EJEKIEL 47:13 - Bibəl ta Sar̄

¹³ Najə̄ ń Kɔ́ɔ̄ɓē Nə́ɓā əda ní n toó: Dɔ nin̄ ɓē gə̄ ń gír ɓē kə́ Israel kə́ kutə gidə i jōó gə̄ a nə̄ɓōn̄ naā ní n toó. Gír ɓē Jəjep a ənge yān i gír jōó.

Bible sar

¹³ Najə̄ ń Kɔ́ɔ̄ɓē Nə́ɓā əda ní n toó: Dɔ nin̄ ɓē gə̄ ń gír ɓē kə́ Israel kə́ kutə gidə i jōó gə̄ a nə̄ɓōn̄ naā ní n toó. Gír ɓē Jəjep a ənge yān i gír jōó.

EJEKIEL 47:13 Referans Kwoze

JEREMI 3:18

Kem ndɔ̄ gə̄ ń noō tə́ ní, ngé kə́ Juda tə́ gə̄ ō, ngé kə́ Israel tə́ gə̄ ō, a télən̄ yā reē naā tə́ mbak. Nin̄ a ḭḭn̄ dām̄ mbɔ́r ɓē kə́ ko̰ó̰ tə́ yā reē kugə̄ kem ɓēé ń m-ādə̄ kaadə́ gə̄ ní tə́.

TA KƏLA 48:5

Ń toō tā a, ngáń kə́ jōó gə̄ ń na ojədə́ dɔ nang kə́ Ejiptə tə́ kété tá kadə̄ na n-reē rɔ̄n tə́ ní na i ngán yān gə̄. Epəraim ō, Manase ō, na i yān gə̄ tītə̄ Ruben nin̄ kə Simeo̰ó̰.

JEREMI 31:1

Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

1 YÁ̰A̰ GƏ̄ 5:1

Ruben i hágə Jakob ɓá tā ba ni ɓīī kə nə̄yá̰ bɔbə̄neé adə̄ télən̄ kə yá̰a̰ ndəba yān kə́ loo ngōn̄ hágə́ tə́ adə̄n̄ i ngán Jəjep gə̄. Jəjep i ngōn̄ Israel ō. Adə̄ rāān̄ Ruben i ngōn̄ hágə̄ tə́ to̰ alé. Juda i de kə́ bo tɔȳ ngákó̰o̰n gə̄ malang. Mban̄g kə́ Israel tə́ teē i gír yān tə́. Banī ta róbə kənge yá̰a̰ ndəbā kə́ loo ngōn̄ hágə́ tə́ i yā Jəjep. Rī ngán Ruben kə́ hágə Jakob na i Hanok ō, Palu ō, Hesəron ō, Karmi ō.

TA KƏLA 49:26

Tɔ́r̄ ta ń bɔbí tɔ́r̄ tan dɔí tə́ ní tɔȳ yá̰á̰ kə́ majə gə̄ kə́ dɔ mbal̄ gə̄ kə́ ran̄ ngándáńg tə́ ō, tɔȳ yá̰a̰ kənge kə́ dɔ ngán mbal̄ kə́ jóo gə̄ tə́ ń deē gḛy kənge ní ō. Ādə̄ tɔ́r̄ ta kə́ dɔ bɔbə̄ Jəjep tə́ tél kə̄ dɔ Jəjep tə́, ādə̄ tél kə̄ dɔ nge ń ni i ngār yā ngákó̰o̰n gə̄ ní tə́.

EJEKIEL 48:29

Ɓē ń sḭḭ̄ ā ī-túgī wə̄lā yā kadə̄ ī-nə̄ɓōiń naā kə́ yá̰a̰ kənge kə́ tām̄ yā gír ɓē kə́ Israel tə́ ō, dɔ nang yādə́ gə̄ ō ní n noó. Najə̄ ń Kɔ́ɔ̄ɓē Nə́ɓā əda ní n noó.

TƏ́DA 34:1

Kɔ́ɔ̄ɓē mēr̄ Moijə kəda ngán Israel gə̄ gō míndən gə̄ ń toō: Ré ā ūgī dɔ nang kə́ Kanaan tə́ anī, dɔ nang ń a tél dɔ nang yāsí ní i dɔ nang kə́ Kanaan ń dɔ ninə̄n gə̄ ton̄ toó:

JOJUE 16:4

Manase gə̄ ō, Apəraim gə̄ ō ń i ngán kaa Jəjep gə̄ ní əngen̄ dɔ nang yādə́ i tītə̄ ń noō.

JOJUE 17:1

De kə́ gír ɓē yā Manase tə́ gə̄ əngen̄ dɔ nang yādə́ ō. Manase i hágə Jəjep. Makir ń i go̰ rɔ̄ɔ̄ ō, ni i hágə Manase ō, bɔbə̄ Galaad ō ní, ənge dɔ nang kə́ Galaad ō, dɔ nang kə́ Basan ō, kɔ̄ɔ́ ɓá.

EJEKIEL 48:1

Rī gír ɓē gə̄ naā tə́ kə dɔ nang yādə́ gə̄ n toó: Dɔ nang yā Dan a ra i ta ngóy mbɔ́r ɓē kə́ ko̰ó̰ tə́, kə gō ngāl̄ róbə́ kə́ Hetəlon tə́, kum kə̄ Hamat tə́ ō, kum kə̄ Hasar Enan, gō nang kə́ Damas ń i mbɔ́r ɓē kə́ ko̰ó̰ ní, kadə Hamat tə́ ní tə́ ō. Dɔ nin̄ dɔ nang ní a əla gír i dām̄ kə́ gír ɓē tə́ bátə́ ugə̄ no ɓē tə́.