EJEKIEL 44:3 - Bibəl ta Sar̄

³ Banī ngār a ndi i loo ń noō tə́ yā kəsań yá̰á̰ kə́ ɓōĺ gidə ta kumḿ tə́, tām̄ ni i ngār. Yā kudəń loo ń noō tə́ ō, yā teēń ō ní, ni a mān̄ i kem ngōn̄ kújə́ kə́ ta róbə́ tə́ ń ra kadə ta róbə́ kə́ yā kudəń kə̄ kemeé ní tə́.

Bible sar

³ Banī ngār a ndi i loo ń noō tə́ yā kəsań yá̰á̰ kə́ ɓōĺ gidə ta kumḿ tə́, tām̄ ni i ngār. Yā kudəń loo ń noō tə́ ō, yā teēń ō ní, ni a mān̄ i kem ngōn̄ kújə́ kə́ ta róbə́ tə́ ń ra kadə ta róbə́ kə́ yā kudəń kə̄ kemeé ní tə́.

EJEKIEL 44:3 Referans Kwoze

EJEKIEL 46:2

Ngār a ḭḭ i ndágə loo kə́ gidə tə́ ndágá n a reē ní. Ni a mān̄ i kem ngōn̄ kújə́ kə́ ta róbə́ tə́ ń ra kadə ta róbə́ kə́ yā kudəń kə̄ kemeé tə́ ní. Dan ń ngé tun̄ yá̰a̰ gə̄ a ndējə̄n̄ yá̰a̰ tun̄ yān gə̄ kə́ yā róō kə taá malang gə̄ ō, yá̰a̰ tun̄ yān gə̄ kə́ tām̄ yā kem kógə̄ḿ tə́ ō anī, ni a ra i ngɔr kə̄ kadə kāgə̄ ta róbə́ kújə́ tə́. Ni a ɔsə kejən nang tə́ ta róbə́ kújə́ tə́ ō, a ɔsə non nang tə́ ō. Gō tə́ anī a teē ndágá. Ré loo a tíbə́ pá tá a utə̄n̄ ta róbə́ ɓáý.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

EJEKIEL 34:24

Mā Kɔ́ɔ̄ɓē ní, ndɔ̄ń tə́ mā i Nə́ɓā yādə́ ō, nin̄ a əngen̄ ngār kə́ tītə̄ nge kəla yāḿ Dabid ō. I mā Kɔ́ɔ̄ɓē n m-ə́da najə̄ ń noō ní.

TA KƏLA 31:54

Gō tə́ anī ni-*tun̄ yá̰a̰ adə̄ Nə́ɓā dɔ mbalá ba mēr̄ ngákó̰o̰n gə̄ kəsa yá̰a̰ seneé. Nin̄ əsan̄ yá̰a̰ ō, ɓīīn̄ kə̄ dɔ mbalá noō ō.

JEJU TEĒ KUM JA̰A̰ 3:20

Á̰a̰ā̰, m̄-ra ta róbə́ kújə́ tə́ ba m̄-gógə̄ ta kújə. Ré deē kógə̄ḿ oō ndūḿ ba teē ta kújə́ anī, m-ā m-údə gōn tə́ ō, m-ā m-ə́sá yá̰a̰ seneé ō, ni a əsa yá̰a̰ seḿ ō.

2 YÁ̰A̰ GƏ̄ 34:31

Ni-ra kə njan kə́ dɔɔ́ dɔ loo yān kə́ kḭḭ kə̄ dɔɔ́ tə́ ba əhɔ madə̄ naā kə̄ Kɔ́ɔ̄ɓē ni gḛy kun gō tó Kɔ́ɔ̄ɓē ō, gḛy rāā gō míndə gə̄ ń Kɔ́ɔ̄ɓē əda ní ō, gḛy rāā yá̰a̰ gə̄ ń ndū najə̄ yā Kɔ́ɔ̄ɓē əda ní ō, kə ngarā̰ kemən mámák ō, kə rɔ̄neé ō. Ni-gḛy rāā yá̰a̰ gə̄ kə́ tām̄ yā madə̄ naā tə́ ń ndangən̄ kem makətūbə̄ ń toō tə́ ní.

