EJEKIEL 43:8 - Bibəl ta Sar̄

⁸ Mban̄g gə̄ tə́ndān̄ ta róbə gə̄ kə́ yā kudəń kə̄ kem kújə ngol yādə́ gə̄ tə́ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə kāgə̄ ta róbə́ kújə́ kə́ bo yāḿ gə̄ tə́ ō. Ndogə̄ mbal̄ ń kēgə̄ kújə́ kə́ bo yāḿ naā tə́ kə kújə yādə́ ní i kógə̄ḿ beē. Nin̄ kídə̄n̄ rīḿ kə́ táĺ. Tɔdɔ̄ nin̄ rāān̄ yá̰á̰ kə́ majaĺ ngá̰ý gə̄. I tām̄ najə̄ ń toō tə́ n m̄-nujə sedə́ kɔ̄ɔ́ malang dan ń wōn̄g rāām̄ ní.

Bible sar

⁸ Mban̄g gə̄ tə́ndān̄ ta róbə gə̄ kə́ yā kudəń kə̄ kem kújə ngol yādə́ gə̄ tə́ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə kāgə̄ ta róbə́ kújə́ kə́ bo yāḿ gə̄ tə́ ō. Ndogə̄ mbal̄ ń kēgə̄ kújə́ kə́ bo yāḿ naā tə́ kə kújə yādə́ ní i kógə̄ḿ beē. Nin̄ kídə̄n̄ rīḿ kə́ *táĺ. Tɔdɔ̄ nin̄ rāān̄ yá̰á̰ kə́ majaĺ ngá̰ý gə̄. I tām̄ najə̄ ń toō tə́ n m̄-nujə sedə́ kɔ̄ɔ́ malang dan ń wōn̄g rāām̄ ní.

EJEKIEL 43:8 Referans Kwoze

EJEKIEL 5:11

I tām̄ ń toō tə́ ní, m̄-ndi kə kumḿ, i najə̄ yā Kɔ́ɔ̄ɓē Nə́ɓā. Tītə̄ ń ī-tákəń loo kə́ táĺ yāḿ kə yá̰á̰ kə́ majaĺ ngá̰ý gə̄ malang yāí ō, kə yá̰á̰ kə́ to nāsə̄ míndə gə̄ malang yāí ō ní, mā m-ā m-ɔ̄r̄ rɔ̄ḿ kɔ̄ɔ́ ō, kumḿ a o̰o̰m̄ aĺ ō, m-ā m-á̰a̰ kum to ndoō yāí aĺ ō.

EJEKIEL 44:7

Dan ń ā ī-ndējə̄mīiń núsə́ yá̰a̰ kəsa kə́ tām̄ yāḿ tə́ ní, adə̄ i yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō ní, tə̄rā gə̄ ń əjan̄ mɔtədə́ aĺ ō, oōn̄ taḿ aĺ ō ní, sḭḭ̄ ə́ya̰īdə́ adə̄ nin̄ udən̄ kem loo yāḿ kə́ táĺ tə́. Sḭḭ̄ ī-kídī kújə yāḿ i tītə̄ ń noō. Sḭḭ̄ ī-nujiī madə̄ naā ń do̰ō̰ rɔ̄sí tū yāḿ tə́ ní kɔ̄ɔ́, kə yá̰a̰ rāāsí kə́ majaĺ ngá̰ý gə̄ malang.

EJEKIEL 23:39

Tām̄ ndɔ̄ ń nin̄ tə́ngānəń ngáńdə́ kə́ dəngam gə̄ adə̄n̄ nə́ɓā yādə́ kə́ rɔ̄kum aĺ gə̄ tə́ ní, nin̄ udən̄ kem loo kə́ táĺ yāḿ tə́, udən̄ kem kújə yāḿ tə́, nin̄ rāān̄ kújə yāḿ i yá̰á̰ kə́ karī tə́.

2 YÁ̰A̰ GƏ̄ 33:7

Ni udə ɓesə̄ kāgə̄ kə́ tɔ́sə̄ kem kújə yā Nə́ɓā tə́ ō. Tá kété ní Nə́ɓā əda Dabid nin̄ kə ngōnən Salomo̰ na: Kújə ń toō ō, ɓē kə́ Jerusalem ō ń i ɓē ń m̄-gə̄rā dan gír ɓē gə̄ malang kə́ Israel tə́ ní rīḿ a ɓār̄ dɔ tə́ ngándáńg.

2 YÁ̰A̰ GƏ̄ 33:4

Kújə yā Kɔ́ɔ̄ɓē ń Kɔ́ɔ̄ɓē əda najə̄ kə́ dɔ tə́ na rīn na a to Jerusalem ngándáńg ní, Manase rāā kə́ yā tunə̄ń yá̰a̰ kadə̄ ɓesə̄ gə̄ kemeé ō.

Teē Ngán Israel gə̄ 12:7

Kújə gə̄ ń a əsan̄ dā̰ gə̄ ń noō kemeé ní, a taān̄ mósə dā̰ gə̄ ní yā rāā tū kāgə̄ tadə́ gə̄ kə́ dɔɔ́ tə́ ō, kə́ geleé tə́ ō, kə́ ko̰ó̰ tə́ ō.

NGÉ SARYA 19:27

Ngaan ḭḭ dɔɔ́ teē ta kújə ba teē ndágá yā kɔr̄ dɔɔ́ kaw̄. Anī a̰a̰n to ta kújə́ tə́ ba ɓōkə́ jīn kə̄ ta róbə́ kújə́ tə́.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

EJEKIEL 5:13

M-ā m̄ bə̄gā wōn̄g yāḿ dɔsí tə́, m-ā m̄-bə̄gā wōn̄g yāḿ dɔsí tə́ bátə́ ta tɔ̄l̄ ta tə́, adə̄ m-ā m̄-dal ba̰ā̰. Loo ń noō tə́ ā ī-gerī kadə̄ deē ń ɔr̄ najə̄ sesí ní, i mā Kɔ́ɔ̄ɓē. Tɔdɔ̄ m-ásə́ tə́gā taḿ dɔ mbātə́ ndi dɔ kənī ndū yāsí tə́ alé.