EJEKIEL 40:10 - Bibəl ta Sar̄

¹⁰ Kújə́ kə́ mehḛ́ gə̄ yā ngé ngɔ̄m̄ ta róbə gə̄ ń deē ra kújə yā Kɔ́ɔ̄ɓē tə́ anī i kə̄ dām̄ kə́ gír ɓē tə́ ní, asən̄ naā malang. Ré deē un róbə́ kə́ danaá anī, kújə gə̄ ní ran̄ i dɔ jī jōó, mətá dām̄ kógə̄ḿ tə́ ō, mətá dām̄ kə́rēý tə́ ō. Ndogə̄ mbal̄ gə̄ ń kēgə̄n̄də́ naā tə́ ní, nder̄də́ asə naā malang.

Bible sar

¹⁰ Kújə́ kə́ mehḛ́ gə̄ yā ngé ngɔ̄m̄ ta róbə gə̄ ń deē ra kújə yā Kɔ́ɔ̄ɓē tə́ anī i kə̄ dām̄ kə́ gír ɓē tə́ ní, asən̄ naā malang. Ré deē un róbə́ kə́ danaá anī, kújə gə̄ ní ran̄ i dɔ jī jōó, mətá dām̄ kógə̄ḿ tə́ ō, mətá dām̄ kə́rēý tə́ ō. Ndogə̄ mbal̄ gə̄ ń kēgə̄n̄də́ naā tə́ ní, nder̄də́ asə naā malang.

EJEKIEL 40:10 Referans Kwoze

EJEKIEL 40:7

Róbə́ kə́ danaá ń deē udə kə ta róbó anī a mān̄ tū tə́ ní, kújə yā ngé ngɔ̄m̄ loo gə̄ ran̄ kə gō kadə róbə́ ní. Kújə gə̄ ní ngāl̄də́ i kíl deē mehḛ́ ō, laadə́ i kíl deē mehḛ́ ō, kə dɔdə́ gēé kógə̄ḿ kógə̄ḿ. Ndogə̄ mbal̄ gə̄ kə́ dɔ dáńdə́ tə́ gə̄ ní, nder̄də́ i kíl deē mí. Róbə́ kógə̄ḿ kə́ ngālən i kíl deē mehḛ́ to kété no ngōn̄ kújə́ kə́ ta róbə́ tə́ ń ra sɔɔ̄n̄ ta naā kə kújə yā Kɔ́ɔ̄ɓēé ní tə́.

EJEKIEL 40:11

Deē ní mbɔ̄jə́ laa loo ń bápə́ kə́ ta róbə́ tə́ a teē tū tə́ ní ɓáý to̰, laan ní i kíl deē kutə. Róbə́ kə́ danaá ń kadə̄ de gə̄ mānə̄n̄ tū tə́ ní, laan malang i kíl deē kutə gidə i mətá.

EJEKIEL 40:29

Ngáń kújə gə̄ yā ngé ngɔ̄m̄ loo gə̄ ō, kem ngōn̄ kújə́ kə́ ta róbə́ tə́ ō, ndogə̄ mbal̄ gə̄ ń kēgə̄nń ngáń kújə gə̄ ní naā tə́ ní ō ní, asən̄ naā kə ngé kə́ tū ta róbə́ kə́ rang gə̄ tə́. Ko̰rō̰ kújə gə̄ gīrə̄n̄ gidə kem kújə́ ní. Ta róbə́ kə́ dām̄ mbɔ́r ɓē kə́ geleé tə́ ní, ngālən malang i kíl deē kutə mí ō, laan i kíl deē kutə jōó gidə i mí ō.

EJEKIEL 40:21

Róbə́ kə́ danaá kə́ yā kadə̄ de gə̄ mānə̄n̄ tū tə́ i ta róbə́ ní tə́ ō, ngáń kújə́ kə́ tām̄ yā ngé ngɔ̄m̄ loo gə̄ tə́ ran̄ kə ta naá mətá mətá dɔ jī jōó kadə róbə́ kə́ danaá ní tə́ ō. Ndogə̄ mbal̄ gə̄ ō, kem ngōn̄ kújə́ kə́ ta róbə́ tə́ ō ní, asən̄ naā kə ngé kə́ ta róbə́ kə́ gír ɓē tə́. Ta róbə́ kə́ dām̄ mbɔ́r ɓē kə́ ko̰ó̰ tə́ ní, ngālən i kíl deē kutə mí ō, laan i kíl deē kutə jōó gidə i mí ō.

EJEKIEL 40:44

Deē ní aw̄ seḿ ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́. Kem kújə gə̄ yā ngé kənī pā gə̄ i loo ngeé ń noō tə́. Kə́ kógə̄ḿ i kadə ta róbə́ kə́ dām̄ mbɔ́r ɓē kə́ ko̰ó̰ tə́ ba tan i kə̄ dām̄ mbɔ́r ɓē kə́ geleé tə́ ō, kə́rēý i kadə ta róbə́ kə́ dām̄ mbɔ́r ɓē kə́ geleé tə́ ba tan i kə̄ dām̄ mbɔ́r ɓē kə́ ko̰ó̰ tə́.