EJEKIEL 44:7 - Bibəl ta Sar̄

⁷ Dan ń ā ī-ndējə̄mīiń núsə́ yá̰a̰ kəsa kə́ tām̄ yāḿ tə́ ní, adə̄ i yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō ní, tə̄rā gə̄ ń əjan̄ mɔtədə́ aĺ ō, oōn̄ taḿ aĺ ō ní, sḭḭ̄ ə́ya̰īdə́ adə̄ nin̄ udən̄ kem loo yāḿ kə́ táĺ tə́. Sḭḭ̄ ī-kídī kújə yāḿ i tītə̄ ń noō. Sḭḭ̄ ī-nujiī madə̄ naā ń do̰ō̰ rɔ̄sí tū yāḿ tə́ ní kɔ̄ɔ́, kə yá̰a̰ rāāsí kə́ majaĺ ngá̰ý gə̄ malang.

Bible sar

⁷ Dan ń ā ī-ndējə̄mīiń núsə́ yá̰a̰ kəsa kə́ tām̄ yāḿ tə́ ní, adə̄ i yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō ní, tə̄rā gə̄ ń əjan̄ mɔtədə́ aĺ ō, oōn̄ taḿ aĺ ō ní, sḭḭ̄ ə́ya̰īdə́ adə̄ nin̄ udən̄ kem loo yāḿ kə́ *táĺ tə́. Sḭḭ̄ ī-kídī kújə yāḿ i tītə̄ ń noō. Sḭḭ̄ ī-nujiī *madə̄ naā ń do̰ō̰ rɔ̄sí tū yāḿ tə́ ní kɔ̄ɔ́, kə yá̰a̰ rāāsí kə́ majaĺ ngá̰ý gə̄ malang.

EJEKIEL 44:7 Referans Kwoze

LEBI GƏ̄ 22:25

Ī-taāī dā̰ kə́ beē jī tə̄rā tə́ yā ndējə̄ Nə́ɓā yāsí yá̰a̰ kəsan tə́ alé na gumən ń gətóó ní rāā adə̄ dā̰ ní nujə, adə̄ ré ādə̄mī anī, a neləm̄ alé.

EJEKIEL 44:9

Mā Kɔ́ɔ̄ɓē Nə́ɓā m-ə́da najə̄ ń toō: Tə̄rā ń əja mɔtə kə́ dan wur tə́ aĺ ō, oō taḿ aĺ ō ní, a udə kem loo yāḿ kə́ táĺ tə́ to̰ alé, ká ni ndiń i dan Israel gə̄ tə́ gə̄gē ní.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

LEBI GƏ̄ 26:41

Adə̄ na m-mbātə́ najə̄ tadə́ tə́ ō, na m-āw̄ sedə́ ɓē madə̄ ba̰ā̰də́ gēé ō. Adə̄ majanī a sɔlə̄n̄ dɔdə́ ō, m-ā m̄-tɔ̄l̄ ta ndéý ń m-ə́ndádə́ tām̄ yá̰á̰ kə́ majaĺ ń nin̄ rāān̄ tə́ ní ō.

TA KƏLA 17:14

De kə́ dəngam ń əjan̄ mɔtən aĺ ní, a ɔr̄nən̄ kɔ̄ɔ́ dan gír de gə̄ yān gə̄ tə́, tām̄ ni-mbātə́ madə̄ naā yāḿ.

KƏLA RĀĀ 21:28

Nin̄-əgan̄ kɔŕ ədan̄ na: Israel gə̄ ī-dḭḭ̄jí tə́! Á̰a̰ī deē ń a aw̄ kə̄ loo gə̄ tə́ malang a ndóoń de gə̄ malang kadə̄ mbātə́n̄ gír deē yājí gə̄ ō, ndū najə̄ yā Moijə ō, kújə yā Kɔ́ɔ̄ɓē ń toō ō ní, ni n toó! Ba kə́ kal̄ naā ní ni udə kə de gə̄ kə́ nin̄ i Jipə aĺ gə̄ kem kújə yā Kɔ́ɔ̄ɓē tə́ rāań adə̄ loo kə́ táĺ ń toō tél kə́ yḛr kɔ̄ɔ́.

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

NDŪ NAJƏ̄ 10:16

Ā ə́ja i mɔtə kə́ dan wur tə́ ō, ī-lōōī rāā dɔ ngan̄g ō.

HEBƏRO 8:9

Madə̄ naā ní a to i tītə̄ madə̄ naā ń m-ə́hɔ kə kaadə́ gēé, ndɔ̄ ń m-ə́hɔń ta jīdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Kɔ́ɔ̄ɓē əda ɓáý to̰: Nin̄-ran̄ dɔ madə̄ naā yāḿ tə́ alé, adə̄ mā m-ə́yá̰də́ kɔ̄ɔ́.

