EJEKIEL 45:9 - Bibəl ta Sar̄

⁹ Najə̄ ń Kɔ́ɔ̄ɓē Nə́ɓā əda ní n toó: Sḭḭ̄ ngār kə́ Israel tə́, nge ń noō asə beé! Ī-dəbaī ta rāā yá̰a̰ kə dɔ́nɔ́ ō, ī-dəbaī ta kɔy yá̰a̰ yā de gə̄ dɔ gúú tə́ ō! Ī-ɓōlíī gidə ndū najə̄ gə̄ ō, yá̰a̰ rāā kə́ gōtə́ ō, adə̄ asəsí ɓogə yá̰a̰ kənge gə̄ yā gír deē yāḿ gə̄! I mā Kɔ́ɔ̄ɓē Nə́ɓā n m-ə́dásí yá̰á̰ ń noō kadə̄ ī-rāāī ní.

Bible sar

⁹ Najə̄ ń Kɔ́ɔ̄ɓē Nə́ɓā əda ní n toó: Sḭḭ̄ ngār kə́ *Israel tə́, nge ń noō asə beé! Ī-dəbaī ta rāā yá̰a̰ kə dɔ́nɔ́ ō, ī-dəbaī ta kɔy yá̰a̰ yā de gə̄ dɔ gúú tə́ ō! Ī-ɓōlíī gidə *ndū najə̄ gə̄ ō, yá̰a̰ rāā kə́ gōtə́ ō, adə̄ asəsí ɓogə yá̰a̰ kənge gə̄ yā gír deē yāḿ gə̄! I mā Kɔ́ɔ̄ɓē Nə́ɓā n m-ə́dásí yá̰á̰ ń noō kadə̄ ī-rāāī ní.

EJEKIEL 45:9 Referans Kwoze

JAKARI 8:16

Jī bēl̄ loo rāā yá̰a̰ gə̄ ń ā úniī gō ní n toó: Ə́daī naā najə̄ kə́ rɔ̄kum. Loo sarya yāsí gə̄ tə́ ɓáa, ī-gāngī sarya kə́ gōtə́, kə́ a reē kə lɔmɔɔ́.

EJEKIEL 44:6

Ā ə́dá Israel gə̄ adə̄ i ngé kəsō wōn̄g gə̄ ń noō na: Mā Kɔ́ɔ̄ɓē Nə́ɓā m-ə́dásí na yá̰á̰ kə́ majaĺ ngá̰ý gə̄ ń sḭḭ̄ Israel gə̄ ī-rāāī ní, asəm̄.

JEREMI 22:3

Najə̄ ń Kɔ́ɔ̄ɓē əda ní n toó: Ī-rɔ̄ɔ̄ī dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́. Ī-lōōī rāā kum de gə̄ ndoō tə́, ī-lōōī rāā nge nam̄ ɓē ō, ngōn̄ hal ō, dəyá̰ kə́ ngaa koy ō, yá̰á̰ kə́ tōr̄. Ī-lōōī ɓōkə́ mósə de kə́ najə̄ gətóo dɔn tə́ loo ń toō tə́.

IJAI 1:17

Ī-ndóōī rāā yá̰á̰ kə́ majə. Ī-sāāī ta róbə ɓōĺ gidə yá̰á̰ kə́ súmūú. Deē ń a rējə̄ madə̄n gə̄ kə yá̰a̰ rāā kə́ gōtə́ aĺ ní, ī-tél ī-reēī seneé dɔ róbə́ kə́ majə tə́. Ī-rɔ̄ɔ̄ī dɔ yá̰á̰ kə́ súmūú yā ngán hal gə̄ tə́, úniī najə̄ yā dəyá̰ kə́ ngaa koy gə̄ kə̄ jīsí tə́.

1 PIYER 4:3

Tɔdɔ̄ kété ní sḭḭ̄ úniī kum mbang kə́ təsó ngá̰ý ī-rāāīneé yá̰a̰ tītə̄ ń de kə́ ndágá gə̄ a rāān̄neé ní. Adə̄ sḭḭ̄ ī-rāāī yá̰á̰ kə́ majaĺ gə̄ ń ɓōn i kemsí tə́ ní ō, sḭḭ̄ i ngé kum ndaa yá̰a̰ gə̄ ō, ngé ka̰ȳ kasə kadə̄ rāāsí gə̄ ō, ngé kəsa wa gə̄ ō, ngé ka̰ȳ kasə ngá̰ý loo rɔ̄nel̄ gə̄ tə́ ō, ngé rāā ɓesə̄ kə́ majaĺ ngá̰ý gə̄ ō.

