EJEKIEL 44:13 - Bibəl ta Sar̄

¹³ Nin̄ a reēn̄ rɔ̄ḿ tə́ yā téĺ ngé tun̄ yá̰a̰ yāḿ gə̄ alé. Yá̰á̰ kə́ kəndā tām̄ yāḿ tə́ gə̄ ní, nin̄ a aw̄n̄ kadə tə́ aĺ ō, nin̄ a aw̄n̄ kadə loo kə́ táĺ ngá̰ý tə́ aĺ ō. I beé ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ to rɔ̄sɔl̄ gə̄ ō, kə́ majaĺ ngá̰ý gə̄ ō, a reēń dɔdə́ tə́ ní.

Bible sar

¹³ Nin̄ a reēn̄ rɔ̄ḿ tə́ yā téĺ *ngé tun̄ yá̰a̰ yāḿ gə̄ alé. Yá̰á̰ kə́ kəndā tām̄ yāḿ tə́ gə̄ ní, nin̄ a aw̄n̄ kadə tə́ aĺ ō, nin̄ a aw̄n̄ kadə *loo kə́ táĺ ngá̰ý tə́ aĺ ō. I beé ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ to rɔ̄sɔl̄ gə̄ ō, kə́ majaĺ ngá̰ý gə̄ ō, a reēń dɔdə́ tə́ ní.

EJEKIEL 44:13 Referans Kwoze

TƏ́DA 18:3

A rāān̄ kəla yāí ō, kəla kə́ tām̄ yā kújə́ ní tə́ ō, ba a ɔdən̄ rɔ̄ yá̰a̰ rāā kəla gə̄ kem loo kə́ táĺ tə́ aĺ ō, a aw̄n̄ ta loo tun̄ yá̰á̰ tə́ aĺ ō, na sōgə́ sḭḭ̄ gə̄gē nin̄ gə̄gē óyiī.

2 MBAN̄G 23:9

Ɓá tā ba ɔgə̄n̄ ngé tun̄ yá̰a̰ loo ndɔ̄ȳ gə̄ tə́ kaw̄ tun̄ yá̰á̰ loo yā Kɔ́ɔ̄ɓē tə́ kem ɓē kə́ Jerusalem tə́. Yá̰á̰ ń asən̄ rāā ní i kəsa mápá kə́ rāā kanjə̄ kaa mápa naā tə́ kə ngákó̰ó̰də́ gēé ngóy.

EJEKIEL 36:7

I beé ní, mā Kɔ́ɔ̄ɓē Nə́ɓā m̄-túbə m-ə́da na: Ta i dɔ nápar de gə̄ ń ndi gīrə̄n̄ gidəsí ní tə́ yā kadə̄ rɔ̄də́ sɔl̄də́!

EJEKIEL 32:20

A̰á̰ā̰, de kə́ Ejiptə gə̄ a oyn̄ ta rɔ̄ɔ̄ tə́. Ngɔlaā ní kaskar gə̄ ran̄ dɔ rɔ̄də́ tə́ kɔ̄ɔ́ yā tə́gā de gə̄. Ādə̄ nin̄ əlan̄ ɓē kə́ Ejiptə ō, de kə́ kemeé gə̄ malang ō, ta yo tə́!

EJEKIEL 16:61

Dan ń ā ī-tél ā ə́ngé ngákó̰ó̰í kə́ dəyá̰ kə́ ngátɔ́gí gə̄ ō, gidií kə́ dəyá̰ gə̄ ō gogə́ anī, ā ī-gír̄ dɔ hálí tə́ ō, rɔ̄í a sɔlī najə̄n tə́ ō. M-ā m-ə́la dɔdə́ gíŕ tɔ́gə yāí tə́, tītə̄ kə́ nin̄ i ngání kə́ dəyá̰ gə̄ beé. Nge ń noō ndetə madə̄ naā ń m-ə́hɔ seí ní alé ɓá tā, ba m-ā m̄-rāā nge ń noō.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 39:26

Loo ń noō tə́ dɔdə́ a ndígə̄nal rɔ̄də́ ń sɔl̄də́ ní ō, ra ń nin̄ ran̄ dɔ ndūdə́ tə́ seḿ māá aĺ ní, dɔdə́ a ndígə̄nal malang kɔ̄ɔ́ ō. Nin̄ a ndin̄ dɔ nang yādə́ tə́ kanjə̄ sōl̄ yá̰á̰ kógə̄ḿ ō, de kə́ yā rāādə́ kadə̄ nin̄ ndewn̄ ndew ɓōĺ to̰ ní a gətóo ō.

JEREMI 3:25

Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.