EJEKIEL 40:5 - Bibəl ta Sar̄

⁵ Yá̰á̰ ń m-á̰a̰ā̰ ní n toó: Ndogə̄ mbal̄ kə́ gidə tə́ ndágá gīr̄ gidə kújə yā Kɔ́ɔ̄ɓē. Deē ní əhɔ tə̄ɓā yān jīn tə́. Tə̄ɓā ní ngālən asə kíl deē mehḛ́. Ni mbɔ̄jə́ laa ndogə̄ mbal̄ ní ō, ngālən kə́ kə̄ dɔɔ́ i kíl deē mehḛ́ ō.

Bible sar

⁵ Yá̰á̰ ń m-á̰a̰ā̰ ní n toó: Ndogə̄ mbal̄ kə́ gidə tə́ ndágá gīr̄ gidə *kújə yā Kɔ́ɔ̄ɓē. Deē ní əhɔ tə̄ɓā yān jīn tə́. Tə̄ɓā ní ngālən asə kíl deē mehḛ́. Ni mbɔ̄jə́ laa ndogə̄ mbal̄ ní ō, ngālən kə́ kə̄ dɔɔ́ i kíl deē mehḛ́ ō.

EJEKIEL 40:5 Referans Kwoze

EJEKIEL 42:20

Ni mbɔ̄jə́ ndogə̄ mbal̄ ń gīr̄ gidə kújə́ yā Kɔ́ɔ̄ɓē ní, dāmə̄n kə́ sɔ́ gə̄ tə́ i tītə̄ ń noō. Ndogə̄ mbal̄ ní ngālən ō laan ō asən̄ naā. Dāmə̄n kógə̄ḿ i kíl deē ɓú mí. Ndogə̄ mbal̄ ní i yā kɔrə̄ń kam̄ loo kə́ to ɓōĺ gidə naā tə́ kə loo kə́ karīí.

IJAI 26:1

Ndɔ̄ ngeé ń noō tə́ ní, de kə́ Juda a ənīn̄ pā: J-awī kə ɓē kə́ de gə̄ rɔ̄ɔ̄n̄ dɔ tə́ majə. Kɔ́ɔ̄ɓē ənī ndogə̄ mbal̄ gə̄ jōó dɔ tə́ adə̄ gīr̄ gidə əla ta naā tə́, yā ngɔ̄məńjí.

JEJU TEĒ KUM JA̰A̰ 21:12

Ndogə̄ mbal̄ kə́ nder̄ ba ngāl̄ ngá̰ý kum kə̄ dɔɔ́ gīr̄ gidə ɓē ní ō, ta róbə gə̄ kə́ yā kudəń kə̄ kem ɓē ní tə́ i kutə gidə i jōó gə̄ ō, de kə́ dɔ rā̰ tə́ gə̄ kutə gidə i jōó ran̄ ta róbə gə̄ ní tə́ ō. Ndangən̄ rī gír ɓē kə́ kutə gidə i jōó gə̄ yā ngán Israel gə̄ tū ta róbə gə̄ ní tə́ ō.

JAKARI 2:5

Mā Jakari m-ún kumḿ kə̄ dɔɔ́ anī, yá̰á̰ ń m-á̰ā̰ ní n toó, m-á̰a̰ i deē kógə̄ḿ kə́ əhɔ kəlā kə́ yā mbɔ̄jə́nń loo jīn tə́.

IJAI 60:18

Deē a oō najə̄ yā yá̰a̰ rāā kə́ kə dɔ́nɔ́ kem ɓē yāí tə́ to̰ aĺ ō, najə̄ yā loo kə́ nujə aláa najə̄ yā gájə bɔr kə́ tétə̄ gə̄ gō nang yāí tə́ to̰ aĺ ō. A əndān̄ rī ndogə̄ mbal̄ yāí gə̄ na i kajə. A əndān̄ rī ta róbə yāí gə̄ na i tɔ̄ȳ.

PĀ GƏ̄ 125:2

Mbal̄ bo gə̄ gīrə̄n̄ gidə ɓē kə́ Jerusalem. Kɔ́ɔ̄ɓē gīr̄ gidə deē yān gə̄ i tītə̄ ń noō ō, i ngɔr ń toō tə́ ō, bátə́ kə̄ no tə́ ō.

NDŪ NAJƏ̄ 3:11

I Og ń i mban̄g kə́ Basan ní ngóy n teē ta yo tə́ dan Repay gə̄ tə́ ní. Ré deē aw̄ Raba ń i ɓē bo yā Amon gə̄ ní tə́ anī a a̰a̰ tə̄rá ton ɓáý. I tə̄rá gində̄. Ngālən asə kíl deē nja ndōhó ō, laan asə kíl deē nja sɔ́ ō.

EJEKIEL 41:8

Loo kə́ gīr̄ gidə Kújə yā Kɔ́ɔ̄ɓē ní, ngālən kum kə̄ dɔɔ́ i kíl deē mehḛ́.

EJEKIEL 43:13

Mbɔ̄jə́n̄ loo tun̄ yá̰a̰. Yá̰á̰ mbɔ̄jə́nəń ní, ngālən i kíl deē kógə̄ḿ kə núsə. Bəlo kógə̄ḿ kə́ rúun i kíl deē kógə̄ḿ ō, laan i kíl deē kógə̄ḿ ō, gīr̄ gidə loo tun̄ yá̰á̰ ní. Dām̄ kə́ gidə tə́ ndágá ɓáa ta bəlo ní ḭḭ kə̄ dɔɔ́ asə núsə́ kíl deē kógə̄ḿ. Loo tun̄ yá̰á̰ ní ngālən kə́ kə̄ dɔɔ́ n toó:

EJEKIEL 42:15

Dan ń deē ní mbɔ̄jə́ kújə gə̄ kə́ kem kújə́ yā Kɔ́ɔ̄ɓē tə́ oy anī, teē seḿ ndágá kə̄ ta róbə́ kə́ dām̄ kə́ gír ɓē tə́. Gō tə́ anī ni udə kə̄ rɔ̄ mbɔ̄jə́ ndágə loo ń to gīr̄ gidə kújə́ yā Kɔ́ɔ̄ɓē ní tə́.