EJEKIEL 42:13 - Bibəl ta Sar̄

¹³ Deē ní ədam̄ na: Kem kújə gə̄ kə́ dām̄ mbɔ́r ɓē kə́ ko̰ó̰ tə́ ō, kə́ dām̄ mbɔ́r ɓē kə́ geleé tə́ ō, ń deē teē tū tə́ anī a ənge i ndágə loo ní, i kem kújə gə̄ kə́ ngɔ̄mə̄n̄ tām̄ yā Nə́ɓā tə́. Ngé tun̄ yá̰a̰ gə̄ ń asən̄ kudə kem loo kə́ táĺ tə́ ní, a əsan̄ yá̰a̰ ndējə̄ kə́ táĺ ngá̰ý gə̄ i loo ń noō tə́. I gáŕ kadə̄ nin̄ a kánə̄n̄ yá̰a̰ ndējə̄ kə́ táĺ ngá̰ý gə̄ i loo ń noō tə́, adə̄ i kadə̄ karī gə̄ ō, dā̰ gə̄ kə́ ndējə̄n̄ tām̄ yā yá̰a̰ tun̄ kə́ tayā tayā gə̄ tə́ kadə̄ Nə́ɓā mā̰yń rɔ̄n ō. Tɔdɔ̄ loo ní i loo kə́ táĺ.

Bible sar

¹³ Deē ní ədam̄ na: Kem kújə gə̄ kə́ dām̄ mbɔ́r ɓē kə́ ko̰ó̰ tə́ ō, kə́ dām̄ mbɔ́r ɓē kə́ geleé tə́ ō, ń deē teē tū tə́ anī a ənge i ndágə loo ní, i kem kújə gə̄ kə́ ngɔ̄mə̄n̄ tām̄ yā Nə́ɓā tə́. Ngé tun̄ yá̰a̰ gə̄ ń asən̄ kudə kem *loo kə́ táĺ tə́ ní, a əsan̄ *yá̰a̰ ndējə̄ kə́ táĺ ngá̰ý gə̄ i loo ń noō tə́. I gáŕ kadə̄ nin̄ a kánə̄n̄ *yá̰a̰ ndējə̄ kə́ táĺ ngá̰ý gə̄ i loo ń noō tə́, adə̄ i kadə̄ karī gə̄ ō, dā̰ gə̄ kə́ ndējə̄n̄ tām̄ yā *yá̰a̰ tun̄ kə́ tayā tayā gə̄ tə́ kadə̄ Nə́ɓā mā̰yń rɔ̄n ō. Tɔdɔ̄ loo ní i *loo kə́ táĺ.

EJEKIEL 42:13 Referans Kwoze

LEBI GƏ̄ 10:17

Dā̰ bal bə̄yā̰ kə́ táĺ ngá̰ý ní ké əsan̄ kem loo kə́ táĺ tə́ aĺ i najə̄ rí tə́ wa? Kɔ́ɔ̄ɓē na adə̄də́ i yā kɔrə̄ń majaĺ gə̄ ń ngán Israel gə̄ na rāān̄ ní ō, yā rāān̄ yá̰á̰ kə́ yā kutə̄ń dɔ majaĺ yādə́ gə̄ ō ta kumən tə́.

LEBI GƏ̄ 7:6

I yá̰á̰ kə́ táĺ ngá̰ý adə̄ de kə́ dəngam gə̄ malang ń nin̄ i ngé tun̄ yá̰a̰ gə̄ ní ngóy n a asən̄ kəsa ní. Ba a əsan̄ i kem loo kógə̄ḿ kə́ táĺ tə́.

EJEKIEL 40:46

Kem kújə́ ń tan i kə̄ dām̄ mbɔ́r ɓē kə́ ko̰ó̰ tə́ ní, i tām̄ yā ngé tun̄ yá̰a̰ gə̄ ń a rāān̄ kəla ta loo tun̄ yá̰á̰ tə́ ní. Dan de gə̄ kə́ gír ɓē yā Lebi tə́ ní, i ngé gə̄ ń i Sadok n ojədə́ ní ngóy n asən̄ kudə kem loo kə́ táĺ tə́, yā rāā kəla kadə̄ Kɔ́ɔ̄ɓē ní.

