EJEKIEL 45:4 - Bibəl ta Sar̄

⁴ Loo ngeé ń noō i kə́ táĺ, tɔdɔ̄ ɔrə̄n̄ kamən tām̄ yā ngé tun̄ yá̰a̰ gə̄ ń a rāān̄ kəla kem loo kə́ táĺ tə́ ní. A rāān̄ kújə yādə́ gə̄ i dɔ nang ngeé ń toō tə́ ō, a ngɔ̄mə̄n̄ loo ní i tām̄ yā loo kə́ yā ɓōĺ gidə tə́ ō.

Bible sar

⁴ Loo ngeé ń noō i kə́ *táĺ, tɔdɔ̄ ɔrə̄n̄ kamən tām̄ yā *ngé tun̄ yá̰a̰ gə̄ ń a rāān̄ kəla kem *loo kə́ táĺ tə́ ní. A rāān̄ kújə yādə́ gə̄ i dɔ nang ngeé ń toō tə́ ō, a ngɔ̄mə̄n̄ loo ní i tām̄ yā loo kə́ yā ɓōĺ gidə tə́ ō.

EJEKIEL 45:4 Referans Kwoze

EJEKIEL 43:19

Ngé tun̄ yá̰a̰ gə̄ kə́ gír yā Lebi tə́, kə́ kem kojə yā Sadok tə́ ní, ā ādə̄də́ man̄g kə́ bəra kógə̄ḿ. I nin̄ ngóy n ta róbə i yādə́ kadə̄ ndɔ́tə̄n̄ kə̄ rɔ̄ḿ tə́ ba rāān̄ kəla adə̄mə̄n̄ ní. I mā Kɔ́ɔ̄ɓē Nə́ɓā n m-ə́da najə̄ ń noō ní. A ndējə̄n̄ man̄g kə́ bəra ngeé ń noō kadə̄ i yá̰a̰ tun̄ kə́ kadə̄ m̄-mā̰yń rɔ̄ḿ dɔ majaĺ yādə́ tə́.

EJEKIEL 40:45

Deē ní ədam̄ na: Kem kújə ń tan i kə̄ dām̄ mbɔ́r ɓē kə́ geleé tə́ ní, i tām̄ yā ngé tun̄ yá̰a̰ gə̄ ń a rāān̄ kəla kem kújə yā Kɔ́ɔ̄ɓē tə́ ní.

TƏ́DA 16:5

Gō tə́ anī əda Kore kə́ ngé kə́ gōn tə́ gə̄ malang na: Bírí kə ndɔ̄ý anī Kɔ́ɔ̄ɓē a ɔjə dɔ deē ń i yān ō, kə́ táĺ ō, kə́ ni ndigən kadə̄ aw̄ rɔ̄n tə́ ō ní. Deē ń Kɔ́ɔ̄ɓē a gə̄rān ní, Kɔ́ɔ̄ɓē a ndigə kadə̄ deē ní aw̄ rɔ̄n tə́.

EJEKIEL 45:1

Dan ń ā ī-gángī dɔ nang yā kadə̄ gír ɓē gə̄ kə́ Israel tə́ anī, ā ī-gángī núsən tām̄ yā Kɔ́ɔ̄ɓē tə́. Ngālən a asə kíl deē 25 000 ō, laan a asə kíl deē 20 000 ō. De gə̄ a rāān̄ dɔ nang ń noō malang kə taá i dɔ nang kə́ táĺ tə́.

EJEKIEL 44:28

Ngé tun̄ yá̰a̰ gə̄ a rāān̄ kəla yā kadə̄m̄. Nin̄ a əngen̄ loo dɔ nang kə́ Israel tə́ alé. Tɔdɔ̄ mā i yá̰a̰ kənge yādə́.

EJEKIEL 40:46

Kem kújə́ ń tan i kə̄ dām̄ mbɔ́r ɓē kə́ ko̰ó̰ tə́ ní, i tām̄ yā ngé tun̄ yá̰a̰ gə̄ ń a rāān̄ kəla ta loo tun̄ yá̰á̰ tə́ ní. Dan de gə̄ kə́ gír ɓē yā Lebi tə́ ní, i ngé gə̄ ń i Sadok n ojədə́ ní ngóy n asən̄ kudə kem loo kə́ táĺ tə́, yā rāā kəla kadə̄ Kɔ́ɔ̄ɓē ní.

EJEKIEL 45:3

A mbɔ̄jə́n̄ loo kə́ ngālən i kíl deē 25 000, ba laan i 10 000. Loo ngeé ń noō i loo kə́ táĺ tām̄ rāān̄ kújə yāḿ kə́ táĺ tū tə́.

EJEKIEL 48:8

Ā gāngə̄n̄ gō ngāl̄ dɔ nang yā Juda ń ḭḭ gír ɓē tə́ ugə̄ no ɓē tə́ ní yā kəndā tayā. Laan a asə kíl deē dūbú kutə jōó gidə i mí ō, ngālən a asə naā kə ngāl̄ dɔ nang yā gír ɓē gēé kógə̄ḿ kógə̄ḿ ō. A rāān̄ loo kə́ táĺ i danaá.