EJEKIEL 41:16 - Bibəl ta Sar̄

¹⁶ Kāgə̄ ta ko̰rō̰ kújə gə̄ ō, róbə́ kə́ yā mānəń gə̄ ō ń ton̄ kə gō gidə looó kem kújə́ kə́ mətá gə̄ ń ndin̄ dɔ naā tə́ ta kaw̄ dɔɔ́ tə́ ní, utə̄n̄ gidədə́ kə kāgāá ō. Loo i kāgə̄ malang, əla gír nang tə́ bátə́ ugə̄ń tū ko̰rō̰ kújə gə̄ tə́. Ko̰rō̰ kújə gə̄gē utə̄n̄ gidə kɔ̄ɔ́ kə kāgə̄ kə́ laa mbé mbé.

Bible sar

¹⁶ Kāgə̄ ta ko̰rō̰ kújə gə̄ ō, róbə́ kə́ yā mānəń gə̄ ō ń ton̄ kə gō gidə looó kem kújə́ kə́ mətá gə̄ ń ndin̄ dɔ naā tə́ ta kaw̄ dɔɔ́ tə́ ní, utə̄n̄ gidədə́ kə kāgāá ō. Loo i kāgə̄ malang, əla gír nang tə́ bátə́ ugə̄ń tū ko̰rō̰ kújə gə̄ tə́. Ko̰rō̰ kújə gə̄gē utə̄n̄ gidə kɔ̄ɔ́ kə kāgə̄ kə́ laa mbé mbé.

EJEKIEL 41:16 Referans Kwoze

1 MBAN̄G GƏ̄ 6:4

Mbútə̄n̄ ko̰rō̰ kújə gə̄ tū bɔr tə́ ba utə̄n̄ kum kə yengəreé.

EJEKIEL 40:25

Ta kújə ō, kem ngōn̄ kújə́ kə́ ta róbə́ tə́ ō kə́ dām̄ loo ngeé ń noō tə́ ní, ko̰rō̰ kújə gə̄ gīrə̄n̄ gidə ō. Nin̄ ton̄ tītə̄ ngé kə́ dām̄ kə́ gír ɓē tə́ ō, ngé kə́ dām̄ kə́ mbɔ́r ɓē kə́ ko̰ó̰ tə́ ō. Ta róbə́ kə́ dām̄ mbɔ́r ɓē kə́ geleé tə́ ní, ngālən malang i kíl deē kutə mí ō, laan i kíl deē kutə jōó gidə i mí ō.

EJEKIEL 40:16

Ko̰rō̰ kújə kə́ tə́la yḛngəre kum tə́ gə̄ gīrə̄n̄ gidə kújə gə̄ ō, ton̄ tū ndágə mbal̄ gə̄ yā kem ngōn̄ kújə́ kə́ ta róbə́ tə́ ō, tū ndogə̄ mbal̄ gə̄ ń kēgə̄n̄ kújə gə̄ naā tə́ ní ō, tū ndogə̄ mbal̄ gə̄ kə́ kem kújú tə́ ō, ba súūn̄ ndogə̄ mbal̄ gə̄ ní i kə tajī kāgə̄ túmbur gēé.

1 MBAN̄G GƏ̄ 6:15

rāān̄ kem kə kāgə̄ sédər gēé, əlan̄ gír nang tə́ bátə́ dɔɔ́. Gō tə́ anī ɔsə̄n̄ kāgə̄ sipəres nang tə́ kem kújú.

1 KORḚNTƏ 13:12

Kə́ ngɔr ń toō tə́ ɓáa yá̰á̰ ń j-a̰a̰ī ní to i tītə̄ ndíĺ yá̰á̰ kə́ tū kútə́ram tə́ beē, adə̄ j-a̰a̰ī unjə̄ ngá̰ý alé. Banī ndɔ̄ń tə́ anī j-a jə-raī ta naā tə́ yā ka̰a̰ kə kumjí. Kə́ ngɔr ń toō tə́ mā m̄-ger̄ yá̰a̰ malang alé, banī ndɔ̄ń tə́ anī m-ā m̄-ger̄ yá̰a̰ malang tītə̄ ń Nə́ɓā ger̄məń ní.

