EJEKIEL 47:6 - Bibəl ta Sar̄

⁶ Ni ədam̄ na: Ḭ̄ ngōn̄ deē, á̰a̰ majə a? Ni-aw̄ seḿ ba tél reē seḿ gogə́ kadə man̄ ní tə́.

Bible sar

⁶ Ni ədam̄ na: Ḭ̄ ngōn̄ deē, á̰a̰ majə a? Ni-aw̄ seḿ ba tél reē seḿ gogə́ kadə man̄ ní tə́.

EJEKIEL 47:6 Referans Kwoze

EJEKIEL 44:5

Anī Kɔ́ɔ̄ɓē ədam̄ na: Ḭ̄ ngōn̄ deē, ī-nēl̄ mbīí majə, ī-teē kumií ō, ī-rāā mbīí ō. Ōō yá̰a̰ malang kə́ ɔjə dɔ ndū najə̄ gə̄ ō, jī bēl̄ loo rāā yá̰a̰ gə̄ ō, kə́ tām̄ yā kújə yāḿ tə́ ń m-ā m̄-rāā yā kədaī ní. Ngé gə̄ ń kadə̄ ə̄ndā kumií gíŕdə́ tə́ ngá̰ý al̄ naā ní, i ndū najə̄ gə̄ ō, jī bēl̄ loo rāā yá̰a̰ gə̄ ō ń a adə̄n̄ deē ta róbə kudə loo kə́ táĺ tə́ ō, a adə̄n̄ deē ta róbə teē kem loo kə́ táĺ tə́ ō ní tə́.

EJEKIEL 40:4

Ni ədam̄ na: Ḭ̄ ngōn̄ deē, ī-teē kumií majə ō, ī-teē mbīí majə ō. Yá̰a̰ malang ń m-ā m-ɔ́jiī kadə̄ á̰a̰ā̰ ní, ə̄ndā kumií majə gírí. Tām̄ reēn̄ seí laā i yā kadə̄ á̰á̰ yá̰á̰ ní. Gō tə́ anī, ā ə̄nī Israel gə̄ gotə yá̰a̰ malang ń á̰a̰ā̰ ní.

JAKARI 5:2

De kə́ dɔ rā̰ tə́ ní dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i ndāŕ kə́ ɓír̄ gidə naā tə́, kə́ nél un a dáyń ɓōdə̄ loo tə́. Ndāŕ ní, ngālə̄n i métər kutə kógə̄ḿ ō, laan i métər mí ō.

JAKARI 4:2

Ni dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i kāgə̄ ɗəra hor kə́ rāān̄ kə lɔ́rɔ́, ba jóo yibə̄ i ta tə́. Lámba gə̄ i sīrí ta kāgə̄ hor ní tə́ ō, ta ndo̰ hor gə̄ i sīrí tū lámbá kə́ kógə̄ḿ beē tə́ ō.

EJEKIEL 8:17

loo ń noō tə́ Nə́ɓā dəjem̄ najə̄, əda na: Ḭ̄ ngōn̄ deē, á̰á̰ yá̰á̰ ń noō a? Yá̰á̰ kə́ majaĺ ngá̰ý gə̄ ń de kə́ Juda tə́ gə̄ ń toō a rāān̄ laā ní asədə́ aĺ ɓáý. Nin̄ ran̄ dɔ tə́ noō rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé ō, rāān̄ yá̰a̰ malang yā kadə̄məń wōn̄g ō. Ngɔlaā nin̄ a ndɔ́tə̄n̄ i kə ta jī kāgāá kə̄ ta kóńdə́ tə́ ngɔr.

EJEKIEL 8:6

Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.

MATIYE 13:51

Jeju dəjedə́ na ké gerə̄n̄ kum najə̄ gə̄ ń noō malang wa. Anī nin̄-tél ədanən̄ na n-gerə̄n̄ kum.