EJEKIEL 4:4 - Bibəl ta Sar̄

⁴ Ī-to dɔ jīí kə́ geleé tə́. Kum mbang malang ń ā ī-toń dɔ jīí kə́ geleé tə́ ní, ún i yá̰a̰ rāā kə́ gōtə́ aĺ gə̄ yā ɓē ko̰o̰ kə́ Israel tə́ dɔí tə́ ō, ī-tə́gā taí i gír kɔȳn tə́ ō.

Bible sar

⁴ Ī-to dɔ jīí kə́ geleé tə́. Kum mbang malang ń ā ī-toń dɔ jīí kə́ geleé tə́ ní, ún i yá̰a̰ rāā kə́ gōtə́ aĺ gə̄ yā ɓē ko̰o̰ kə́ *Israel tə́ dɔí tə́ ō, ī-tə́gā taí i gír kɔȳn tə́ ō.

EJEKIEL 4:4 Referans Kwoze

LEBI GƏ̄ 16:22

Bal bə̄yā̰ ní a ɔy yá̰á̰ kə́ gōtə́ aĺ gə̄ malang ń ngán Israel gə̄ rāān̄ ní dɔn tə́ yā kaw̄ń dɔ nang kə́ teē aĺ tə́. Dan ń Aaro̰ əla kə bal bə̄yā̰ ní dəla loo tə́ oy anī,

EJEKIEL 4:8

Kum mbang malang ń ā ɔ̄rəń najə̄ kə́ yā rɔ̄ɔń kə ɓē kə́ Jerusalem ní, mā m-ā m̄-tó̰ō̰ī kə kəlaá yā kadə̄ ásə tūr̄ rɔ̄í dām̄ kə́ rang tə́ alé.

TƏ́DA 18:1

Anī Kɔ́ɔ̄ɓē əda Aaro̰ na: Yá̰á̰ kə́ rāā gōtə́ aĺ gə̄ kə́ kem loo kə́ táĺ yā Nə́ɓā tə́ ní, najə̄n a əsō i dɔí ḭ̄ tə́ ō, dɔ ngání gə̄ tə́ ō, dɔ ngán kaaí gə̄ tə́ ō, dɔ ngééí gə̄ tə́ ō. Ba yá̰á̰ kə́ gōtə́ aĺ gə̄ ń sḭḭ̄ kɔ́ gə̄ ī-rāāī kə ngání gə̄ loo kəla yāsí tə́ ní, najə̄n a əsō i dɔsí sḭḭ̄ kɔ́ gə̄ tə́.

LEBI GƏ̄ 10:17

Dā̰ bal bə̄yā̰ kə́ táĺ ngá̰ý ní ké əsan̄ kem loo kə́ táĺ tə́ aĺ i najə̄ rí tə́ wa? Kɔ́ɔ̄ɓē na adə̄də́ i yā kɔrə̄ń majaĺ gə̄ ń ngán Israel gə̄ na rāān̄ ní ō, yā rāān̄ yá̰á̰ kə́ yā kutə̄ń dɔ majaĺ yādə́ gə̄ ō ta kumən tə́.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

MATIYE 8:17

Ni-rāā yá̰á̰ ní i yā kadə̄ najə̄ ń Ijai nge koō ta əda ní reē udəń gírí, əda na: Ni un nujə yājí gə̄ ō, ɔy mo̰y yājí gə̄ ō dɔn tə́.

EJEKIEL 4:5

m̄-mērī rāā yá̰á̰ ń noō kadə̄ asə ndɔ̄ kóndóńg wań. Ndɔ̄ gə̄ ní a asən̄ naā kə kutə ɓāl̄ gə̄ ń ɓē ko̰o̰ kə́ Israel tə́ rāań majaĺ ní. Adə̄ ā ī-tə́gā taí gír kɔȳ yá̰a̰ rāān kə́ gōtə́ aĺ gə̄ tə́ bátə́ ndɔ̄ ɓú mətá kə kutə ndōhó.

TƏ́DA 14:34

Ə̄ndāī ma̰ȳ dɔ nang kə́ Kanaan i ndɔ̄ kutə sɔ́, adə̄ yá̰á̰ kə́ tōr̄ kə́ tām̄ majaĺ yāsí tə́ a rāāsí i ɓāl̄ kutə sɔ́. Ɓāl̄ kógə̄ḿ i tām̄ yā ndɔ̄ kə́ kógə̄ḿ tə́. I beé tá ā ī-gerīiń yá̰á̰ ń a rāā de gə̄ ń m̄-mbātə́ najə̄ gōdə́ tə́ ní.