MALASI 1:7

Sḭḭ̄ ī-reēī kə yá̰a̰ kəsa kə́ yḛr dɔ loo tun̄ yá̰a̰ yāḿ tə́. Ba ī-dəjeī najə̄ ə́daī na ké ī-ɓōlíī ndílə́ḿ aĺ i tū rí tə́ wa. I kə ta kūl̄ kəda na: Loo tun̄ yá̰a̰ yā Kɔ́ɔ̄ɓē i yá̰á̰ kə́ bo ngá̰ý ta kumsí tə́ alé.

EJEKIEL 22:26

Ngé tun̄ yá̰a̰ yādə́ gə̄ rāān̄ dɔ ngan̄g ta ndū najə̄ yāḿ gə̄ tə́ ō, ɓōlə́n̄ gidə loo kə́ kɔr̄ kam̄ tām̄ yāḿ tə́ gə̄ aĺ ō, ɔrə̄n̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī aĺ ō, ndóōn̄ de gə̄ loo ka̰a̰ yá̰á̰ kə́ unjə̄ njáý njáý ger̄ aĺ ō, loo ka̰a̰ yá̰á̰ kə́ yḛr ger̄ aĺ ō. Nin̄ kídə̄n̄ ndɔ̄ sabat ō. I tām̄ najə̄ ń toō tə́ n deē kógə̄ḿ kə́ dandə́ tə́ kə́ ɓōĺ gidəḿ gətóó ní.

EJEKIEL 7:20

Nin̄ ɔjən̄ rɔ̄də́ kə yá̰a̰ yādə́ kə́ majə ngá̰ý gə̄ kə́ to loo ɓɔ̄ɔ̄ tə́. Nin̄ ɔyn̄ yá̰a̰ gə̄ ní rāānəń ɓesə̄ kə́ to yḛr kum gə̄ ō, kə́ majə ka̰ā̰ aĺ gə̄ ō, kum gotə nə́ɓā gə̄ tə́. Kɔ́ɔ̄ɓē əda na: I tām̄ najə̄ ń noō tə́ n nə́ɓā gə̄ ní a télən̄ yā to tītə̄ dɔ bū loo beé tām̄ yādə́ tə́ ní.

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

JEREMI 11:10

Nin̄ tél rāān̄ majaĺ yā kaadə́ gə̄ ń mbātə́n̄ koō najə̄ yāḿ gə̄ ní. Ngɔ̄də̄n̄ gō nə́ɓā kə́ rang gə̄ tə́ ō, ndɔ̄ȳn̄də́ ō. I beé n de gə̄ kə́ Israel tə́ ō, kə́ Juda tə́ gə̄ ō gāngə̄n̄neé madə̄ naā ń m-ə́hɔ kə kaadə́ gēé ní.

IJAI 24:5

A̰á̰ā̰, deē ndul gə̄ rāān̄ dɔ nang adə̄ tél kə́ yḛr, nin̄ mbātə́n̄ rāā yá̰á̰ ń Kɔ́ɔ̄ɓē ədadə́ kadə̄ rāān̄ ní, nin̄ kídə̄n̄ jī bēl̄ loo rāā yá̰a̰ yān gə̄, madə̄ naā ń ɓoodə́ naā tə́ kə Nə́ɓāá kə́ njɔ́ḿ gə̄ tə́ ní, nin̄ gāngə̄n̄ madə̄ naā ní kɔ̄ɔ́.

NDŪ NAJƏ̄ 31:20

Tɔdɔ̄ m-ā m-āw̄ sedə́ dɔ nang ń mba ō, yibə̄ tejə ō, i ngá̰ý tū tə́ á m-ə̄nī ndūḿ m-ādə̄ kaadə́ gə̄ ní tə́. A əsan̄ yá̰a̰ kadə̄ asədə́ ō, a ndin̄ majə ō. Gō tə́ anī a tūrə̄n̄ rɔ̄də́ kə̄ rɔ̄ ɓesə̄ gə̄ tə́ yā rāā kəla kadə̄də́. Ba a kídə̄mə̄n̄ ō, a gāngə̄n̄ madə̄ naā ń m-ə́hɔ sedə́ ní kɔ̄ɔ́ ō.

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

NDŪ NAJƏ̄ 30:6

Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.

LEBI GƏ̄ 26:15

ré ə́yaī ndū najə̄ yāḿ gə̄ kɔ̄ɔ́ ō, ī-kídī yá̰a̰ kāgə̄ ɓē gə̄ ń m-ɔ́jə́sí ní ō, ī-rāāī yá̰a̰ gə̄ ń m-ɔ́jə́sí malang aĺ ō, adə̄ ī-nujiī madə̄ naā ń m-ə́hɔ sesí ní anī,

LEBI GƏ̄ 21:21

i de kə́ nujə kə́ gír kaa yā Aaro̰ nge tun̄ yá̰á̰ tə́ ní, a reē ta loo tun̄ yá̰á̰ tə́ yā ndējə̄ yá̰a̰ kəsa yā Nə́ɓā yān dɔ tə́ alé.

