EJEKIEL 42:14 - Bibəl ta Sar̄

¹⁴ Tá ɓáý to̰ ní, ngé tun̄ yá̰a̰ gə̄ ń udən̄ kem loo kə́ táĺ tə́ ní, ré a teēn̄ kə̄ ndágá anī, asən̄ kaw̄ súmūú ndágə loo kə́ gīr̄ gidə kújə yā Kɔ́ɔ̄ɓē kə́ gidə tə́ ndágá tə́ alé. I gáŕ kadə̄ əya̰n̄ kūbə̄ kə́ yā ɓōĺ gidə gə̄ ń tə́lan̄ rɔ̄də́ tə́ rāānəń kəla yā Kɔ́ɔ̄ɓē ní kem kújə gə̄ ní tə́, ba tə́lan̄ kūbə̄ kə́ rang gə̄ rɔ̄də́ tə́ pá tá aw̄n̄ loo ń ngán Israel gə̄ kánə̄n̄ naā tū tə́ ní tə́ ɓáý.

Bible sar

¹⁴ Tá ɓáý to̰ ní, *ngé tun̄ yá̰a̰ gə̄ ń udən̄ kem *loo kə́ táĺ tə́ ní, ré a teēn̄ kə̄ ndágá anī, asən̄ kaw̄ súmūú ndágə loo kə́ gīr̄ gidə kújə yā Kɔ́ɔ̄ɓē kə́ gidə tə́ ndágá tə́ alé. I gáŕ kadə̄ əya̰n̄ kūbə̄ kə́ yā ɓōĺ gidə gə̄ ń tə́lan̄ rɔ̄də́ tə́ rāānəń kəla yā Kɔ́ɔ̄ɓē ní kem kújə gə̄ ní tə́, ba tə́lan̄ kūbə̄ kə́ rang gə̄ rɔ̄də́ tə́ pá tá aw̄n̄ loo ń ngán *Israel gə̄ kánə̄n̄ naā tū tə́ ní tə́ ɓáý.

EJEKIEL 42:14 Referans Kwoze

EJEKIEL 44:19

Dan ń nin̄ a télən̄ yā reē gogə́ ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́, loo ń ngán Israel gə̄ i tū tə́ ní tə́ anī, kūbə̄ ń əlan̄ rɔ̄də́ tə́ á rāānəń kəla ní, nin̄ a ɔrə̄n̄ kɔ̄ɔ́. Nin̄ a əya̰n̄ kūbə̄ gə̄ ní kem kújə gə̄ kə́ kem loo kə́ táĺ tə́, ba a tə́lan̄ kūbə̄ kə́ rang gə̄ rɔ̄də́ tə́. Kūbə̄ yādə́ kə́ yā ɓōĺ gidə gə̄ ní, i beé tá ngán Israel gə̄ a ɔdən̄ rɔ̄ alé.

LEBI GƏ̄ 8:7

Əla kūbə̄ kə́ ngāl̄ rɔ̄ Aaro̰ tə́ ō, do̰ō̰ ɓōdə̄n kə kəlaá ō. Əla kūbə̄ kə́ ngāl̄ kə́ rang kə́ gində̄ gō madə̄ tə́ dɔ tə́ ō, əla epod dɔ tə́ ō, ba do̰ō̰ ta kəlān gidən tə́.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

LEBI GƏ̄ 8:13

Gō tə́ anī Moijə əda ngán Aaro̰ gə̄ kadə̄ ndɔ́tə̄n̄ kə̄ rɔ̄n tə́ ngɔr, ba tə́la kūbə̄ kə́ ngāl̄ gə̄ rɔ̄də́ tə́ ō, tə́la jākā gə̄ dɔdə́ tə́ ō, tītə̄ ń Kɔ́ɔ̄ɓē ədań ní.

GALATƏ 3:27

tām̄ sḭḭ̄ malang ń rāān̄sí batém kə rī Kərist ní, ə́laī Kərist rɔ̄sí tə́ tītə̄ kūbə̄ beé.

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

Makətūbə̄ ń Pol ndang adə̄ Rom gə̄ ní 3:22

kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́.

Najə̄ kə́ Majə yā Jeju ń Luk ndang ní 9:62

Anī Jeju ədan na: Deē ń əga jīn dɔ kɔsə ndɔr̄ man̄g tə́, ba tél a mbel kə̄ gogə́ ɓáý to̰ ní, i de kə́ rāānən̄ tām̄ yā Ɓē ko̰o̰ yā Nə́ɓā tə́ alé.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

LEBI GƏ̄ 16:23

a tél yā kudə gogə́ kem kújə kənge naā tə́ yā kɔr̄ kūbə̄ lḛ́ḛ́ ń əla rɔ̄n tə́ udəń kem loo kə́ táĺ ngá̰ý tə́ ní. A əya̰ kūbə̄ ní kə̄ noó.

EJEKIEL 44:1

Deē ní tél reē seḿ ta róbə́ kə́ ndágá tə́ ń deē ra loo kə́ táĺ tə́ anī i kə̄ dām̄ kə́ gír ɓē tə́ ní tə́. Ta róbə́ ní i kə́ kutə̄ kɔ̄ɔ́.

LEBI GƏ̄ 16:24

A ndogə̄ man̄ kem loo kógə̄ḿ kə́ táĺ tə́ ba a tə́la kūbə̄ yān kə́ kété gə̄ gogə́ rɔ̄n tə́. A teē ndágá yā kaw̄ róō dā̰ kógə̄ḿ tām̄ yān nəkɔ́ tə́ ō, kógə̄ḿ tām̄ yā ngán Israel gə̄ tə́ ō, yā kadə̄ Kɔ́ɔ̄ɓē. A rāā yá̰á̰ kə́ yā kutə̄ń dɔ majaĺ tām̄ yān nəkɔ́ tə́ ō, tām̄ yā ngán Israel gə̄ tə́ ō.