EJEKIEL 40:16 - Bibəl ta Sar̄

¹⁶ Ko̰rō̰ kújə kə́ tə́la yḛngəre kum tə́ gə̄ gīrə̄n̄ gidə kújə gə̄ ō, ton̄ tū ndágə mbal̄ gə̄ yā kem ngōn̄ kújə́ kə́ ta róbə́ tə́ ō, tū ndogə̄ mbal̄ gə̄ ń kēgə̄n̄ kújə gə̄ naā tə́ ní ō, tū ndogə̄ mbal̄ gə̄ kə́ kem kújú tə́ ō, ba súūn̄ ndogə̄ mbal̄ gə̄ ní i kə tajī kāgə̄ túmbur gēé.

Bible sar

¹⁶ Ko̰rō̰ kújə kə́ tə́la yḛngəre kum tə́ gə̄ gīrə̄n̄ gidə kújə gə̄ ō, ton̄ tū ndágə mbal̄ gə̄ yā kem ngōn̄ kújə́ kə́ ta róbə́ tə́ ō, tū ndogə̄ mbal̄ gə̄ ń kēgə̄n̄ kújə gə̄ naā tə́ ní ō, tū ndogə̄ mbal̄ gə̄ kə́ kem kújú tə́ ō, ba súūn̄ ndogə̄ mbal̄ gə̄ ní i kə tajī kāgə̄ túmbur gēé.

EJEKIEL 40:16 Referans Kwoze

EJEKIEL 41:26

Ko̰rō̰ kújə gə̄ kə́ tə́lan̄ yḛngəre tū tə́ gə̄ ō, yá̰á̰ súū yá̰a̰ gə̄ kə́ ɔsən̄ i kum gotə ta jī kāgə̄ túmbur gə̄ ō, ton̄ dɔ ndogə̄ mbal̄ gə̄ kə́ ta róbə́ kə́ yā kudəń kə̄ kemeé tə́ tə́.

2 YÁ̰A̰ GƏ̄ 3:5

Rāān̄ kem kújə́ kə́ bo kə kāgə̄ sipəres ba tə́ya̰n̄ gidə kāgə̄ gə̄ ní kə lɔ́ŕ kə́ hɔɔ́lɔ̄ péĺ péĺ ō, rāān̄ ta jī kāgə̄ túmbur gə̄ ō, hútə̄ mu lis gə̄ ō, gidə lɔ́ŕ ní tə́.

1 MBAN̄G GƏ̄ 6:4

Mbútə̄n̄ ko̰rō̰ kújə gə̄ tū bɔr tə́ ba utə̄n̄ kum kə yengəreé.

1 MBAN̄G GƏ̄ 6:35

Tɔ́sə̄n̄ ndíl de kə́ dɔ rā̰ tə́ kə́ ngé ngɔ̄m̄ loo gə̄ tū tə́ ō, ndíl ta jī kāgə̄ túmbur gə̄ ō, ndíĺ hútə̄ kāgə̄ gə̄ kə́ tadə́ ndɔ̄bə̄ gə̄ ō, ba rāān̄ lɔ́r gidə tə́.

1 MBAN̄G GƏ̄ 6:32

Tɔ́sə̄n̄ ndíĺ yá̰a̰ gə̄ tū bápə́ kə́ jōó gə̄ ní tə́. Adə̄ i ndíĺ de kə́ dɔ rā̰ tə́ kə́ ngé ngɔ̄m̄ loo gə̄ ō, ta jī kāgə̄ túmbur gə̄ ō, hútə̄ kāgə̄ kə́ tadə́ ndɔ̄bə̄ gə̄ ō, ba rāān̄ lɔ́r gidə tə́. Əndan̄ lɔ́r gidə ndíĺ de kə́ dɔ rā̰ tə́ kə́ ngé ngɔ̄m̄ loo gə̄ ní tə́ ō, gidə ndíĺ ta jī kāgə̄ túmbur gə̄ ní tə́ ō.

1 MBAN̄G GƏ̄ 6:29

Ndogə̄ mbal̄ kújə yā Kɔ́ɔ̄ɓē ń əndān̄ ní, tɔ́sə̄n̄ ndíĺ yá̰a̰ gə̄ tū tə́ gidə tə́ gē, kemeé gē malang. Ndíĺ yá̰a̰ gə̄ ní i de kə́ dɔ rā̰ tə́ kə́ ngé ngɔ̄m̄ loo gə̄ ō, i ta jī kāgə̄ túmbur gə̄ ō, hútə̄ kāgə̄ gə̄ kə́ tadə́ ndɔ̄bə̄ gə̄ ō.

