēn̄ kadə mbal̄ tə́ ō, adə̄ man̄ gə̄ kə́ teēn̄ tū tə́ nūgə́n̄ tītə̄ bā gə̄ ō.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

KƏLA RĀĀ 2:47

Nin̄-tɔ̄ȳn̄ Nə́ɓā ō, nel̄ de gə̄ malang sedə́ ō. Ngé gə̄ ń ajən̄ ní Kɔ́ɔ̄ɓē reē sedə́ kə̄ dɔ ngé kán̄ naā gə̄ tə́ kə dɔ ndɔ̄ gə̄.

KƏLA RĀĀ 2:41

Ngé gə̄ ń ndigən̄ najə̄ kɔr̄ Piyer ní rāān̄də́ batém. Adə̄ ndɔ̄ ngeé ń noó tə́ ní de gə̄ kə́ asən̄ dūbú mətá ń noō ərōn̄ ngámbang kəla gə̄.

JA̰A̰ 14:19

Sḛ́ý to̰ anī de kə́ dɔ nang tə́ gə̄ a a̰a̰mə̄n̄ to̰ alé, banī sḭḭ̄ ā á̰a̰mī, tɔdɔ̄ m̄-ndi kə kumḿ ō, sḭḭ̄ ā ī-ndiī kə kumsí ō.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

JA̰A̰ 5:25

Ādə̄ m-ə́dásí najə̄ kə́ bo ngá̰ý, ndɔ̄ ń kadə̄ de kə́ koy gə̄ a oōń ndū Ngōn̄ Nə́ɓā ní a reē, ń toō ndɔ̄ ní ugə̄ ɓá, ba ngé gə̄ ń a oōn̄ ndūn ní a ndin̄ kə kumdə́.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

IJAI 49:12

Nin̄ n toó! Ḭḭn̄ i sa̰y n tél reēn̄ gogə́ ní: Ngé kə́rēý gə̄ ḭḭn̄ i dām̄ mbɔ́r ɓē kə́ ko̰ó̰ tə́, ngé kə́ rang gə̄ ḭḭn̄ i no ɓē tə́, ngé kə́ rang gə̄ ɓáý to̰ ḭḭn̄ i dām̄ mbɔ́r ɓē kə́ geleé tə́, ḭḭn̄ i Ejiptə.

IJAI 30:26

Ndɔ̄ ń Kɔ́ɔ̄ɓē a ndem̄ ta do yā gír deē yān gə̄ anī, dan ń ni a rāā do yā gír deē yān gə̄ kadə̄ idə̄ ní, nāā a ndə́lē tītə̄ mbang ō, mbang kə́ ndɔ̄ kógə̄ḿ a ɔsə, loo kə́ unjə̄ kow yā mbang kə́ ɔsə ndɔ̄ kógə̄ḿ a asən̄ naā kə loo kə́ unjə̄ kow yā mbang kə́ ɔsə ndɔ̄ sīrí.

IJAI 12:3

Ā ɔ́diī man̄, ta kəɓa man̄ gə̄ yā kajə tə́, i kə rɔ̄nelēé.

PĀ GƏ̄ 103:3

I ni n i nge mā̰ȳ rɔ̄n dɔ yá̰á̰ kə́ gōtə́ aĺ gə̄ ń ī-rāā tə́ ní ō, nge tɔ̄l̄ mo̰y gə̄ malang dɔí tə́ ō ní.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

1 KORḚNTƏ 15:45

I beé n ndangən̄ kem makətūbə̄ yā Nə́ɓā tə́ na: De kə́ ta kəga dɔ ń i Adam ní, téĺ yá̰á̰ kə́ ndi kə kumneé. Banī Adam kə́ gogə́ i Ndíl kə́ nge rāā kadə̄ deē ndi kə kumneé.

KƏLA RĀĀ 21:20

Dan ń nin̄-oōn̄ najə̄ yān oy anī, ɓōkə́n̄ Nə́ɓā tɔ̄ȳ ba tél ədan̄ Pol na: Ngōkó̰ó̰jí, īkɔ́ á̰a̰ā̰, de gə̄ dūbú ngá̰ý dan Jipə gə̄ tə́ taān̄ kem. Tá nin̄ malang ní i de gə̄ kə́ o̰o̰də́ tɔdɔ̄ ndū najə̄ gə̄ ngá̰ý.

KƏLA RĀĀ 6:7

Najə̄ yā Nə́ɓā aw̄ i kum kə̄ kété kété ō, kutə ngé ndóō yá̰a̰ gə̄ reē dɔ madə̄ tə́ ngá̰ý kem ɓē kə́ Jerusalem tə́ ō, ngé tun̄ yá̰a̰ gə̄ ngá̰ý taān̄ kem ō.

KƏLA RĀĀ 5:14

Kósə de kə́ ngá̰ý gə̄, adə̄ i dəngam gə̄ kə dəyá̰ gə̄ ń taān̄ kem Kɔ́ɔ̄ɓē ní reēn̄ kə dɔ naā tə́.

KƏLA RĀĀ 4:4

Dan de gə̄ ń oōn̄ najə̄ kɔr̄ Piyer tə́ ní, ngá̰ý gə̄ taān̄ kem najə̄ ní. De gə̄ ń taān̄ kem ní kutədə́ asə dūbú mí ń noō.