Najə̄ kə́ Majə yā Jeju ń Luk ndang ní 3:14

Anī áskar gə̄ dəjen̄ Ja̰a̰ na: Ba jḭ̄ ní kə jə-rāā yājí i rí tā? Ni tūr̄ ədadə́ na: Ī-lōōī kḭḭ gúu dɔ de gə̄ tə́ ō, ī-lōōī rāā yá̰á̰ kə́ gō tə́ aĺ kə deē kógə̄ḿ ō, ə́saī ngarān̄g kum nar yāsí ń əgān̄neésí ní ō.

MISE 2:9

Sḭḭ̄ ī-tə̄ɓāī dəyá̰ gə̄ kə́ dan gír deē yāḿ gə̄ tə́ kɔ̄ɔ́ kem kújə gə̄ ń nel̄də́ tə́ ní. Kii ń m-íí ngáńdə́ gə̄ ní, sḭḭ̄ ī-taāī jīdə́ tə́ kɔ̄ɔ́, kə́ njɔ́ḿ gə̄ tə́.

Makətūbə̄ yā Job 22:9

Ḭ̄ ī-tə̄ɓā dəyá̰ kə́ ngé ngaa koy gə̄ adə̄ aw̄n̄ kɔ̄ɔ́ jīdə́ karī ō, ḭ̄ ī-rāā kum ngán hal gə̄ ndoō tə́ ō.

Makətūbə̄ yā Job 20:19

Tɔdɔ̄ ni-əsa tətō ngé tɔ́gə gətóo gə̄ ō, əya̰də́ kɔ̄ɔ́ ō, taā kújə yādə́ ō, ni-rāā kújə́ kógə̄ḿ aĺ ō.

JEREMI 6:7

Ni ngɔ̄m̄ kem ndul yān tītə̄ ń bəlo man̄ a ngɔ̄məń man̄ ní. ɓēé looneé ní a ɔrə̄n̄ i najə̄ rāā yá̰á̰ kə gúú ō, kɔy yá̰a̰ yā de gə̄ loo ɓogə tə́ ō ngóy. Wur kɔl ō, yá̰á̰ kə́ tōr̄ gə̄ ō ń m-á̰a̰ā̰ dejə ní adə̄mə̄n̄ rɔ̄nel̄ alé.

EJEKIEL 7:11

Yá̰a̰ rāā kə́ kə dɔ́nɔ́ to i tītə̄ sálang kāgə̄ kə́ kun kə̄ dɔɔ́ yā kəndań deē beé. Yá̰á̰sí kə́ a teē a gətóo, yá̰a̰ kənge yāsí a teē aĺ ō, kutəsí a teē aĺ ō, deē a ɔsə gɔnsí to̰ aĺ ō.

EJEKIEL 7:23

Ī-rāā súĺ kógə̄ḿ, tɔdɔ̄ ngé tɔ̄l̄ de gə̄ taān̄ loo kem ɓēé ō, yá̰á̰ kə́ rāā kə dɔ́nɔ́ taā loo kem ɓēé ō.

EJEKIEL 8:17

loo ń noō tə́ Nə́ɓā dəjem̄ najə̄, əda na: Ḭ̄ ngōn̄ deē, á̰á̰ yá̰á̰ ń noō a? Yá̰á̰ kə́ majaĺ ngá̰ý gə̄ ń de kə́ Juda tə́ gə̄ ń toō a rāān̄ laā ní asədə́ aĺ ɓáý. Nin̄ ran̄ dɔ tə́ noō rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé ō, rāān̄ yá̰a̰ malang yā kadə̄məń wōn̄g ō. Ngɔlaā nin̄ a ndɔ́tə̄n̄ i kə ta jī kāgāá kə̄ ta kóńdə́ tə́ ngɔr.

AMOS 5:24

Banī ī-rāāī ādə̄ yá̰á̰ kə́ súmūú əɓa bup tītə̄ man̄ kə́ əɓa nang tə́ beē ō, ə́ya̰ī yá̰á̰ kə́ gōtə́ ādī nūgə́ tītə̄ man̄ kə́ teē kə̄ ndágá kem kārə̄n tə́ beē ō!

MISE 6:10

Yá̰a̰ kənge kə́ kə ta róbə́ kə́ gōtə́ aĺ ní, deē a əngedə́ i kem kújə yā de kə́ majaĺ gə̄ tə́ ngándáńg ō, nin̄ a unən̄ i kār̄ tɔ̄jə̄ yá̰á̰ kə́ gōtə́ aĺ n a mbɔ̄jə́nəń yá̰a̰ ō. I yá̰á̰ kə́ majə ka̰ā̰ aĺ ngá̰ý. M-ásə́ tə́gā taḿ dɔ yá̰á̰ kə́ beé tə́ a?

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.