JEJU TEĒ KUM JA̰A̰ 7:9

Gō yá̰á̰ ń noō tə́ anī, m-á̰á̰ kósə de kə́ ngá̰ý gə̄, kə́ deē asə tə́dádə́ alé. Nin̄-ḭḭn̄ i kə̄ dan nápar de gə̄ tə́ malang ō, dan gír ɓē gə̄ tə́ malang ō, dan gír de gə̄ tə́ malang ō. Nin̄-ndan̄ kə njadə́ dɔɔ́ ta kōr̄ kāgə̄ mbang tə́ ō, kə̄ no Ngōn̄ batə̄ tə́ ō. O̰ō̰n̄ kūbə̄ ngāl̄ kə́ ndaa gə̄ ō, əhɔn̄ ta jī kāgə̄ túmbur gə̄ jīdə́ tə́ ō.

1 KORḚNTƏ 13:12

Kə́ ngɔr ń toō tə́ ɓáa yá̰á̰ ń j-a̰a̰ī ní to i tītə̄ ndíĺ yá̰á̰ kə́ tū kútə́ram tə́ beē, adə̄ j-a̰a̰ī unjə̄ ngá̰ý alé. Banī ndɔ̄ń tə́ anī j-a jə-raī ta naā tə́ yā ka̰a̰ kə kumjí. Kə́ ngɔr ń toō tə́ mā m̄-ger̄ yá̰a̰ malang alé, banī ndɔ̄ń tə́ anī m-ā m̄-ger̄ yá̰a̰ malang tītə̄ ń Nə́ɓā ger̄məń ní.

JA̰A̰ 5:2

Kem ɓē kə́ Jerusalem tə́ ní, gár̄ man̄ kógə̄ḿ i noó, i ngɔr kə̄ ta róbə́ kə́ yā kudəń kə batə̄ gēé tə́. Dabə kə́ rāā kə mbalá gə̄ i mí ta tə́. A ɓārə́n̄ gár̄ man̄ ní kə ta Hebəro na i Betjata.

EJEKIEL 42:3

Dan kə́rēý tə́ anī kújə́ ní ra sɔɔ̄ i ta ndágə loo kə́ gīr̄ gidə kújə yā Kɔ́ɔ̄ɓē á laan i kíl deē kutə jōó ō. Dām̄ kə́ rang tə́ ɓáa deē teē kemeé anī a ənge i mbal̄ kə́ kɔsə̄ ta naā tə́ kə́ gidə tə́ ndágá ō. Róbə́ kə́ yā mānəń gə̄ ton̄ kem kújə́ ní tə́. To kemən kə́ gírí nang tə́ tə́ ō, kemən kə́ ko̰ jōó kə́ ta kaw̄ dɔɔ́ tə́ ō, kemən kə́ ko̰ mətá kə́ dɔɔ́ tə́ ō.

EJEKIEL 41:18

De kə́ dɔ rā̰ tə́ gə̄ ń rīdə́ na i Serubḛ gə̄ ní, tɔ́sə̄n̄ yá̰a̰ kum gotədə́ ō, tɔ́sə̄n̄ yá̰a̰ kum gotə ta jī kāgə̄ túmbur gə̄ ō. Ngáńdáńg ní ré Serubḛ gə̄ i jōó anī, ta jī kāgə̄ túmbur i kógə̄ḿ dandə́ tə́. Serubḛ gə̄ kógə̄ḿ kógə̄ḿ ní, ta kumdə́ i jōó jōó.

EJEKIEL 40:30

Ngáń kújə́ kə́ ta róbə́ tə́ gə̄ kə́ ngāl̄də́ i kíl deē kutə jōó gidə i mí ō, laan i kíl deē kutə mí ō gīrə̄n̄ gidə ta róbə́ ní.

EJEKIEL 40:25

Ta kújə ō, kem ngōn̄ kújə́ kə́ ta róbə́ tə́ ō kə́ dām̄ loo ngeé ń noō tə́ ní, ko̰rō̰ kújə gə̄ gīrə̄n̄ gidə ō. Nin̄ ton̄ tītə̄ ngé kə́ dām̄ kə́ gír ɓē tə́ ō, ngé kə́ dām̄ kə́ mbɔ́r ɓē kə́ ko̰ó̰ tə́ ō. Ta róbə́ kə́ dām̄ mbɔ́r ɓē kə́ geleé tə́ ní, ngālən malang i kíl deē kutə mí ō, laan i kíl deē kutə jōó gidə i mí ō.

