EJEKIEL 44:12 - Bibəl ta Sar̄

¹² Dan ń ngán Israel gə̄ a unnə̄ń gō nə́ɓā kə́ rɔ̄kum aĺ gə̄ ní, nin̄ rāān̄ kəla adə̄n̄də́ ō, nin̄ rāān̄ adə̄ ngán Israel gə̄ mānə̄n̄ dɔ ndū Nə́ɓā ō. I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́da najə̄ ń toō ní: M-ā m̄-rāā yá̰á̰ kə́ tōr̄ sedə́ ō, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní ō.

Bible sar

¹² Dan ń ngán *Israel gə̄ a unnə̄ń gō nə́ɓā kə́ rɔ̄kum aĺ gə̄ ní, nin̄ rāān̄ kəla adə̄n̄də́ ō, nin̄ rāān̄ adə̄ ngán Israel gə̄ mānə̄n̄ dɔ ndū Nə́ɓā ō. I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́da najə̄ ń toō ní: M-ā m̄-rāā yá̰á̰ kə́ tōr̄ sedə́ ō, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní ō.

EJEKIEL 44:12 Referans Kwoze

PĀ GƏ̄ 106:26

Loo ń noō tə́ Kɔ́ɔ̄ɓē əla jīn kə̄ dɔɔ́ túbəń njan yā kəya̰də́ kadə̄ oyn̄ kem dəla loo tə́ ō,

EJEKIEL 44:10

Kum mbang ń ngán Israel gə̄ unən̄ róbə́ kə́ majaĺ ba əya̰mə̄n̄ kɔ̄ɔ́ yā kunəń gō ɓesə̄ yādə́ gə̄ ní, ngán Lebi gə̄ rāān̄ majaĺ tītə̄ gotə ngán Israel gə̄. I beé ɓá ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní.

EJEKIEL 20:23

m̄-túbə m-ādə̄də́ kem dəla loo tə́ kadə̄ m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de kə́ rang gə̄ tə́, dɔ nang yā tə̄rā gə̄ tə́.

EJEKIEL 20:15

Banī m̄-túbə m-ādə̄də́ kem dəla loo tə́ kadə̄ m-ɔ́ŕdə́ ta róbə m-āw̄ sedə́ dɔ nang ń m-ādə̄də́ tə́ ní alé. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

AMOS 8:7

Kɔ́ɔ̄ɓē ənī ndūn kə ngangá ngá̰ý əda na: Israel ɔjə rɔ̄n kə ɓē yānneé. I beé ní, m̄-túbə̄ kə ɓē ń toō, loo rāā yá̰a̰ yāsí gə̄ ní, dɔḿ a ndigə̄nal aĺ i kə́ bátə́ gə̄ tə́.

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

EJEKIEL 44:13

Nin̄ a reēn̄ rɔ̄ḿ tə́ yā téĺ ngé tun̄ yá̰a̰ yāḿ gə̄ alé. Yá̰á̰ kə́ kəndā tām̄ yāḿ tə́ gə̄ ní, nin̄ a aw̄n̄ kadə tə́ aĺ ō, nin̄ a aw̄n̄ kadə loo kə́ táĺ ngá̰ý tə́ aĺ ō. I beé ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ to rɔ̄sɔl̄ gə̄ ō, kə́ majaĺ ngá̰ý gə̄ ō, a reēń dɔdə́ tə́ ní.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

EJEKIEL 20:6

Ndɔ̄ ngeé ń noō tə́ ní, m̄-túbə m-ə́da na m-ā m̄-teē sedə́ kɔ̄ɔ́ kem ɓē kə́ Ejiptə tə́, yā kaw̄ sedə́ dɔ nang kə́ m-ə̄ndā ma̰ȳn tām̄ yādə́ tə́ tə́. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

IJAI 9:16

I tām̄ najə̄ ń toō tə́ ń Kɔ́ɔ̄ɓē rāā gan̄g ngá̰ý kə balsáa yādə́ gēé ní, kumən o̰o̰n kə ngán hal yādə́ gēé aĺ ō, kə dəyá̰ kə́ ngaa koy yādə́ gēé aĺ ō. Tām̄ nin̄ malang i de kə́ majaĺ gə̄ kə́ ngé rāā yá̰á̰ kə́ majaĺ ō, yá̰a̰ malang ń nin̄ ədan̄ ní i yá̰á̰ kə́ majaĺ ngá̰ý gə̄ ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

EJEKIEL 48:11

Dɔ nang ní a i tām̄ yā ngé tun̄ yá̰a̰ gə̄ ń ɔrə̄n̄ kam̄də́ tayā dan ngán Sadok gə̄ ń əndān̄ kumdə́ gír kəla yāḿ tə́ kə gōó ō, əya̰mə̄n̄ kɔ̄ɔ́ aĺ ō dan ń Israel gə̄ əya̰mə̄n̄ kɔ̄ɔ́ tītə̄ yā ngán Lebi gə̄ ń ndómə̄n̄ ní.

OJEE 4:9

Banī m-ā m̄-rāā ngé tun̄ yá̰a̰ gə̄ yá̰á̰ ń m̄-rāā kə gír deē yāḿ gēé ní: Yá̰á̰ ń m-ā m̄-rāā sedə́ ní, sɔɔ̄ń i háĺdə́ ō, yá̰á̰ ń nin̄ rāān̄ ní, m-ā m̄-téləń yā kadə̄də́ gogə́ ō.