EJEKIEL 41:4 - Bibəl ta Sar̄

⁴ Gō tə́ anī ni mbɔ̄jə́ kem kújə nəkɔ́ ō. Laan gē ngālən gē asən̄ naā, adə̄ i kíl deē kutə jōó mbak. Ni ədam̄ na: Loo ń toō i loo kə́ táĺ ngá̰ý.

Bible sar

⁴ Gō tə́ anī ni mbɔ̄jə́ kem kújə nəkɔ́ ō. Laan gē ngālən gē asən̄ naā, adə̄ i kíl deē kutə jōó mbak. Ni ədam̄ na: Loo ń toō i *loo kə́ táĺ ngá̰ý.

EJEKIEL 41:4 Referans Kwoze

1 MBAN̄G GƏ̄ 6:20

Ngāl loo ní i métər kutə kógə̄ḿ ō, laan i métər kutə kógə̄ḿ ō, ngālən kə́ kə̄ dɔɔ́ i métər kutə kógə̄ḿ ō. Rāān̄ kem kə lɔ́ŕ kə́ unjə̄ njáý njáý. Gotə kem kújə yā Kɔ́ɔ̄ɓē malang ní, rāān̄ i kə lɔ́ŕ kə́ unjə̄ njáý njáý ō. Dēsə́n̄ lɔ́ŕ kə́ kənda kəla tə́ ta róbə kə́ yā kudəń kə̄ gə́lé kújə́ tə́ ní ō, əndān̄ yá̰á̰ róō ndujə̄ yá̰á̰ kə́ kotə majə kə́ rāā kə kāgə̄ sédəreé ta róbə́ kújə́ ní tə́ ō, ba rāān̄ lɔ́r gidə yá̰á̰ róō ndujə̄ yá̰á̰ kə́ kotə majə ní tə́.

2 YÁ̰A̰ GƏ̄ 3:8

Rāān̄ kújə́ ń a ɓārə́n̄ na i loo kə́ táĺ ngá̰ý ní ō, ngālən asə kíl deē kutə jōó tītə̄ yā laa kújə yā Nə́ɓā ō, laan asə kíl deē kutə jōó ō. Lɔ́ŕ kə́ hɔɔ́lɔ̄ péĺ péĺ ń rāān̄ kemeé malang ní, kɔȳn asə kəlōo dūbú kutə jōó.

JEJU TEĒ KUM JA̰A̰ 21:16

Ɓē ní i ɓē kə́ kílən i sɔ́. Ngālə̄n ō laan ō asən̄ naā. De kə́ dɔ rā̰ tə́ mbɔ̄jə́ ngāl̄ ɓē ní kə tə̄ɓā ní anī, ngālə̄n i kəlā kūbə̄ mehḛ́. Ngālən ō, laan ō, ngālə̄n kə́ kə̄ dɔɔ́ ō, asən̄ naā.

1 MBAN̄G GƏ̄ 6:16

Tə́ndān̄ kāgə̄ sédər gə̄ kadə bɔr tə́ gə́lé kújə́ tə́, nang tə́ bátə́ dɔɔ́. Rāān̄ gə́lé kújə́ ní i loo kəndā sandúkə madə̄ naā yā Kɔ́ɔ̄ɓē tə́, ngālən kə́ kə̄ dɔɔ́ i métər kutə kógə̄ḿ. Əndan̄ rīn na i loo kə́ táĺ ngá̰ý.

1 MBAN̄G GƏ̄ 6:5

Tə́ndān̄ kújə gə̄ dɔ naā tə́ mətá mətá kə gō gidə ndogə̄ mbalá, ba adə̄ ndə̄nān̄ bɔr kújə́ ń kemən i kə́ bo ní ō, bɔr kújə́ ń kemən i kə́ yā ɓōĺ gidə ní ō.

1 MBAN̄G GƏ̄ 7:50

Rāā kɔ̄ý gə̄ ō, kəyā gə̄ ō, səmbē gə̄ kə́ yā tə́teń yá̰a̰ ō, kópə gə̄ ō, ganán gə̄ ō, i kə́ lɔ́ŕ kə́ unjə̄ njáý njáý. Kem kújə́ ń a ɓārə́n̄ na i loo kə́ táĺ ngá̰ý ní ō, kem kújə́ kə́ bo ō ní, rāā yá̰á̰ súū gə̄ kə lɔ́rɔ́ tə́ndā ta tə́.

1 MBAN̄G GƏ̄ 8:6

Ngé tun̄ yá̰a̰ gə̄ aw̄n̄ kə sandúkə madə̄ naā yā Kɔ́ɔ̄ɓēé əndān̄ loo ndin tə́ kem kújə́ ń a ɓārə́n̄ na i loo kə́ yā ɓōĺ gidə ní tə́, gír bɔ̄gə̄ de kə́ dɔ rā̰ tə́ kə́ ngɔ̄m̄ loo gə̄ tə́.

2 YÁ̰A̰ GƏ̄ 5:7

Ngé tun̄ yá̰a̰ gə̄ aw̄n̄ kə sandúkə madə̄ naā yā Kɔ́ɔ̄ɓēé əndān̄ loo ń rāān̄ yā kəndān tū tə́ tə́ ní, kem kújə ń a ɓārə́n̄ na i loo kə́ táĺ ngá̰ý tə́ ní, gír bɔ̄gə̄ de kə́ dɔ rā̰ tə́ kə́ ngé ngɔ̄m̄ loo gə̄ tə́.

EJEKIEL 41:23

Kújə yā Kɔ́ɔ̄ɓē ō, loo kə́ táĺ ō ní, ta róbə yādə́ i jōó. Ta róbə́ kə́ kógə̄ḿ i yā kaw̄ń kə̄ kem kújə́ kə́ bo tə́ ō, kə́rēý i yā kaw̄ń kə̄ loo kə́ táĺ tə́ ō.