IJAI 62:9

Banī ngé gə̄ ń ɔyn̄ kōō gémē ní, nin̄ kɔ́ gə̄ a əsan̄ ō, a ənīnəń pā tɔ̄ȳ Kɔ́ɔ̄ɓē ō. Ngé gə̄ ń a əjan̄ kan̄ nduú ní, nin̄ kɔ́ gə̄ a a̰ȳn̄ kasən ndágə loo gə̄ kə́ gīr̄ gidə kújə yā Kɔ́ɔ̄ɓē kə́ gidə loo yāḿ kə́ táĺ tə́.

IJAI 23:18

Banī manə̄n yān gə̄ ń ni a ənge ní, yá̰á̰ ń ni a ənge gírí ní, a ɔrə̄n̄ kam̄ tām̄ yā Kɔ́ɔ̄ɓē tə́. A kánə̄n̄ kə̄ dɔ naā tə́ alé, deē a ngɔ̄m̄ alé. Yá̰á̰ ń ni a ənge gírí ní, a ul̄nəń ngé ndi ta kum Kɔ́ɔ̄ɓē tə́ gə̄, a adə̄n̄neédə́ kūbə̄ kə́ majə ngá̰ý gə̄ ō.

2 YÁ̰A̰ GƏ̄ 23:13

Dan ń a̰a̰ mban̄g ra kə njan kə́ dɔɔ́ dɔ loo yān kə́ kḭḭ kə̄ dɔɔ́ tə́ ta róbə́ kújə́ tə́ ō, ngār gə̄ kə ngé kɔ̄ŕ bərúnjə gə̄ i rɔ̄ mban̄g tə́ ngɔr ō, rɔ̄ de kə́ kem ɓēé gə̄ malang nel̄də́ ō, a kɔ̄rə́n̄ bərúnjə ō, gōsə̄ gə̄ a əndan̄ yá̰á̰ kə́ ɓār̄ gōsə̄ yādə́ gə̄ ō, a ɔrən̄ no ngé kur kɔĺ rɔ̄nel̄ gə̄ kə yá̰á̰ kə́ ɓār̄ gōsōó gə̄ ō anī rə́yā̰ kūbə̄ kə́ rɔ̄n tə́ gə̄ ba un ndūn kə̄ dɔɔ́ ədan̄ kə tɔ́gəneé na: Ənīmə̄n̄ kɔ̄ɔ́! Ənīmə̄n̄ kɔ̄ɔ́!

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

EJEKIEL 46:12

Dan ń ngār a tɔ̄l̄ dā̰ yā tun̄ róō horoó kadə̄ Kɔ́ɔ̄ɓē Nə́ɓā kə gō kem ndigə yānneé aláa i dā̰ kə́ tun̄ tām̄ kem kógə̄ḿ tə́ kə gō kem ndigə̄ yānneé anī, de gə̄ a teēn̄ ta róbə́ ń tūr̄ tan dām̄ kə́ gír ɓē tə́ ní yā kadə̄n ō, ni a tɔ̄l̄ dā̰ yān yā tun̄ róō horoó kadə̄ Nə́ɓā ō, ni a tɔ̄l̄ dā̰ gə̄ kə́ yā tun̄ tām̄ kem kógə̄ḿ tə́ ō, tītə̄ ń ni a rāań ndɔ̄ sabat tə́ ní. Dan nəkɔ́ ń ni teē ndágá kɔ̄ɔ́ anī, de gə̄ a utə̄n̄ ta róbə ní.

2 MBAN̄G 16:18

Ta tɔ̄l̄ ta anī utə̄ ta kújə́ kə́ ta róbə́ tə́ kə́ tū kújə yā Kɔ́ɔ̄ɓē tə́ ń a ɓārə́n̄ na i kújə́ kə́ ta róbə́ tə́ kə́ ndɔ̄ sabat tə́ ní kɔ̄ɔ́ ō, utə̄ ta róbə́ kə́ ndágá ń a ɓārə́n̄ na i ta róbə kudə mban̄g ní kɔ̄ɔ́ ō, kadə̄ nel̄ mban̄g kə́ Asiri.