EJEKIEL 47:12 - Bibəl ta Sar̄

¹² Gír kāgə̄ kə́ tayā tayā gə̄ kə́ a anə̄n̄ a əɓan̄ kadə man̄ ní tə́ dɔ gɔ́sə bāá dām̄ jōó mbak. Mbīdə́ a ndəlē aĺ ō, kan̄də́ a təgā aĺ ō. Nin̄ a anə̄n̄ kə dɔ nāā gə̄, tɔdɔ̄ man̄ ní teē i kem loo kə́ táĺ tə́. De gə̄ a əsan̄ kan̄də́ gə̄ ō, mbīdə́ a adə̄ de kə́ mo̰y rɔ̄ ngan̄g ō.

Bible sar

¹² Gír kāgə̄ kə́ tayā tayā gə̄ kə́ a anə̄n̄ a əɓan̄ kadə man̄ ní tə́ dɔ gɔ́sə bāá dām̄ jōó mbak. Mbīdə́ a ndəlē aĺ ō, kan̄də́ a təgā aĺ ō. Nin̄ a anə̄n̄ kə dɔ nāā gə̄, tɔdɔ̄ man̄ ní teē i kem *loo kə́ táĺ tə́. De gə̄ a əsan̄ kan̄də́ gə̄ ō, mbīdə́ a adə̄ de kə́ mo̰y rɔ̄ ngan̄g ō.

EJEKIEL 47:12 Referans Kwoze

JEJU TEĒ KUM JA̰A̰ 22:2

Kāgə̄ kógə̄ḿ ra dan ɓē ní tə́ ta mba bā kə́ tɔ̄ɔ̄ dām̄ jōó tə́. Kāgə̄ ní i kāgə̄ kə́ deē əsa anī a ndi kə kumneé ō, i kāgə̄ kə́ a an̄ nja kutə gidə i jōó kem ɓāl̄ kógə̄ḿ ō. Ni a an̄ i kə dɔ nāā gə̄ ō, mbīn i dáwá kə́ yā ngáań mo̰y yā nápar de gə̄ ō.

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

EJEKIEL 47:7

Dan ń ni-tél reē seḿ gogə́ ní anī, m-á̰a̰ kāgə̄ kə́ ngá̰ý gə̄ ran̄ kadə man̄ tə́ dām̄ jōó mbak.

JEREMI 17:8

Ni to tītə̄ kāgə̄ ń əhɔn kadə man̄ tə́ ní. Əla ngəran kum kə̄ maná. Ni a ger̄ gō ngā nəngā ń a reē ní alé. Mbīn to mbōl̄ ngándáńg. Ɓāl̄ ń man̄ əhɔń laa tə́ ní, ni sōl̄ yá̰a̰ alé. Ni an̄ kə̄ non tə́.

TA KƏLA 2:9

Kɔ́ɔ̄ɓē Nə́ɓā rāā adə̄ kāgə̄ kə́ tayā tayā gə̄, kə́ majə ka̰a̰ ngá̰ý gə̄ ō, kan̄də́ majə kəsa ngá̰ý gə̄ ō, əɓan̄ dɔ nang tə́. Ni-rāā adə̄ kāgə̄ kógə̄ḿ əɓa kem ndɔrɔ́ danaá bang, i kāgə̄ kə́ ré deē əsa kanə̄n anī a ndi kə kumuú. Ni-əndā kāgə̄ kə́ rang, i kāgə̄ kə́ ré deē əsa kanə̄n anī a ger̄ yá̰á̰ kə́ majə ō, yá̰á̰ kə́ majaĺ ō.

PĀ GƏ̄ 92:12

Ngé gə̄ ń a umə̄mə̄n̄ ní, m-á̰á̰də́ kə kumḿ ō, ngé kem ndul gə̄ ń ənīmə̄n̄ rɔ̄ ní, m-ōō kōōdə́ kə mbīḿ ō.

Makətūbə̄ yā Job 8:16

Ni-ra kum mbang tə́ tītə̄ kāgə̄ kə́ bəton i ngá̰ý rɔ̄n tə́ beé, adə̄ tə́nī ta jīn gə̄ dɔ ndɔr̄ tá̰a̰ yān tə́.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

JEREMI 8:22

Bəto kə kāgə̄ kə́ yā rāā ta do tə́ gətóo Galaad i mbée a? Nge rāā de gə̄ mo̰y gətóo noó a? I tām̄ rí tə́ á rɔ̄ gír deē yāḿ gə̄ əsō naā tə́ aĺ ní?

IJAI 1:6

Ḭḭ njasí tə́ bátə́ dɔsí tə́ ní, loosí kógə̄ḿ kə́ yá̰a̰ rāā aĺ gətóo. Rɔ̄sí malang i do ō, gotə ndéy ō, do kə́ ta ra kə wōyōó ō. Deē tə́go ta aĺ ō, deē ndem̄ ta aĺ ō, deē rāā yibə̄ ta tə́ aĺ ō.