LEBI GƏ̄ 14:13

Ni a əja kɔ́ɔ ngōn̄ batə̄ ní i loo ń əjan̄ kɔ́ɔ dā̰ kə́ yā tun̄ tām̄ yā majaĺ tə́ ō, dā̰ kə́ yā róō horoó kadə̄ Kɔ́ɔ̄ɓē ō tū tə́ ní tə́, adə̄ i kem loo kə́ táĺ tə́. Tɔdɔ̄ dā̰ kə́ tun̄ yā kəgān̄ kə̄rā ō, dā̰ kə́ tun̄ tām̄ yā majaĺ tə́ ō ní, a télnə̄ń i yā kadə̄ nge tun̄ yá̰a̰, tām̄ i yá̰á̰ kə́ táĺ ngá̰ý.

Teē Ngán Israel gə̄ 29:31

A ndīrə̄n̄ dā̰ bal batə̄ kə́ nge ko̰ jōó ń əndān̄neé ngé tun̄ yá̰a̰ gə̄ kem kəla tun̄ yá̰á̰ tə́ ní i kem loo kógə̄ḿ kə́ táĺ tə́.

NDŪ NAJƏ̄ 21:5

Tā anī ngán Lebi gə̄ ń nin̄ i ngé tun̄ yá̰a̰ gə̄ ní a ndɔ́tə̄n̄ kə̄ kété, tɔdɔ̄ i nin̄ n Kɔ́ɔ̄ɓē Nə́ɓā yāí gə̄rādə́ kadə̄ rāān̄ kəla adə̄nən̄ ō, tɔ́rə̄n̄ tadə́ kə rī Kɔ́ɔ̄ɓēé ō, kadə̄ gāngə̄n̄ sarya tṵ́ṵ̄ naā gə̄ ō, rɔ̄ɔ̄ naā gə̄ ō, sarya do gə̄ ō ní.

LEBI GƏ̄ 24:9

Mápá ní i tām̄ yā Aaro̰ tə́ nin̄ kə ngánən gēé, kadə̄ əsan̄ kem loo kógə̄ḿ kə́ táĺ tə́. I yá̰á̰ kə́ táĺ ngá̰ý tām̄ yādə́ tə́, tɔdɔ̄ i yá̰a̰ tun̄ ń róōn̄ núsən horoó adə̄n̄ Kɔ́ɔ̄ɓē ní. Nge ń noō i tām̄ yādə́ tə́ ngándáńg.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

EJEKIEL 42:10

Ta róbə́ ní i loo ń ndogə̄ mbal̄ kə́ gidə ndágə loo kə́ gīr̄ gidə kújə yā Kɔ́ɔ̄ɓē tə́ əla gír tū tə́ ní tə́. Dām̄ mbɔ́r ɓē kə́ geleé tə́ ɓáa kem kújə gə̄ i noó ɓáý. Kem kújə gə̄ ní ran̄ sɔɔ̄n̄ ta ndágə loo kə́ to karīí ō, kújə́ kə́ bo kə́ kemən i ngá̰ý ō ń i gidə kújə yā Kɔ́ɔ̄ɓē tə́ ní.

NEHEMI 13:5

adə̄ ni-adə̄n kem kújə́ kógə̄ḿ kə́ kemən bo. Kété ní a kánə̄n̄ yá̰á̰ kə́ ndējə̄ gə̄ ō, kajaja ō, ngáń gájə́ yá̰a̰ rāā kəla gə̄ ō, dɔ kōō gémē kə́ kɔr̄ ō dɔ kasə nduú kə́ guḿ ō, dɔ yibə̄ ō, yá̰á̰ kə́ tām̄ yā ngán Lebi gə̄ tə́ ō, gōsə̄ pā gə̄ tə́ ō, ngé ngɔ̄m̄ ta róbə gə̄ tə́ ō, yá̰a̰ ndējə̄ kə́ tām̄ yā ngé tun̄ yá̰a̰ gə̄ tə́ ō, i kem kújə́ ní tə́.

TƏ́DA 18:7

Ba ḭ̄ Aaro̰ sḭḭ̄ kə ngání, ā ī-rāāī kəla tun̄ yá̰a̰ kadə̄ Nə́ɓā dɔ loo tun̄ yá̰á̰ tə́ ō, kem loo kə́ táĺ ngá̰ý ń gāngə̄n̄ gír kə kūbūú tə́ ní ō. Kəla ń ā ī-rāāī ní n noó. I mā n m-ādə̄sí karī. De kə́ karī ń aw̄ kadə tə́ ní a tɔ̄l̄nən̄ kɔ̄ɔ́.

