EJEKIEL 44:10 - Bibəl ta Sar̄

¹⁰ Kum mbang ń ngán Israel gə̄ unən̄ róbə́ kə́ majaĺ ba əya̰mə̄n̄ kɔ̄ɔ́ yā kunəń gō ɓesə̄ yādə́ gə̄ ní, ngán Lebi gə̄ rāān̄ majaĺ tītə̄ gotə ngán Israel gə̄. I beé ɓá ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní.

Bible sar

¹⁰ Kum mbang ń ngán *Israel gə̄ unən̄ róbə́ kə́ majaĺ ba əya̰mə̄n̄ kɔ̄ɔ́ yā kunəń gō ɓesə̄ yādə́ gə̄ ní, *ngán Lebi gə̄ rāān̄ majaĺ tītə̄ gotə ngán Israel gə̄. I beé ɓá ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní.

EJEKIEL 44:10 Referans Kwoze

EJEKIEL 48:11

Dɔ nang ní a i tām̄ yā ngé tun̄ yá̰a̰ gə̄ ń ɔrə̄n̄ kam̄də́ tayā dan ngán Sadok gə̄ ń əndān̄ kumdə́ gír kəla yāḿ tə́ kə gōó ō, əya̰mə̄n̄ kɔ̄ɔ́ aĺ ō dan ń Israel gə̄ əya̰mə̄n̄ kɔ̄ɔ́ tītə̄ yā ngán Lebi gə̄ ń ndómə̄n̄ ní.

EJEKIEL 22:26

Ngé tun̄ yá̰a̰ yādə́ gə̄ rāān̄ dɔ ngan̄g ta ndū najə̄ yāḿ gə̄ tə́ ō, ɓōlə́n̄ gidə loo kə́ kɔr̄ kam̄ tām̄ yāḿ tə́ gə̄ aĺ ō, ɔrə̄n̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī aĺ ō, ndóōn̄ de gə̄ loo ka̰a̰ yá̰á̰ kə́ unjə̄ njáý njáý ger̄ aĺ ō, loo ka̰a̰ yá̰á̰ kə́ yḛr ger̄ aĺ ō. Nin̄ kídə̄n̄ ndɔ̄ sabat ō. I tām̄ najə̄ ń toō tə́ n deē kógə̄ḿ kə́ dandə́ tə́ kə́ ɓōĺ gidəḿ gətóó ní.

1 TIMOTE 5:22

Ī-lōō tewle kəndā jīí dɔ deē kógə̄ḿ tə́. Əla rɔ̄í dan majaĺ yā deē tə́ alé. Ī-ngɔ̄m̄ hálí īkɔ́, ādə̄ ḭ̄ i de kə́ ūnjə̄ njáý njáý.

EJEKIEL 44:15

Dan ń Israel gə̄ əya̰mə̄n̄ mā ń i Kɔ́ɔ̄ɓē ní kɔ̄ɔ́ ní, ngé tun̄ yá̰a̰ gə̄ kə́ gír yā Lebi tə́ ń Sadok ojədə́ ní, rāān̄ kəla kə́ kem loo yāḿ kə́ táĺ tə́, i tām̄ najə̄ ń noō tə́ n i nin̄ ngó̰y n a asən̄ reē rāā kəla kadə̄m̄ ní. Nin̄ a asən̄ ndējə̄m̄ yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō. I mā Kɔ́ɔ̄ɓē Nə́ɓā n m-ə́da najə̄ ń noō kə̄ ndágá ní.

SOPONI 3:4

Ngé koō ta yān gə̄ i ngé gān̄g róbə gə̄. Nin̄ i de gə̄ kə́ ngé gól̄ madə̄də́ gə̄. Ngé tun̄ yá̰a̰ yān gə̄ ɓōlə́n̄ gidə yá̰a̰ yā Nə́ɓā aĺ ō, rāān̄ yá̰a̰ gə̄ ń ndū najə̄ yān əda ní aĺ ō.

JEREMI 23:11

Ngé koō ta gə̄ ō, ngé tun̄ yá̰a̰ gə̄ ō nujən̄ háĺdə́ adə̄ m-á̰a̰ kem ndul yādə́ kem kújə yāḿ tə́ gə̄gē. Najə̄ ń Kɔ́ɔ̄ɓē əda ní n noó.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

PĀ GƏ̄ 38:4

Rɔ̄ḿ i do malang sɔɔ̄ń wōn̄g yāí. Kem kə̄ngāḿ i lápə́ya alé sɔɔ̄ń majaĺ yāḿ.

NEHEMI 9:34

Mban̄g yājí gə̄ ō, ngār yājí gə̄ ō ngé tun̄ yá̰a̰ yājí gə̄ ō kaají gə̄ ō, rāān̄ yá̰á̰ ń ndū najə̄ yāí əda ní aĺ ō, əndān̄ kumdə́ gír yá̰a̰ gə̄ ń ə́dádə́ kadə̄ rāān̄ ní tə́ aĺ ō, əndān̄ kumdə́ gír tāā gə̄ ń ī-tāādə́ kə̄ nja naā tə́ ní aĺ ō.