EJEKIEL 40:12

Kújə gə̄ yā ngé ngɔ̄m̄ loo gə̄ ń ngāl̄də́ gə̄ i kíl deē mehḛ́ mehḛ́ ō, laadə́ gə̄ i kíl deē mehḛ́ mehḛ́ ō ní, dēsə́n̄ yá̰a̰ gə̄ ta tə́ ɔgə̄n̄neé de gə̄ kaw̄ tū tə́. Yá̰a̰ gə̄ ń dēsə́n̄ ta tə́ ní, ngāl̄də́ kə́ kə̄ dɔɔ́ i kíl deē kógə̄ḿ. Ré deē un róbə́ kə́ danaá yā mānəń anī, yá̰á̰ kə́ dēsə́ ta róbə́ kújə́ tə́ gə̄ ní, ran̄ i dɔ jī jōó.

EJEKIEL 40:7

Róbə́ kə́ danaá ń deē udə kə ta róbó anī a mān̄ tū tə́ ní, kújə yā ngé ngɔ̄m̄ loo gə̄ ran̄ kə gō kadə róbə́ ní. Kújə gə̄ ní ngāl̄də́ i kíl deē mehḛ́ ō, laadə́ i kíl deē mehḛ́ ō, kə dɔdə́ gēé kógə̄ḿ kógə̄ḿ. Ndogə̄ mbal̄ gə̄ kə́ dɔ dáńdə́ tə́ gə̄ ní, nder̄də́ i kíl deē mí. Róbə́ kógə̄ḿ kə́ ngālən i kíl deē mehḛ́ to kété no ngōn̄ kújə́ kə́ ta róbə́ tə́ ń ra sɔɔ̄n̄ ta naā kə kújə yā Kɔ́ɔ̄ɓēé ní tə́.

PĀ GƏ̄ 92:12

Ngé gə̄ ń a umə̄mə̄n̄ ní, m-á̰á̰də́ kə kumḿ ō, ngé kem ndul gə̄ ń ənīmə̄n̄ rɔ̄ ní, m-ōō kōōdə́ kə mbīḿ ō.

EJEKIEL 40:15

Róbə́ kə́ yā kudəń kə̄ kemeé ń rāān̄ tū ndogə̄ mbal̄ kə́ gidə tə́ ndágá ní, kḭḭ ta kə́ ndágá tə́ bátə́ ta kə́ kemeé tə́ i ngāl̄ kíl deē kutə mí.

EJEKIEL 40:26

Yā kugə̄ń ta róbə́ kə́ dām̄ mbór ɓē kə́ geleé tə́ ɓáa, deē a al̄ i dɔ loo tə́ndā nja sīrí pá tá a ugə̄ń tū ɓáý. Kem ngōn̄ kújə́ kə́ ta róbə́ tə́ ra sɔɔ̄ ta loo kə́ yā tə́ndā nja tū tə́ kalə̄ń kə̄ dɔɔ́. Súūn̄ kadə bɔr kə́ kemeé i kə ta jī kāgə̄ túmbur gēé. Róbə́ kə́ danaá ń kadə̄ deē mān̄ tū tə́ ní, ta jī kāgə̄ túmbur gə̄ ní ran̄ tū tə́ dɔ jī jōó, dām̄ kə́ ko̰ó̰ tə́ ō, dām̄ kə́ geleé tə́ ō.

EJEKIEL 40:29

Ngáń kújə gə̄ yā ngé ngɔ̄m̄ loo gə̄ ō, kem ngōn̄ kújə́ kə́ ta róbə́ tə́ ō, ndogə̄ mbal̄ gə̄ ń kēgə̄nń ngáń kújə gə̄ ní naā tə́ ní ō ní, asən̄ naā kə ngé kə́ tū ta róbə́ kə́ rang gə̄ tə́. Ko̰rō̰ kújə gə̄ gīrə̄n̄ gidə kem kújə́ ní. Ta róbə́ kə́ dām̄ mbɔ́r ɓē kə́ geleé tə́ ní, ngālən malang i kíl deē kutə mí ō, laan i kíl deē kutə jōó gidə i mí ō.

EJEKIEL 40:31

Ré deē teē kem kújə ngeé ń noō tə́ kə̄ ndágá anī, a ənge i ndágə loo kə́ gīr̄ gidə kújə yā Kɔ́ɔ̄ɓē kə́ gidə tə́ ndágá. Súūn̄ kadə bɔr gə̄ kə́ kemeé i kə ta jī kāgə̄ túmbur gēé. Deē a tə́ndā njan i dɔ loo tə́ndā nja gə̄ tə́ gíŕ sɔ́sɔ́ n a alə̄ń kə̄ dɔɔ́ yā kugə̄ń tū tə́.

