EJEKIEL 41:2 - Bibəl ta Sar̄

² Ta róbə́ ní laan i kíl deē kutə ō, ndogə̄ mbal̄ gə̄ kə́ kadən gə̄ tə́ ní, nder̄də́ i kíl deē mí ō. Kem kújə́ kə́ bo ní, ngālən i kíl deē kutə sɔ́ ō, laan i kíl deē kutə jōó ō.

Bible sar

² Ta róbə́ ní laan i kíl deē kutə ō, ndogə̄ mbal̄ gə̄ kə́ kadən gə̄ tə́ ní, nder̄də́ i kíl deē mí ō. Kem kújə́ kə́ bo ní, ngālən i kíl deē kutə sɔ́ ō, laan i kíl deē kutə jōó ō.

EJEKIEL 41:2 Referans Kwoze

2 YÁ̰A̰ GƏ̄ 3:3

Ngə̄ra kújə́ ń Salomo̰ əndā yā rāań kújə yā Nə́ɓā ní n toó: Ngālən i kíl deē kutə mehḛ́ ō, laan i kíl deē kutə jōó ō.

1 MBAN̄G GƏ̄ 6:17

Kem kújə́ kə́ bo ń ḭ̄ deē ā ə́ngé kété no nge kə́ yā ɓōĺ gidə tə́ ní, ngālən i métər kutə jōó.

1 MBAN̄G GƏ̄ 6:2

Kújə́ ń Salomo̰ rāā tām̄ yā Kɔ́ɔ̄ɓē tə́ ní, ngālən i métər kutə mətá ō, laan i métər kutə kógə̄ḿ ō, ngālən kə́ kə̄ dɔɔ́ i métər kutə gidə i mí ō.

JA̰A̰ 10:9

Mā i ta gɔng. Ré deē udə kem gɔngɔɔ́ kə ta kūlə̄ḿ anī, a ajə. Ni a udə ō, a teē ō, a ənge yá̰a̰ kəsa ō.

JA̰A̰ 10:7

Jeju ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, mā i ta gɔng batə̄ gə̄.

2 YÁ̰A̰ GƏ̄ 29:7

Ngōn̄ kújə́ kə́ ta róbə́ tə́ ní gə̄gē a utə̄n̄ ta kɔ̄ɔ́ ō, tɔ̄lə̄n̄ hor gə̄ kɔ̄ɔ́ ō, róōn̄ ndujə̄ yá̰á̰ kə́ kotə majə ō, yá̰á̰ kə́ yā tun̄ kə taá ō, kem loo kə́ táĺ tə́ adə̄n̄ Nə́ɓā yā Israel to̰ aĺ ō.

2 YÁ̰A̰ GƏ̄ 3:7

Rāān̄ kem kújə́ ní i kə lɔ́rɔ́ malang: Rāān̄ tū kāgə̄ nga danən gə̄ tə́ ō, tū kāgə̄ ta róbə gə̄ tə́ ō, kadə ndogə̄ mbal̄ gə̄ tə́ ō, tū ta róbə gə̄ kə́ yā kudəń kə̄ kem kújú gə̄ tə́ ō, rāān̄ de kə́ dɔ rā̰ tə́ gə̄ kadə bɔr gə̄ tə́ ō.

Teē Ngán Israel gə̄ 36:37

Gō tə́ anī əjōn̄ kūbə̄ kə́ rang tām̄ yā ta róbə́ kújə tandā ní tə́ kə kəlā bḭḭ̄ batə̄ kə́ ndul gusə gusə ō, kə́ kərē bḭḭ ō, kə́ kərē pírírí ō, kə kəlā lḛ́ḛ́ kə́ ngan̄g gēé danaá.

Teē Ngán Israel gə̄ 26:36

Gō tə́ anī a əjōn̄ kūbə̄ kə́ rang tām̄ yā ta róbə́ kújə tandā tə́ kə kəlā bḭḭ̄ batə̄ kə́ ndul gusə gusuú ō, kə́ kərē bḭḭ́ ō, kə́ kərē pírírí ō, kə kəlā lḛ́ḛ́ kə́ ngan̄g gēé danaá ō.

EJEKIEL 47:1

Ni-tél reē seḿ kum kə̄ ta róbə́ kə́ yā kudəń kem kújə yā Kɔ́ɔ̄ɓē tə́. Anī m-á̰a̰ man̄ a əɓa nang tə́ ta kújə yā Kɔ́ɔ̄ɓē tə́ dām̄ kə́ gír ɓē tə́, tɔdɔ̄ ta kújə yā Kɔ́ɔ̄ɓē ní ra i dām̄ kə́ gír ɓē tə́. Man̄ ní əɓa nang tə́ dām̄ kújə yā Kɔ́ɔ̄ɓē kə́ dām̄ mbɔ́r ɓē kə́ ko̰ó̰ tə́ ba mān̄ aw̄ dām̄ loo tun̄ yá̰á̰ kə́ dām̄ mbɔ́r ɓē kə́ geleé tə́.