EJEKIEL 47:10 - Bibəl ta Sar̄

¹⁰ Adə̄ ngé ndo̰ kānjə̄ gə̄ a ran̄ dɔ gɔ́sə bā tə́. Əla gír En Gedi bátə́ En Egəlaim tə́ ní, de gə̄ a tḛ́ḛ̄n̄ kem réng gə̄ yā najə. Gír kānjə̄ kə́ tayā gə̄ a i ngá̰ý tītə̄ ngé kə́ kum bā bo tə́ gə̄.

Bible sar

¹⁰ Adə̄ ngé ndo̰ kānjə̄ gə̄ a ran̄ dɔ gɔ́sə bā tə́. Əla gír En Gedi bátə́ En Egəlaim tə́ ní, de gə̄ a tḛ́ḛ̄n̄ kem réng gə̄ yā najə. Gír kānjə̄ kə́ tayā gə̄ a i ngá̰ý tītə̄ ngé kə́ kum bā bo tə́ gə̄.

EJEKIEL 47:10 Referans Kwoze

MATIYE 4:19

Ni ədadə́ na: Ī-reēī gōḿ tə́, anī m-ā m̄-rāāsí kadə̄ ā ī-téliī ngé ndo̰ de gə̄.

PĀ GƏ̄ 104:25

Á̰a̰ā̰, bā bo ni bo ō, laa ngá̰ý ō, kə̄ loo gə̄ tə́. Kutə dā̰ kə́ dūú gə̄ ō, kə́ bo gə̄ ō ń a njə̄rān̄ kum tə́ ní i kə́ dum̄ tə́da.

TƏ́DA 34:6

Dɔ nin̄ dɔ nang yāsí kə́ dām̄ kə́ no ɓē tə́ i bā bo.

MARK 1:17

Jeju ədadə́ na: Ī-reēī gōḿ tə́, anī m-ā m̄-rāāsí kadə̄ a ī-téliī ngé ndo̰ de gə̄.

EJEKIEL 48:28

Dɔ nin̄ dɔ nang yā Gad kə́ dām̄ mbɔ́r ɓē kə́ geleé tə́ a i dɔ nin̄ dɔ nang yā ɓē. A əla gír Tamar tə́ dām̄ kə́ gír ɓē tə́ bátə́ man̄ gə̄ kə́ Meriba kə́ Kades tə́ ō, a un gō man̄ kə́ Ejiptə tə́ yā gāngəń kum bā bo tə́ ō.

EJEKIEL 47:15

Dɔ nin̄ ɓē gə̄ ní n toó. Nge kə́ dām̄ mbɔ́r ɓē kə́ ko̰o̰ tə́ əla gír i bā bo ń un gō róbə́ kə́ Hetəlon bátə́ ugə̄ ta róbə́ kə́ yā kudəń kə̄ Lebo Hamat ō, Sedad tə́ ō,

2 YÁ̰A̰ GƏ̄ 20:2

Reē ədan̄ Josapat na: Kósə de kə́ ngá̰ý gə̄ reēn̄ yā rɔ̄ɔ̄ī. Ḭḭn̄ i gidə bā bo tə́, adə̄ ḭḭn̄ i Edom. Ngɔlaā nin̄ i Hasason Tamar adə̄ i En Gedi tə́.

EJEKIEL 26:5

Tir a tél i loo kə́ dan bā bo tə́ kə́ ngé ndo̰ gə̄ a najənə̄ń réng yādə́ gə̄. I mā Kɔ́ɔ̄ɓē n m-ɔ̄r̄ najə̄ ō, najə̄ ń m-ə́dá ní n noó ō. Nápar de gə̄ a reēn̄ yā kɔy yá̰a̰ kənge gə̄ kə́ kem ɓē kə́ Tir tə́ dɔ gúú tə́.

IJAI 49:20

Kété ní ī-ndi i tītə̄ dəyá̰ kə́ ngán kemən gə̄ gətóon̄ beé. Banī ndɔ̄ kógə̄ḿ tə́ anī, ngání gə̄ a ədaīn̄ na: Loo ń m̄-ndi tū tə́ ní dūú ngá̰ý. Ādə̄m̄ loo tə́ ādə̄ m̄-ndiń laā.

IJAI 49:12

Nin̄ n toó! Ḭḭn̄ i sa̰y n tél reēn̄ gogə́ ní: Ngé kə́rēý gə̄ ḭḭn̄ i dām̄ mbɔ́r ɓē kə́ ko̰ó̰ tə́, ngé kə́ rang gə̄ ḭḭn̄ i no ɓē tə́, ngé kə́ rang gə̄ ɓáý to̰ ḭḭn̄ i dām̄ mbɔ́r ɓē kə́ geleé tə́, ḭḭn̄ i Ejiptə.

JOJUE 23:4

Á̰a̰ī, m̄-túgə̄ wə̄lā m-ādəń gír ɓē yāsí gə̄ dɔ nang yā nápar de gə̄ ń na̰y kadə̄ yā tetədə́ rɔ̄ɔ̄ ɓáý ní ō, dɔ nang yā nápar de gə̄ ń m̄-tɔ̄l̄də́ bā Jurdḛ tə́ bátə́ bā bo kə́ no ɓē tə́ ní ō.

JOJUE 15:62

Nibəsan ō, Ir Mela ō, En Gedi ō, adə̄ ɓē i mehḛ́ naā tə́ kə ngán ɓē gə̄ ń ndin̄ kə gō gidií ní.

TA KƏLA 14:7

Gō tə́ anī nin̄ tél reēn̄ En Misəpat ń i Kades ní, ba rɔ̄ɔ̄n̄ Amalek gə̄ dɔ nang yādə́ tə́ malang ō, Amor gə̄ ń ndin̄ Hasason Tamar ní ō.

1 SAMUEL 24:1

Dabid ndɔ́tə̄ loo ń noō tə́ kɔ̄ɔ́ ba aw̄ ndi mbo̰ō̰ mbal̄ gə̄ kə́ En Gedi tə́, loo kə́ loo kaw̄ tū tə́ tōr̄ ngá̰ý tə́.

IJAI 19:8

Ngé ndo̰ kānjə̄ gə̄ nōōn̄ rɔ̄də́. Rɔ̄ ngé ndo̰ kum bā Nil tə́ gə̄ malang nel̄də́ alé. Tɔ́gə́ ngé kənī réng yādə́ kum man̄ tə́ gə̄ gətóo kɔ̄ɔ́.

EJEKIEL 26:14

M-ā m̄-rāāī kadə̄ ā ī-tél mbal̄ kə́ dɔn ndágə doy, kə́ ngé ndo̰ kānjə̄ gə̄ a najən̄ rə́ng yādə́ gə̄ tū tə́. Deē a tél yā rāāī gogə́ rang alé. A̰á̰ā̰, i mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.

EJEKIEL 47:19

Dɔ nin̄ ɓē kə́ dām̄ mbɔ́r ɓē kə́ geleé tə́ a əla gír Tamar tə́ bátə́ ugə̄ man̄ gə̄ kə́ Meriba kə́ Kades tə́ ō, a un gō man̄ kə́ Ejiptə tə́ kum kə̄ bā bo tə́ ō. Dām̄ dɔ nin̄ ɓē kə́ dām̄ mbɔ́r ɓē kə́ geleé tə́ n noó.