EJEKIEL 44:11 - Bibəl ta Sar̄

¹¹ Kem loo yāḿ kə́ táĺ tə́ ɓáa, kəla ń nin̄ a rāān̄ tām̄ yāḿ tə́ ní, i ngɔ̄m̄ ta róbə gə̄ kə́ tū kújə yā Kɔ́ɔ̄ɓē tə́ ō, i rāā kəla kə́ tayā tayā gə̄ ō. Dā̰ gə̄ ń ndējə̄n̄ tām̄ yā yá̰a̰ tun̄ kə́ kə taá malang tə́ ō, tām̄ yā gotə yá̰a̰ tun̄ kə́ rang gə̄ tə́ ō ní, nin̄ asən̄ tɔ̄l̄. Nin̄ a rāān̄ kəla yā kadə̄ ngán Israel gə̄.

Bible sar

¹¹ Kem loo yāḿ kə́ *táĺ tə́ ɓáa, kəla ń nin̄ a rāān̄ tām̄ yāḿ tə́ ní, i ngɔ̄m̄ ta róbə gə̄ kə́ tū kújə yā Kɔ́ɔ̄ɓē tə́ ō, i rāā kəla kə́ tayā tayā gə̄ ō. Dā̰ gə̄ ń ndējə̄n̄ tām̄ yā *yá̰a̰ tun̄ kə́ kə taá malang tə́ ō, tām̄ yā gotə *yá̰a̰ tun̄ kə́ rang gə̄ tə́ ō ní, nin̄ asən̄ tɔ̄l̄. Nin̄ a rāān̄ kəla yā kadə̄ ngán *Israel gə̄.

EJEKIEL 44:11 Referans Kwoze

TƏ́DA 16:9

Gə̄rā ń Nə́ɓā yā Israel gə̄rāsí dan ngán Israel gə̄ tə́, ba adə̄sí ta róbə kaw̄ rɔ̄n tə́ ō, gə̄rāsí kadə̄ ī-rāāī kəla kə́ tām̄ yā kújə yā Kɔ́ɔ̄ɓē tə́ ō, kadə̄ ī-raī no ngé kán̄ naā kə́ Israel tə́ ī-ndɔ̄yī Nə́ɓā kə rīdə́ ō ní asəsí aĺ ɓáý a?

2 YÁ̰A̰ GƏ̄ 29:34

Kutə ngé tun̄ yá̰a̰ gə̄ asə toó dā̰ kə́ yā tun̄ kə taá gə̄ ní malang alé, adə̄ ngákó̰ó̰də́ kə́ ngán Lebi gə̄ reē dḭḭ̄n̄də́ adə̄ gír kəla tóo dā̰ gāngəń ō, adə̄ ngé tun̄ yá̰á̰ kə́ rang gə̄ tə́gon̄neé rɔ̄də́ oy ō. Tɔdɔ̄ ngán Lebi gə̄ tə́gon̄ rɔ̄də́ láẃ ngá̰ý tɔȳ ngé tun̄ yá̰a̰ gə̄.

EJEKIEL 44:14

I kəla kə́ tayā tayā gə̄ malang kə́ kem kújə yā Kɔ́ɔ̄ɓē tə́ n m-ā m-ə̄ndā dɔdə́ tə́ ní. Nin̄ a rāān̄ i kəla yāḿ mā ngóy.

EJEKIEL 40:45

Deē ní ədam̄ na: Kem kújə ń tan i kə̄ dām̄ mbɔ́r ɓē kə́ geleé tə́ ní, i tām̄ yā ngé tun̄ yá̰a̰ gə̄ ń a rāān̄ kəla kem kújə yā Kɔ́ɔ̄ɓē tə́ ní.

2 YÁ̰A̰ GƏ̄ 30:17

De gə̄ ngá̰ý dan ngé kán̄ naā gə̄ tə́ tə́gon̄ rɔ̄də́ alé, adə̄ unjə̄n̄ njáý njáý yā rāań yá̰á̰ kə́ yā ɓōĺ gidə yā Kɔ́ɔ̄ɓē alé. I tām̄ najə̄ ń noō tə́ n ngán Lebi gə̄ əndān̄neé rɔ̄də́ ta kəla kəja míndə dā̰ Pákə gə̄ tə́ kum gotədə́ ní.

TƏ́DA 18:6

Á̰a̰ā̰, ngákó̰ó̰sí kə́ ngán Lebi gə̄ ń adə̄mə̄n̄ sedə́ ní, m̄-tél sedə́ m-ādə̄sí kadə̄ rāān̄ kəla gə̄ kə́ tām̄ yā kújə kənge naā tə́.

TƏ́DA 4:1

Kɔ́ɔ̄ɓē əda Moijə nin̄ kə Aaro̰ na:

TƏ́DA 18:2

I ḭ̄ ō, ngání gə̄ ō n ā āwī ta kújə́ ń sandúkə ndū najə̄ i kemeé tə́ ní. Ba ādə̄ ngákó̰ó̰í gə̄ kə́ gír ɓē yā Lebi tə́ ń i gír ɓē yā bɔbí ní, aw̄n̄ seí loo kə́ táĺ tə́. I nin̄ n a utə̄n̄ gōí ō, a ɔsən̄ kílí ō ní.

TƏ́DA 8:26

Nin̄ a ɔsən̄ kíĺ ngán Lebi gə̄ ń a rāān̄ kəla kújə kənge naā ní ba aw̄n̄ kə kəla yādə́ kə́ sɔɔ̄ dɔdə́ alé. Loo rāā ń ā ī-rāań kəla kə ngán Lebi gə̄ ní n noó.

EJEKIEL 46:24

Dəngam ní ədam̄ na: I loo ndīr̄ yá̰a̰ gə̄ ń de kə́ ngé rāā kəla kem kújə yā Kɔ́ɔ̄ɓē tə́ gə̄ a ndīrə̄n̄ dā̰ kə́ tun̄ yā gír de gə̄ tū tə́ ní n noó.