EJEKIEL 45:1 - Bibəl ta Sar̄

¹ Dan ń ā ī-gángī dɔ nang yā kadə̄ gír ɓē gə̄ kə́ Israel tə́ anī, ā ī-gángī núsən tām̄ yā Kɔ́ɔ̄ɓē tə́. Ngālən a asə kíl deē 25 000 ō, laan a asə kíl deē 20 000 ō. De gə̄ a rāān̄ dɔ nang ń noō malang kə taá i dɔ nang kə́ táĺ tə́.

Bible sar

¹ Dan ń ā ī-gángī dɔ nang yā kadə̄ gír ɓē gə̄ kə́ *Israel tə́ anī, ā ī-gángī núsən tām̄ yā Kɔ́ɔ̄ɓē tə́. Ngālən a asə kíl deē 25 000 ō, laan a asə kíl deē 20 000 ō. De gə̄ a rāān̄ dɔ nang ń noō malang kə taá i dɔ nang kə́ *táĺ tə́.

EJEKIEL 45:1 Referans Kwoze

EJEKIEL 48:29

Ɓē ń sḭḭ̄ ā ī-túgī wə̄lā yā kadə̄ ī-nə̄ɓōiń naā kə́ yá̰a̰ kənge kə́ tām̄ yā gír ɓē kə́ Israel tə́ ō, dɔ nang yādə́ gə̄ ō ní n noó. Najə̄ ń Kɔ́ɔ̄ɓē Nə́ɓā əda ní n noó.

TƏ́DA 34:13

Moijə əda ngán Israel gə̄ yá̰á̰ ń Kɔ́ɔ̄ɓē mēr̄də́ rāā ní. Ba gō tə́ anī ədadə́ na: Dɔ nang ń Kɔ́ɔ̄ɓē mēr̄ túgə̄ wə̄lā yā gángəń naā tə́ kadə̄ gír ɓē kə́ ndōhó kə núsə gə̄ ní n noó.

Gōsə̄ najə̄ gə̄ 3:9

Ī-kēgə̄ yá̰á̰ ń ə́ngé ní ī-ndējə̄ Kɔ́ɔ̄ɓē ō, ādə̄n kan̄ yá̰a̰ yāí kə́ ta kəga dɔ gə̄ ī-rɔȳnneé ō.

JOJUE 14:2

Kə gō ń Kɔ́ɔ̄ɓē ədań Moijə kadə̄ rāā ní, nin̄ túgə̄n̄ i wə̄lā n gángə̄n̄neé dɔ nang gə̄ ní adə̄n̄ gír ɓē gə̄ kə́ ndōhó kə núsə́ ń əngen̄ dɔ nang aĺ ɓáý ní.

JOJUE 13:6

gō nang kə́ mbalá ń ra dɔ dán Liban kə Misərepot Maim tə́ á de kə́ tū tə́ gə̄ i Sidon gə̄ malang ní ō. Mə̄kɔ́ m-ā m̄-tə̄ɓā de gə̄ ń ndin̄ dɔ nang gə̄ ń noō tə́ ní kɔ̄ɔ́ no ngán Israel gə̄ tə́. Yá̰a̰ ń kadə̄ i rāā ní i kadə̄ ī-gán̄g dɔ nang ní ādə̄ ngán Israel gə̄ tītə̄ ń m-ə́daīń ní ngóy.

LEBI GƏ̄ 25:23

Deē a igə kə dɔ nangaá kə́ njɔ́ḿ gə̄ tə́ alé, tɔdɔ̄ ɓē i yāḿ mā Kɔ́ɔ̄ɓē. Ī-ndiī dɔ nang yāḿ tə́ i tītə̄ tə̄rā gə̄ kə́ ngé nam̄ gə̄ ō, tītə̄ de gə̄ kə́ əhɔn̄ loo ndinə̄ń ō ngóy.

JOJUE 13:7

Adə̄ ī-gán̄g dɔ nang ní ādə̄ de kə́ gír ɓē kə́ ndōhó gə̄ tə́ ō, núsə de kə́ gír ɓē yā Manase tə́ gə̄ ō.

JOJUE 14:3

Moijə gán̄g dɔ nang kə gidə bā Jurdḛ kə́ dām̄ ké gír ɓē tə́ adə̄ gír ɓē kə́ jōó kə núsə kɔ̄ɔ́ ɓá, ba i de kə́ gír ɓē yā Lebi tə́ gə̄ n adə̄də́ alé ní.

EJEKIEL 42:16

Ni mbɔ̄jə́ ngāl̄ loo ní kə́ dām̄ kə́ gír ɓē tə́ kə tə̄ɓā mbɔ̄jə́ yá̰á̰ anī, ənge i kíl deē ɓú mí.

JOJUE 14:1

I Eleajar kə́ nge tun̄ yá̰a̰ ō, Jojue ngōn̄ Nun ō, ngār gə̄ kə́ dɔ gír ɓē gə̄ yā ngán Israel gə̄ tə́ ō n gángə̄n̄ dɔ nang kə́ Kanaan adə̄n̄ ngán Israel gə̄ ní. Ba loo gán̄gə̄n̄neé ní n toó: