EJEKIEL 43:11 - Bibəl ta Sar̄

¹¹ Ré rɔ̄də́ sɔl̄də́ najə̄ yá̰á̰ ń nin̄ rāān̄ tə́ ní rɔ̄kum anī, ɔ́jə́də́ loo rāā kújə́ yā Kɔ́ɔ̄ɓē ō, loo ń rāān̄ kújə́ kə́ bo gə̄ tū tə́ ní ō, ta róbə gə̄ kə́ yā kudəń ō, kə́ yā teēń gə̄ ō, ɔ́jə́də́ loo rāān gə̄ malang ō. Yá̰á̰ kə́ yā rāā gə̄ ō, jī bēl̄ loo rāā yá̰a̰ gə̄ ō ń kadə̄ nin̄ ɓōlə́n̄ gidə loo ń toō tə́ ní, a oōn̄ tadə́ ō.

Bible sar

¹¹ Ré rɔ̄də́ sɔl̄də́ najə̄ yá̰á̰ ń nin̄ rāān̄ tə́ ní rɔ̄kum anī, ɔ́jə́də́ loo rāā kújə́ yā Kɔ́ɔ̄ɓē ō, loo ń rāān̄ kújə́ kə́ bo gə̄ tū tə́ ní ō, ta róbə gə̄ kə́ yā kudəń ō, kə́ yā teēń gə̄ ō, ɔ́jə́də́ loo rāān gə̄ malang ō. Yá̰á̰ kə́ yā rāā gə̄ ō, jī bēl̄ loo rāā yá̰a̰ gə̄ ō ń kadə̄ nin̄ ɓōlə́n̄ gidə loo ń toō tə́ ní, a oōn̄ tadə́ ō.

EJEKIEL 43:11 Referans Kwoze

EJEKIEL 36:27

M-ā m-ə̄ndā ndílə́ḿ kemsí tə́. I tītə̄ ń noō n m-ā m̄-rāań kadə̄ sḭḭ̄ ásiī koō taḿ ba rāā yá̰a̰ gə̄ ń ndū najə̄ yāḿ gə̄ ədan̄ ní ō, ɓōĺ gidə yá̰á̰ m-ə́dásí kadə̄ ī-rāāī ní ō, rāā yá̰á̰ m-ə́dásí kadə̄ ī-rāāī ní ō.

EJEKIEL 11:20

I beé n ā úniīń gō ndū najə̄ ń m-ādə̄sí ní ō, ā ə̄ndāiń kumsí gír jī bēl̄ loo rāā yá̰a̰ yāḿ gə̄ tə́ ba ā úniīń gō ní ō. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

HEBƏRO 8:5

Kəla ń ngé tun̄ yá̰a̰ gə̄ ngeé ń toō a rāān̄ ní, i ndíĺ yá̰a̰ karī. Nin̄-ndájə̄n̄ i yá̰á̰ kə́ dɔ rā̰ tə́. Tɔdɔ̄ dan ń Moijə a rāā yā rāā kújə tandā ní, Nə́ɓā ədan na: Ā ī-rāā yá̰a̰ malang kadə̄ a to i tītə̄ nge ń m-ɔ́jiī dɔ mbalá ní.

1 KORḚNTƏ 11:2

m̄-tɔ̄ȳsí, tɔdɔ̄ tū yá̰a̰ gə̄ tə́ malang ní əga kemsí dɔḿ tə́ ō, yá̰a̰ gə̄ ń m-ɔ́jə́sí kə̄ kété ní sḭḭ̄ úniī gō ō.

JA̰A̰ 13:17

Kə́ ngɔr ń toō tə́ ní ī-gerī yá̰á̰ ní kɔ̄ɔ́, ba ré ī-rāāī beé anī, rɔ̄sí a nel̄sí.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

EJEKIEL 12:3

I beé ní, ḭ̄ ngōn̄ deē, ɔ́sə nja yá̰a̰ mbā yāí kə̄ naā tə́ dan kadaá, ta kum de gə̄ tə́ malang tām̄ yā de kə́ a aw̄n̄ seneé kə̄ dɔ ɓē kə́ rang tə́ dɔ gúú tə́ tə́. Gō tə́ anī ī-ndɔ́tə̄ loo ń ī-ndi tū tə́ ní tə́ kɔ̄ɔ́ ba āw̄ loo kə́ rang tə́, ta kum de gə̄ tə́ malang. Na majanī a a̰a̰n̄ kadə̄ nin̄ i gír de kə́ ngé mbātə́ najə̄ gə̄.

EJEKIEL 43:10

Ba ḭ̄ ngōn̄ deē, kújə́ yā Kɔ́ɔ̄ɓē ní, ɔ́jə́ Israel gə̄ loon ādə̄ gerə̄n̄. Ādə̄ rɔ̄də́ sɔl̄də́ najə̄ yá̰a̰ rāādə́ kə́ gōtə́ aĺ gə̄ tə́ ō, ādə̄ əndān̄ ma̰ȳ loo rāā kújə́ yā Kɔ́ɔ̄ɓē ń toō kə gōó majə ō!