EJEKIEL 43:7 - Bibəl ta Sar̄

⁷ Ndū deē ní ədam̄ na: Ḭ̄ ngōn̄ deē, ōō! Loo yā kōr̄ kāgə̄ mbang yāḿ i loo ń toō tə́ laā, i dɔ nang ń m-ə̄ndā njaḿ tū tə́ toō. M-ā m̄-ndi i loo ń noō tə́ laā, dan ngán Israel gə̄ tə́, i kə́ njɔ́ḿ gə̄ tə́. Ngán Israel gə̄ ō, mban̄g yādə́ gə̄ ō, a kídə̄n̄ rīḿ kə́ táĺ to̰ alé. Nin̄ a rāān̄ ájə́ba to̰ aĺ ō, a dubə̄n̄ nīń mban̄g yādə́ gə̄ laā to̰ aĺ ō.

Bible sar

⁷ Ndū deē ní ədam̄ na: Ḭ̄ ngōn̄ deē, ōō! Loo yā kōr̄ kāgə̄ mbang yāḿ i loo ń toō tə́ laā, i dɔ nang ń m-ə̄ndā njaḿ tū tə́ toō. M-ā m̄-ndi i loo ń noō tə́ laā, dan ngán *Israel gə̄ tə́, i kə́ njɔ́ḿ gə̄ tə́. Ngán Israel gə̄ ō, mban̄g yādə́ gə̄ ō, a kídə̄n̄ rīḿ kə́ *táĺ to̰ alé. Nin̄ a rāān̄ ájə́ba to̰ aĺ ō, a dubə̄n̄ nīń mban̄g yādə́ gə̄ laā to̰ aĺ ō.

EJEKIEL 43:7 Referans Kwoze

EJEKIEL 43:9

Ngɔlaā ní a asə ngán Israel gə̄ rāā ájə́ba. Nin̄ a ɔyn̄ nīń mban̄g yādə́ gə̄ yā kaw̄ń sa̰y kɔ̄ɔ́ rɔ̄ḿ tə́ ō, m-ā m̄-ndi dandə́ tə́ i kə́ njɔ́ḿ gə̄ tə́ ō.

PĀ GƏ̄ 47:8

Tɔdɔ̄ dɔ nang malang ní, mban̄g kə́ dɔ tə́ i Nə́ɓā. Ādə̄ kum pā yāsí rāā adə̄ de gə̄ gerə̄n̄ nge ń noō.

LEBI GƏ̄ 26:30

Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō.

JEJU TEĒ KUM JA̰A̰ 22:3

Ndɔ̄ĺ a gətóo. Ba kōr̄ kāgə̄ mbang yā Nə́ɓā ō, yā Ngōn̄ Batə̄ ō, a ndi kem ɓē ní tə́ ō, ngé kəla gə̄ yā Nə́ɓā a rāān̄ kəla yā kadə̄ Nə́ɓā ō.

EJEKIEL 20:39

Yá̰á̰ ń mā Kɔ́ɔ̄ɓē Nə́ɓā m-ə́dásí sḭḭ̄ ngán Israel gə̄ ní n toó: Sḭḭ̄ kógə̄ḿ kógə̄ḿ āw̄ ī-rɔyī nə́ɓā kə́ rɔ̄kum aĺ yāsí gə̄! Ba gō tə́ anī, ā ōōī taḿ dɔ gúú tə́. Ā ī-ndējī nə́ɓā yāsí kə́ rɔ̄kum aĺ gə̄ yá̰a̰ yā kídəń rīḿ kə́ kɔr̄ kam̄ to̰ alé.

EJEKIEL 1:26

Yá̰á̰ kógə̄ḿ kə́ to tītə̄ mbal̄ sapir ba to tītə̄ kōr̄ kāgə̄ mbang beé i dɔɔ́ dɔ tə́ ō, yá̰á̰ kógə̄ḿ kə́ to tītə̄ deē i dɔ kōr̄ kāgə̄ mbang ní tə́ ō.

PĀ GƏ̄ 99:1

Kɔ́ɔ̄ɓē i mban̄g. Ādə̄ gír nápar de gə̄ ndewn̄! Kōr̄ kāgə̄ mbang yān ndi i dɔɔ́ dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́. Ādə̄ dɔ nang ndebə ngin ngin!

1 YÁ̰A̰ GƏ̄ 28:2

Mban̄g Dabid ḭḭ ra dɔɔ́ ba ədadə́ na: Ngákó̰ó̰ḿ gə̄ ō, gír deē yāḿ gə̄ ō, ōōī najə̄ ń m-ā m-ə́dásí ní. m̄-gír̄ rāā kújə́ kə́ yā kadə̄ sandúkə madə̄ naā yā Kɔ́ɔ̄ɓē ń i kōr̄ kāgə̄ kəndā nja yā Nə́ɓā yājí ní ndi kemeé. Adə̄ m-ɔ́sə dɔ yá̰a̰ gə̄ naā tə́ malang yā rāań kújə́ ní,

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

EJEKIEL 48:35

Laa ndogə̄ mbal̄ ń gīr̄ gidə ɓē ní asə kíl deē 18 000. Əla gír ndɔ̄ ń noō tə́ ní, a ɓārə́n̄ rī ɓē na i Kɔ́ɔ̄ɓē i loo ń toō tə́.