TƏ́DA 16:5

Gō tə́ anī əda Kore kə́ ngé kə́ gōn tə́ gə̄ malang na: Bírí kə ndɔ̄ý anī Kɔ́ɔ̄ɓē a ɔjə dɔ deē ń i yān ō, kə́ táĺ ō, kə́ ni ndigən kadə̄ aw̄ rɔ̄n tə́ ō ní. Deē ń Kɔ́ɔ̄ɓē a gə̄rān ní, Kɔ́ɔ̄ɓē a ndigə kadə̄ deē ní aw̄ rɔ̄n tə́.

LEBI GƏ̄ 21:22

Ni a asə kəsa yá̰a̰ yā Nə́ɓā yān gə̄ ń i yá̰á̰ kə́ táĺ ngá̰ý gə̄ ō, i yá̰á̰ kə́ táĺ gə̄ ō ní karī.

LEBI GƏ̄ 7:1

Ndū najə̄ kə́ dɔ dā̰ kə́ tun̄ yā kəgāń kə̄rā yá̰á̰ kə́ gōtə́ aĺ kə́ deē rāā tə́ n toó: I yá̰á̰ kə́ táĺ ngá̰ý.

LEBI GƏ̄ 2:10

Gotə yá̰a̰ ndējə̄ ń nay ní i tām̄ yā Aaro̰ tə́ nin̄ kə ngánən gēé. I yá̰á̰ kə́ táĺ ngá̰ý tɔdɔ̄ i gotə yá̰á̰ kə́ róō horoó kadə̄ Kɔ́ɔ̄ɓē.

LEBI GƏ̄ 2:3

Gotə yá̰a̰ ndējə̄ ń nay ní i tām̄ yā Aaro̰ tə́ nin̄ kə ngánən gēé. I yá̰á̰ kə́ táĺ ngá̰ý tɔdɔ̄ i gotə yá̰á̰ kə́ róō horoó kadə̄ Kɔ́ɔ̄ɓē.

EJEKIEL 40:38

Kem kújə́ kə́rēý i kadə kem kújə́ kə́ ta róbə́ tə́. Deē teē tū tə́ a reē i kem kújə́ kə́ ta róbə́ tə́. Dā̰ gə̄ ń tɔ̄lə̄n̄də́ yā róōdə́ kə taá malang ní, a tə́gon̄də́ i kem kújə ngeé ń noō tə́.

EJEKIEL 41:12

Ré deē ra kújə yā Kɔ́ɔ̄ɓē tə́ anī, kújə́ kógə̄ḿ ra kə̄ dām̄ kə́ no ɓē tə́. Kújə́ ní ran̄ sɔɔ̄n̄ ta naā kə ndágə loo kə́ karīí. Ngālən i kíl deē kutə sīrí ō, laan i kíl deē kutə ndōhó ō. Ndogə̄ mbal̄ yān gə̄ ní nder̄də́ i kíl deē mí.

EJEKIEL 42:1

Gō tə́ anī deē ní teē aw̄ seḿ ndágə loo kə́ gīr̄ gidə kújə yā Kɔ́ɔ̄ɓē kə́ ndágá tə́, dām̄ mbɔ́r ɓē kə́ ko̰ó̰ tə́. Ni-aw̄ seḿ gidə kújə yā Kɔ́ɔ̄ɓē tə́ kum kə̄ loo ń kem kújə gə̄ i tū tə́ ní tə́. Kem kújə gə̄ ní ra sɔɔ̄n̄ ta naā kə ndágə loo kə́ karīí ō, kə kújə́ kə́ gidə kújə yā Kɔ́ɔ̄ɓē tə́ ō.

LEBI GƏ̄ 6:19

Nge tun̄ yá̰á̰ ń a rāā kəla tun̄ yá̰á̰ ń noō ní a əsa dā̰ ní i kem loo kógə̄ḿ kə́ táĺ tə́, adə̄ i kem ndogə̄ kūbə̄ ń əgan̄ dɔ kújə kənge naā tə́ ní.