EJEKIEL 45:3 - Bibəl ta Sar̄

³ A mbɔ̄jə́n̄ loo kə́ ngālən i kíl deē 25 000, ba laan i 10 000. Loo ngeé ń noō i loo kə́ táĺ tām̄ rāān̄ kújə yāḿ kə́ táĺ tū tə́.

Bible sar

³ A mbɔ̄jə́n̄ loo kə́ ngālən i kíl deē 25 000, ba laan i 10 000. Loo ngeé ń noō i *loo kə́ táĺ tām̄ rāān̄ kújə yāḿ kə́ táĺ tū tə́.

EJEKIEL 45:3 Referans Kwoze

EJEKIEL 48:10

Dām̄ gō nang ń noō ń a adə̄n̄ ngé tun̄ yá̰a̰ gə̄ ní a asə kíl deē 25 000 dām̄ mbɔ́r ɓē kə́ ko̰ó̰ tə́ ō, laan a asə kíl deē 10 000 dām̄ kə́ no ɓē tə́ ō, laan a asə kíl deē 10 000 dām̄ kə́ gír ɓē tə́ ō, ngālən a asə kíl deē 25 000 dām̄ mbɔ́r ɓē kə́ geleé tə́ ō. A rāān̄ loo kə́ táĺ yā Kɔ́ɔ̄ɓē i danaá.

EJEKIEL 45:2

A ngɔ̄mə̄n̄ dɔ nang kə́ ngālən ō laan ō asə naā, tām̄ yā kújə yā Kɔ́ɔ̄ɓē tə́. Dāmə̄n kógə̄ḿ i kíl deē ɓú mí. Ndágə loo kógə̄ḿ kə́ to karī a gīr̄ gidə. Ndágə loo ní laan i kíl deē kutə mí.

EJEKIEL 45:4

Loo ngeé ń noō i kə́ táĺ, tɔdɔ̄ ɔrə̄n̄ kamən tām̄ yā ngé tun̄ yá̰a̰ gə̄ ń a rāān̄ kəla kem loo kə́ táĺ tə́ ní. A rāān̄ kújə yādə́ gə̄ i dɔ nang ngeé ń toō tə́ ō, a ngɔ̄mə̄n̄ loo ní i tām̄ yā loo kə́ yā ɓōĺ gidə tə́ ō.

EJEKIEL 48:8

Ā gāngə̄n̄ gō ngāl̄ dɔ nang yā Juda ń ḭḭ gír ɓē tə́ ugə̄ no ɓē tə́ ní yā kəndā tayā. Laan a asə kíl deē dūbú kutə jōó gidə i mí ō, ngālən a asə naā kə ngāl̄ dɔ nang yā gír ɓē gēé kógə̄ḿ kógə̄ḿ ō. A rāān̄ loo kə́ táĺ i danaá.

1 MBAN̄G GƏ̄ 6:16

Tə́ndān̄ kāgə̄ sédər gə̄ kadə bɔr tə́ gə́lé kújə́ tə́, nang tə́ bátə́ dɔɔ́. Rāān̄ gə́lé kújə́ ní i loo kəndā sandúkə madə̄ naā yā Kɔ́ɔ̄ɓē tə́, ngālən kə́ kə̄ dɔɔ́ i métər kutə kógə̄ḿ. Əndan̄ rīn na i loo kə́ táĺ ngá̰ý.