EJEKIEL 39:7

M-ā m̄-rāā Israel gə̄ ń i gír deē yāḿ gə̄ ní kadə̄ a gerə̄n̄ kadə̄ mā i de kə́ táĺ ngá̰ý. M-ā m-ə́ya̰ kadə̄ deē kídə̄ rīḿ kə́ táĺ to̰ alé, adə̄ nápar de gə̄ a gerə̄n̄ kadə̄ Kɔ́ɔ̄ɓē, Nə́ɓā kə́ táĺ kə́ Israel tə́ i mā.

EJEKIEL 10:1

Loo kə́ rāā gār̄ tītə̄ gār̄ kújə́ ń i dɔɔ́ dɔ Serubḛ gə̄ tə́ ní, m-ə̄ndā ma̰ȳ anī, m-á̰á̰ yá̰á̰ kógə̄ḿ kə́ to tītə̄ mbal̄ sapir beé tū tə́. Rāān̄ yá̰á̰ ní adə̄ to tītə̄ kōr̄ kāgə̄ mbang beé.

JEREMI 17:12

Ta kəla gíŕ yá̰a̰ gə̄ tə́ sasak kōr̄ kāgə̄ mbang kə́ to kɔsə gɔn ndi dɔɔ́ nú kɔ̄ɔ́ ɓá. Kújə́ kə́ táĺ yājí i dɔɔ́ loo ń noō tə́.

JEREMI 16:18

M-ā m-ə̄gādə́ kə̄rā loo nja kə́ jōó tə́, tām̄ mósə́ kə́ ɓōkə́n̄ nang tə́ tə́ ō, tām̄ yá̰á̰ kə́ majaĺ kə́ rāān̄ tə́ ō, tɔdɔ̄ nujən̄ kə ɓē yāḿ. Nin̄ ɓōkə́n̄ nīń yá̰á̰ kə́ yḛr yādə́ gə̄ ō, yá̰a̰ rāādə́ kə́ majaĺ gə̄ ō, adə̄ taā kem yá̰á̰ kənge yāḿ ń i ɓē yāḿ ní.

JEREMI 14:21

Ī-kídə̄jí alé najə̄ rīí kə́ to rɔȳ tə́. Ī-lōō kadə̄ kōr̄ kāgə̄ mbang yāí kə́ to kɔsə gɔn tél yá̰á̰ kə́ rim karī. Ādə̄ əga kemií dɔ madə̄ naā yāí ń ī-rāā sejí tə́ ní, ba ī-lōō mbātə́ kɔ̄ɔ́.

JEREMI 3:17

Kem ndɔ̄ gə̄ ń noō tə́ ní, a ɓārə́n̄ Jerusalem na i ‹Kōr̄ kāgə̄ mbang yā Kɔ́ɔ̄ɓē›. Nápar de gə̄ malang a a̰ȳn̄ kum kə̄ rɔ̄n tə́ najə̄ yā rī Kɔ́ɔ̄ɓē ń əndān̄ dɔn tə́ ní. A ton̄ gír rāā dɔ ngan̄g yādə́ kə́ majaĺ al̄ naā tə́ to̰ alé.

IJAI 66:1

Najə̄ ń Kɔ́ɔ̄ɓē əda ní n toó: Dɔ rā̰ i kōr̄ kāgə̄ mbang yāḿ ō, dɔ nang i loo ń m-ā m-ə̄ndā njaḿ tū tə́ ní ō. I kújə́ kə́ ba̰ý n sḭḭ̄ ásiī rāā kadə̄m̄ ní? I loo kə́ rá n kə m̄-ndi tū tə́ ní?

IJAI 6:1

I ɓāl̄ ń mban̄g Ojias oy ń tə́ ní. Ndɔ̄ kógə̄ḿ tə́ anī, m-á̰á̰ yá̰á̰ kógə̄ḿ. Kɔ́ɔ̄ɓē ndi i dɔ kōr̄ kāgə̄ mbang kógə̄ḿ kə́ ngāl̄ ngá̰ý kum kə̄ dɔɔ́ tə́. Kūbə̄ kə́ rɔ̄n tə́ taā loo kə́ kem kújə yā Kɔ́ɔ̄ɓē tə́ malang.

PĀ GƏ̄ 132:14

Ni əda wáńg na: Loo kɔr̄ koō yāḿ kə́ a to ta kaw̄ jóo n toó, i loo ń toō n m̄-sāā ndi tū tə́ ní.

PĀ GƏ̄ 99:5

Ɔ́siī gɔn Kɔ́ɔ̄ɓē Nə́ɓā yājí, ɔ́siī nosí nang tə́ no yá̰a̰ kəndā nja yān tə́! Ni i de kə́ táĺ!