Makətūbə̄ yā Aje 1:4

Ní, dan ń kújə́ kə́ bo yāḿ i kɔkərɔ gə̄ kə́ kán̄ dɔ naā tə́ bing ní, i kum mbang kə́ yā ndiń kem kújə yāsí kə́ rāā kadə̄ majə gə̄ tə́ a?

EJEKIEL 42:3

Dan kə́rēý tə́ anī kújə́ ní ra sɔɔ̄ i ta ndágə loo kə́ gīr̄ gidə kújə yā Kɔ́ɔ̄ɓē á laan i kíl deē kutə jōó ō. Dām̄ kə́ rang tə́ ɓáa deē teē kemeé anī a ənge i mbal̄ kə́ kɔsə̄ ta naā tə́ kə́ gidə tə́ ndágá ō. Róbə́ kə́ yā mānəń gə̄ ton̄ kem kújə́ ní tə́. To kemən kə́ gírí nang tə́ tə́ ō, kemən kə́ ko̰ jōó kə́ ta kaw̄ dɔɔ́ tə́ ō, kemən kə́ ko̰ mətá kə́ dɔɔ́ tə́ ō.

IJAI 6:4

Ndūdə́ rāā bápə gə̄ adə̄ ndewn̄ dɔ gində̄də́ ń a rə̄ngōn̄ gidə tə́ ní tə́ ō, sa taā loo kem kújə yā Kɔ́ɔ̄ɓē tə́ ō.

2 YÁ̰A̰ GƏ̄ 3:5

Rāān̄ kem kújə́ kə́ bo kə kāgə̄ sipəres ba tə́ya̰n̄ gidə kāgə̄ gə̄ ní kə lɔ́ŕ kə́ hɔɔ́lɔ̄ péĺ péĺ ō, rāān̄ ta jī kāgə̄ túmbur gə̄ ō, hútə̄ mu lis gə̄ ō, gidə lɔ́ŕ ní tə́.

EJEKIEL 10:18

Kɔsə gɔn yā Kɔ́ɔ̄ɓē ndɔ́tə̄ kɔ̄ɔ́ ta kújə yā Kɔ́ɔ̄ɓē tə́ ba aw̄ ra dɔ Serubḛ gə̄ tə́.

EJEKIEL 40:6

Ni-aw̄ ta róbə́ ń deē ra kújə yā Kɔ́ɔ̄ɓē tə́ anī i kə̄ dām̄ kə́ gír ɓē tə́ ní. Ni al̄ dɔ loo kəndā nja kə́ yā kalə̄ń kə̄ dɔɔ́ tə́. Gō tə́ anī ni mbɔ̄jə́ ngāl̄ loo ní, malang ɓáa i kíl deē mehḛ́.

EJEKIEL 41:15

Kújə́ ń ra gidə kújə yā Kɔ́ɔ̄ɓē tə́ ní, deē ní mbɔ̄jə́ ngālən ō. Naā tə́ kə róbə gə̄ kə́ yā mānəń gə̄ ń kógə̄ḿ i dām̄ kə́rēý tə́ ō, kə́rēý i dām̄ kə́rēý tə́ ō ní ɓáa, ngālən i kíl deē ɓú. Ngōn̄ kújə́ kə́ ta róbə́ tə́ ō, kem kújə́ kə́ bo ō, kem kújə́ kə́ geleé ō ní, utə̄n̄ gidədə́ i kə kāgāá.

EJEKIEL 41:17

Súūn̄ kāgə̄ bɔr gə̄ kə́ tū kújə yā Kɔ́ɔ̄ɓē tə́ malang, gidə tə́ ndágá ō, kemeé ō. Əlan̄ gír i ta kújə́ kə́ yā kudəń kə̄ kemeé tə́, bátə́ kem kújə́ kə́ gə́lé tə́ tə́.