EJEKIEL 41:7 - Bibəl ta Sar̄

⁷ Kújə gə̄ ń ra gīrə̄n̄ gidə kújə yā Kɔ́ɔ̄ɓē ní, kem ngé kə́ dɔɔ́ gə̄ bo tɔȳ kem ngé kə́ gíŕdə́ gə̄ tə́. Tām̄ kemdə́ gə̄ ní udən̄ tū ndogə̄ mbal̄ tə́. I tām̄ najə̄ ń noō tə́ n kem kújə́ kə́ dɔɔ́ i ngá̰ý tɔȳ kem kújə́ kə́ gírí ní. Ré deē ra kem kújə́ kə́ gírí nang tə́ kə́ ta kəga dɔ tə́ anī, kɔ́ɔ̄ asə kaw̄ kemən kə́ dɔɔ́ kə́ nge ko̰ jōó tə́ ō, kemən kə́ dɔɔ́ kə́ nge ko̰ mətá tə́ ō.

Bible sar

⁷ Kújə gə̄ ń ra gīrə̄n̄ gidə kújə yā Kɔ́ɔ̄ɓē ní, kem ngé kə́ dɔɔ́ gə̄ bo tɔȳ kem ngé kə́ gíŕdə́ gə̄ tə́. Tām̄ kemdə́ gə̄ ní udən̄ tū ndogə̄ mbal̄ tə́. I tām̄ najə̄ ń noō tə́ n kem kújə́ kə́ dɔɔ́ i ngá̰ý tɔȳ kem kújə́ kə́ gírí ní. Ré deē ra kem kújə́ kə́ gírí nang tə́ kə́ ta kəga dɔ tə́ anī, kɔ́ɔ̄ asə kaw̄ kemən kə́ dɔɔ́ kə́ nge ko̰ jōó tə́ ō, kemən kə́ dɔɔ́ kə́ nge ko̰ mətá tə́ ō.

EJEKIEL 41:7 Referans Kwoze

1 MBAN̄G GƏ̄ 6:8

Kújə gə̄ ń rāān̄də́ dɔ naā tə́ mətá mətá adə̄ ndə̄nān̄ kadə kújə yā Kɔ́ɔ̄ɓē ní, a udən̄ kemən kə́ gírí nang tə́ tə́ i kə ta róbə́ kə́ dām̄ mbɔ́r ɓē kə́ geleé tə́. Ran̄ kemən kə́ gírí nang tə́ tə́ noō rāān̄ loo kə́ yā njə̄rā dɔ tə́ kal̄ kaw̄ń kemən kə́ dɔɔ́ kə́ nge ko̰ jōó tə́ ō, kə́ nge ko̰ mətá tə́ ō. Ba deē a rə̄ngō i rɔ̄n n a alə̄ń ta kaw̄ dɔɔ́ ní.

HEBƏRO 6:1

I beé ní, ādə̄ j-əya̰ī yá̰á̰ ndóō kə́ ta kəla gíŕ tə́ gə̄ kə́ dɔ Kərist tə́, ba jə-mānī kə̄ tū yá̰á̰ ndóō yā de kə́ tɔ́gə gə̄ tə́. Jə-lōōī tél reē gogə́ dɔ yá̰a̰ gə̄ ń rāān̄ rɔ̄də́ i gír gisə yá̰á̰ ndóō ngeé ń toō tə́ ní. Yá̰a̰ gə̄ ní i: Tūr̄ gidə kɔ̄ɔ́ ta kəla kə́ ndāńg karī gə̄ tə́ ō, kə́ dɔ taā kem Nə́ɓā tə́ ō,

MATIYE 13:32

Kum mutardə ní kídə̄ ngá̰ý tɔȳ kum kōō gə̄ malang, ba dan ń əɓa á tɔgə ní a, bo tɔȳ gotə tá̰á̰ kə́ rang gə̄. Ni-tél kāgə̄, adə̄ yel̄ kə́ dɔɔ́ gə̄ reē rāān̄ ɓēdə́ ta jīn gə̄ tə́.

1 MBAN̄G GƏ̄ 6:5

Tə́ndān̄ kújə gə̄ dɔ naā tə́ mətá mətá kə gō gidə ndogə̄ mbalá, ba adə̄ ndə̄nān̄ bɔr kújə́ ń kemən i kə́ bo ní ō, bɔr kújə́ ń kemən i kə́ yā ɓōĺ gidə ní ō.