TƏ́DA 18:23

I ngán Lebi gə̄ ngóy n i ngé rāā kəla gə̄ kə́ kem kújə kənge naā tə́ ní. Yá̰á̰ kə́ gōtə́ aĺ gə̄ ń nin̄ a rāān̄ ní, najə̄n a əsō i dɔdə́ nin̄ kɔ́ gə̄ tə́. Ndū najə̄ ń toō a to ngándáńg tām̄ yā ngáńsí gə̄ tə́ ō, ngán kaasí gə̄ tə́ ō. Ngán Lebi gə̄ a əngen̄ dɔ nang tītə̄ yā gotə ngán Israel gə̄ alé.

TƏ́DA 5:31

Loo ń noō tə́ najə̄ a gətóo dɔ ngaa dəyá̰ ní tə́. Banī dəyá̰ ń najə̄ i dɔn tə́ ní, yá̰á̰ kə́ tōr̄ tām̄ majaĺ yān tə́ a rāān i nəkɔ́.

LEBI GƏ̄ 19:8

Deē ń əsa ní ɓōĺ i ndíĺ yá̰á̰ kə́ kɔr̄ kam̄ tām̄ yā Kɔ́ɔ̄ɓē tə́ alé, adə̄ najə̄ a əsō dɔn tə́ tām̄ yá̰á̰ kə́ gōtə́ aĺ ń ni-rāā tə́ ní. A ɔrnən̄ kɔ̄ɔ́ dan ngán Israel gə̄ tə́.

TA KƏLA 4:13

Kain əda Kɔ́ɔ̄ɓē na: Ndéý ń ə́ndam̄ ní tɔȳ tɔ́gə́ḿ, adə̄ m-ásə́ tə́gā taḿ gírí alé.

EJEKIEL 14:11

I beé n ngán Israel gə̄ a əya̰mə̄n̄neé kɔ̄ɔ́ yā kaw̄ sa̰y yā kaw̄ tḭ̄ḭ̄ń ta rɔ̄də́ kɔ̄ɔ́ aĺ ní. Nin̄ a télən̄ de kə́ yḛr gə̄ sɔɔ̄ń yá̰a̰ rāādə́ kə́ gōtə́ aĺ gə̄ kə́ i ngá̰ý tə́ to̰ alé. Banī nin̄ a télən̄ gír deē yāḿ gə̄ ō, mā m-ā m̄-téĺ Nə́ɓā yādə́ ō. Najə̄ ń mā Kɔ́ɔ̄ɓē Nə́ɓā m-āwń yā kəda ní n noó.

EJEKIEL 44:12

Dan ń ngán Israel gə̄ a unnə̄ń gō nə́ɓā kə́ rɔ̄kum aĺ gə̄ ní, nin̄ rāān̄ kəla adə̄n̄də́ ō, nin̄ rāān̄ adə̄ ngán Israel gə̄ mānə̄n̄ dɔ ndū Nə́ɓā ō. I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́da najə̄ ń toō ní: M-ā m̄-rāā yá̰á̰ kə́ tōr̄ sedə́ ō, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní ō.

MALASI 2:8

Mā Kɔ́ɔ̄ɓē kə́ bo kə́ tɔ́gə́ḿ i ngá̰ý, m-ə́da najə̄ ń toō: Banī sḭḭ̄ ngé tun̄ yá̰a̰ gə̄ ī-rāāī yá̰á̰ ń noō alé, sḭḭ̄ ə́ya̰ī róbə kɔ̄ɔ́ ba āwī sa̰y. Ī-gólī de gə̄ ngá̰ý kə ta kūl̄ yá̰á̰ ndóō yāsí gə̄ ō, ī-gāngī madə̄ naā ń m-ə́hɔ kə ngán Lebi gēé ní kɔ̄ɔ́ ō.

Gōsə̄ najə̄ gə̄ 11:31

Rɔ̄kum, əndān̄ nja de kə́ súmūú dɔ nang tə́ laā tām̄ kəla rāān tə́, banī nge kem ndul ō, nge rāā majaĺ ō ní, i najə̄ rí n kə deē kə əda dɔdə́ tə́ ní?

OJEE 4:9

Banī m-ā m̄-rāā ngé tun̄ yá̰a̰ gə̄ yá̰á̰ ń m̄-rāā kə gír deē yāḿ gēé ní: Yá̰á̰ ń m-ā m̄-rāā sedə́ ní, sɔɔ̄ń i háĺdə́ ō, yá̰á̰ ń nin̄ rāān̄ ní, m-ā m̄-téləń yā kadə̄də́ gogə́ ō.