LEBI GƏ̄ 21:17

kəda Aaro̰ ndū najə̄ gə̄ ń toō:

LEBI GƏ̄ 21:8

Ā ī-rāā nge tun̄ yá̰a̰ i de kə́ táĺ tə́ tām̄ i ni n i nge kadə̄ Nə́ɓā yāí yá̰a̰ ndējə̄ ní. Ā ī-rāān i de kə́ táĺ tə́, tām̄ mā Kɔ́ɔ̄ɓē nge kɔr̄ kam̄sí ní mā i de kə́ táĺ.

LEBI GƏ̄ 21:6

A ɔrə̄n̄ kam̄də́ tām̄ yā Nə́ɓā yādə́ tə́ ō, nujə̄n rīn aĺ ō. Ādə̄ nin̄ i de kə́ táĺ gə̄, tām̄ i nin̄ ń i ngé ndējə̄ Kɔ́ɔ̄ɓē yá̰a̰ tun̄ gə̄ ń i yá̰a̰ kəsa yā Nə́ɓā yādə́ ní.

LEBI GƏ̄ 17:11

Tɔdɔ̄ dā̰ rɔ̄ a ndi kə kumuú i kə ta kūl̄ mósə. Ba ādə̄ ī-rāāī mósə dɔ loo tun̄ yá̰á̰ tə́ i yā kutə̄ń dɔ majaĺ yāsí gə̄ tām̄ mósə a utə̄ dɔ majaĺ gə̄ tɔdɔ̄ mósə́ ní asə rāā kadə̄ deē ndi kə kumuú.

Teē Ngán Israel gə̄ 12:48

Ré tə̄rā kə́ nge nam̄ ń ndi ɓē seí ní ndigə rāā nāā Pákə yā rɔȳń Kɔ́ɔ̄ɓē anī, ādə̄ de kə́ dəngam kə́ kem ndogə̄ yān tə́ gə̄ malang əjan̄ mɔtədə́. Loo ń noō tə́ ni-rāā rɔ̄n i ngōn̄ Israel tə́, adə̄ a asə rāā nāā Pákə. Deē ń əja mɔtən aĺ ní a əsa yá̰á̰ Pákə alé.

Teē Ngán Israel gə̄ 12:43

Kɔ́ɔ̄ɓē əda Moijə nin̄ kə Aaro̰ na: Ndū najə̄ gə̄ kə́ dɔ Pákə tə́ n toó: Tə̄rā a əsa yá̰á̰ Pákə alé.

EJEKIEL 44:15

Dan ń Israel gə̄ əya̰mə̄n̄ mā ń i Kɔ́ɔ̄ɓē ní kɔ̄ɔ́ ní, ngé tun̄ yá̰a̰ gə̄ kə́ gír yā Lebi tə́ ń Sadok ojədə́ ní, rāān̄ kəla kə́ kem loo yāḿ kə́ táĺ tə́, i tām̄ najə̄ ń noō tə́ n i nin̄ ngó̰y n a asən̄ reē rāā kəla kadə̄m̄ ní. Nin̄ a asən̄ ndējə̄m̄ yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō. I mā Kɔ́ɔ̄ɓē Nə́ɓā n m-ə́da najə̄ ń noō kə̄ ndágá ní.

JEREMI 9:25

Adə̄ i Ejiptə gə̄ ō, Juda gə̄ ō, Edom gə̄ ō, Amon gə̄ ō, Moab gə̄ ō, de gə̄ malang ń ndin̄ kem dəla loo tə́ á i ngé dəsā mbɔ́ŕdə́ gə̄ ní ō. Tɔdɔ̄ nápar de gə̄ malang əjan̄ mɔtədə́ aĺ ō, de kə́ Israel tə́ gə̄ nəkɔ́ gə̄gē ní ə́jan̄ mɔtə kə́ dan wurdə́ tə́ aĺ ō.

MALASI 2:4

Loo ń noō tə́ ā ī-gerī yá̰á̰ ń toō: I Kɔ́ɔ̄ɓē kə́ bo kə́ tɔ́gən i ngá̰ý n m̄-tāāsí toō. Madə̄ naā ń m-ə́hɔ kə ngán Lebi gēé ní, m̄-ndigə ngɔ̄m̄.

MALASI 2:8

Mā Kɔ́ɔ̄ɓē kə́ bo kə́ tɔ́gə́ḿ i ngá̰ý, m-ə́da najə̄ ń toō: Banī sḭḭ̄ ngé tun̄ yá̰a̰ gə̄ ī-rāāī yá̰á̰ ń noō alé, sḭḭ̄ ə́ya̰ī róbə kɔ̄ɔ́ ba āwī sa̰y. Ī-gólī de gə̄ ngá̰ý kə ta kūl̄ yá̰á̰ ndóō yāsí gə̄ ō, ī-gāngī madə̄ naā ń m-ə́hɔ kə ngán Lebi gēé ní kɔ̄ɔ́ ō.