EJEKIEL 40:33

Ngáń kújə gə̄ yā ngé ngɔ̄m̄ loo gə̄ ō, kem kújə́ kə́ ta róbə́ tə́ ní ō, ndogə̄ mbal̄ gə̄ ń ɔrə̄n̄nəń kam̄ ngáń kújə gə̄ naā tə́ ní ō, asən̄ naā kə ngé kə́ ta róbə́ kə́ rang gə̄ tə́. Ko̰rō̰ kújə gə̄ gīrə̄n̄ gidə ta róbə́ ní ō, kemən ō. Ta róbə́ ní ngālən malang i kíl deē kutə mí ō, laan i kíl deē kutə jōó gidə i mí ō.

EJEKIEL 40:34

Ré deē teē kem kújə́ kə́ ta róbə́ ní tə́ anī, a ənge i ndágə loo kə́ gīr̄ gidə kújə yā Kɔ́ɔ̄ɓē kə́ gidə tə́ ndágá. Súūn̄ kadə bɔr kə́ kemeé gə̄ i kə ta jī kāgə̄ túmbur gēé. Ré deē un róbə́ kə́ danaá yā mānəń anī, ta jī kāgə̄ túmbur gə̄ ní i dām̄ jī kə́ geleé tə́ ō, ko̰ó̰ tə́ ō yā kugə̄ń tū tə́ ɓáa deē a tə́ndā njan i dɔ loo tə́ndā nja gə̄ tə́ gíŕ sɔ́sɔ́ n a alə̄ń kə̄ dɔɔ́ yā kugə̄ń tū tə́.

EJEKIEL 40:36

Kem kújə gə̄ kə́ tām̄ yā ngé ngɔ̄m̄ loo gə̄ tə́ i tū tə́ ō, ndogə̄ mbal̄ gə̄ kə́ yā kɔrə̄ń kam̄ kem kújə gə̄ i tū tə́ ō, kem kújə i ta róbə́ ní tə́ ō, ko̰rō̰ kújə gə̄ gīrə̄n̄ gidə ō. Ta róbə́ kə́ dām̄ mbɔ́r ɓē kə́ ko̰ó̰ tə́ ní, ngālən malang i kíl deē kutə mí ō, laan i kíl deē kutə jōó gidə i mí ō.

EJEKIEL 40:37

Ré deē teē kem kújə́ kə́ ta róbə́ ní tə́ kə̄ ndágá anī, a ənge i ndágə loo kə́ gīr̄ gidə kújə yā Kɔ́ɔ̄ɓē kə́ gidə tə́ ndágá. Súūn̄ kadə bɔr gə̄ kə́ kemeé i kə ta jī kāgə̄ túmbur gə̄. Ré deē un róbə́ kə́ danaá yā mānəń anī, ta jī kāgə̄ túmbur gə̄ ní ran̄ i dām̄ kə́ geleé tə́ ō, dām̄ kə́ ko̰ó̰ tə́ ō. Yā kugə̄ń ta róbə́ ní tə́ ɓáa loo tə́ndā nja gə̄ gír i sɔ́sɔ́ n deē a tə́ndā njan tū tə́ tá a alə̄ń kə̄ dɔɔ́ yā kugə̄ń ta róbə́ ní tə́ ɓáý.

EJEKIEL 41:3

Gō tə́ anī, deē ní udə aw̄ kem kújə́ kə́ geleé tə́ tə́. Ni mbɔ̄jə́ ta róbə́ kə́ yā kudəń kə̄ kemeé, anī ta róbə́ ní ɗúun i kíl deē jōó ō, laan i kíl deē mehḛ́ ō, ndogə̄ mbal̄ kə́ tū tə́ gə̄ ní, nder̄də́ i kíl deē sīrí ō.

EJEKIEL 41:25

Rāān̄ Serubḛ gə̄ ō, ta jī kāgə̄ túmbur gə̄ ō tū ta róbə gə̄ kə́ yā kudəń kə̄ kem kújə́ kə́ bo tə́ tə́, tītə̄ ń rāānəń kadə ndogə̄ mbal̄ gə̄ tə́ ní. Gidə tə́ ndágá ɓáa əndān̄ kāgə̄ ta róbə́ kújə́ tə́ ta tə́ dɔɔ́.

1 MBAN̄G GƏ̄ 7:4

Mbútə̄n̄ ko̰rō̰ kújə gə̄ kə́ kə kāgə̄ tadə́ gēé kə ta naā gír loo mətá dām̄ kújə́ kə́rēý tə́ ō, dāmə̄n kə́ noō tə́ ō. ko̰rō̰ kújə gə̄ ní ran̄ tadə́ sɔɔ̄ naā.