PĀ GƏ̄ 68:18

Púsə rɔ̄ɔ̄ gə̄ yā Nə́ɓā i dūbú ngá̰ý, i dūbú ngá̰ý nja kutə kə̄ gogə́. Kɔ́ɔ̄ɓē i dandə́ tə́, mbal̄ Sinai i kem loo kə́ táĺ tə́.

Teē Ngán Israel gə̄ 29:45

M-ā m̄-ndi dan ngán Israel gə̄ tə́ ō, mā i Nə́ɓā yādə́ ō.

PĀ GƏ̄ 46:5

Banī bā kógə̄ḿ i noó kə́ ta jīn kə́ tɔ̄ɔ̄ gə̄ rāān̄ adə̄ rɔ̄ de kə́ kem ɓē yā Nə́ɓā tə́ gə̄ nel̄də́, adə̄ rɔ̄ de kə́ kem loo kə́ táĺ ngá̰ý yā Nə́ɓā kə́ dɔɔ́ sa̰y ngá̰ý tə́ gə̄ nel̄də́.

EJEKIEL 6:5

M-ā m̄-ɓōkə́ nīń Israel gə̄ no ɓesə̄ yādə́ gə̄ tə́ ō, m-ā m̄-tə̄ndā kə̄ngādə́ gə̄ yā tḭ̄ḭ̄ kə̄ loo gə̄ tə́ gīr̄ gidə loo tun̄ yá̰a̰ yādə́ gə̄ ō.

EJEKIEL 6:13

Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Nīń yādə́ a ton̄ nang tə́, dan ɓesə̄ yādə́ gə̄ tə́. Loo malang ń nin̄ a tunə̄n̄ yá̰a̰ a adə̄n̄ ɓesə̄ yādə́ gə̄ tū tə́ ní, nīń gə̄ ton̄ tū tə́. A tōn̄ kə̄ dɔ mbal̄ gə̄ tə́ ō, kə̄ dɔ ngán mbal̄ mbal̄ gə̄ tə́ ō, kə̄ gír kāgə̄ gə̄ kə́ mbīdə́ to mbōl̄ ō, əga ku tə́ ō, loo kə́ rang gə̄ malang ń ɓesə̄ yādə́ gə̄ i tū tə́ ní, nīń gə̄ ń a tōn̄ tū tə́ ō.

Teē Ngán Israel gə̄ 25:8

Ngán Israel gə̄ a rāān̄ loo kə́ táĺ tām̄ yāḿ tə́ kadə̄ m̄-ndiń dɔ dáńdə́ tə́.

1 MBAN̄G GƏ̄ 8:13

ba mā m̄-rāā kújə́ kə́ to ngol m-ādī, i loo kə́ kadə̄ ī-ndi tū tə́ ngándáńg!

2 MBAN̄G 16:4

Tun̄ yá̰a̰ ō, róō ndujə̄ yá̰á̰ kə́ kotə majə ō, dɔ loo ndɔ̄ȳ gə̄ tə́ ō, dɔ ngán mbal̄ gə̄ tə́ ō, gír kāgə̄ gə̄ kə́ mbīdə́ i ngá̰ý gə̄ tə́ ō.

PĀ GƏ̄ 68:17

i tām̄ rí tə́ á sḭḭ̄ mbal̄ gə̄ ń jamsí gə̄ i ngá̰ý ní ə̄ndāī ni mbal̄ ń Nə́ɓā gərā yā ndi tū tə́ ní? A̰á̰ā̰, Kɔ́ɔ̄ɓē a ndi tū tə́ ngándáńg.

MISE 4:7

Ngé gə̄ ń əngen̄ do ní, m-ā m̄-rāādə́ kadə̄ a télən̄ i gír de gə̄ kə́ a ndin̄ kə kumdə́. A̰á̰ā̰, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-rāādə́ kadə̄ a télən̄ i nápar de gə̄ kə́ tɔ́gə́də́ i ngá̰ý. Loo ń noō tə́ mā Kɔ́ɔ̄ɓē m-ā m̄-tél i mban̄g yādə́, dɔ mbal̄ bo kə́ Siyo̰ tə́, i kum mbang ngeé ń noō tə́ ō, i kə́ njɔ́ḿ gə̄ tə́ ō.

JAKARI 13:3

Ré deē kógə̄ḿ na̰y kə̄ loo kɔr̄ najə̄ tə́, kə́ loo nge koō ta tə́ ɓáý anī, bɔbə̄n ō kó̰o̰n ō, nin̄ kɔ́ gə̄ a ədanən̄ na: I gáŕ kadə̄ óy, tām̄ ḭ̄ ún rī Kɔ́ɔ̄ɓē ə́dań najə̄ kə́ sor̄ gə̄. Ba dan ń ni a na̰y kə̄ loo kɔr̄ najə̄ tə́, kə́ loo nge koō ta tə́ anī, bɔbə̄n ō kó̰o̰n ō a rāānən̄ kadə̄ oy.