EJEKIEL 4:3 - Bibəl ta Sar̄

³ Gō tə́ anī ún gində̄ kə́ laa kógə̄ḿ ə̄ndā tītə̄ ndogə̄ gində̄ beé, dɔ dáńsí tə́ kə ɓē ní. Ə̄ndā kumií dɔ ɓē tə́ á̰a̰n sew: Ni i kə́ ənīnən̄ rɔ̄ɔ̄. I ḭ̄ n ə̄nīn rɔ̄ɔ̄ ní. Yá̰á̰ ń ī-rāā noó i yá̰á̰ kə́ yā tāań ngán Israel gə̄.

Bible sar

³ Gō tə́ anī ún gində̄ kə́ laa kógə̄ḿ ə̄ndā tītə̄ ndogə̄ gində̄ beé, dɔ dáńsí tə́ kə ɓē ní. Ə̄ndā kumií dɔ ɓē tə́ á̰a̰n sew: Ni i kə́ ənīnən̄ rɔ̄ɔ̄. I ḭ̄ n ə̄nīn rɔ̄ɔ̄ ní. Yá̰á̰ ń ī-rāā noó i yá̰á̰ kə́ yā tāań ngán *Israel gə̄.

EJEKIEL 4:3 Referans Kwoze

EJEKIEL 12:6

Ā úń yá̰a̰ mbā yāí yā kəndā dɔ bɔ̄gīí tə́ i ta kumdə́ tə́ ō, ā āwń i ndɔ̄ɔ́ ō. Ā ūtə̄ ta kumií kɔ̄ɔ́ ō, ā ásə ka̰a̰ loo ń ā āw̄ kə̄ tū tə́ ní aĺ ō. I tītə̄ ń noō n m-ā m̄-rāāiń de kə́ nge tāā ngán Israel gə̄ tə́ ní.

IJAI 20:3

Kɔ́ɔ̄ɓē ɔr̄ najə̄ kə ta kūl̄ Ijai əda na: Nge kəla yāḿ Ijai njə̄rā kanjə̄ kūbə̄ ō, da njan karī ō, asə ɓāl̄ mətá kɔ̄ɔ́. Nge ń noō i yá̰á̰ kə́ yā kɔjəń yá̰a̰ ō, i tāā ō, kə́ tām̄ yā ɓē kə́ Ejiptə tə́ ō, Etiopi tə́ ō.

IJAI 8:18

Mə̄kɔ́ ō, ngán gə̄ ń Kɔ́ɔ̄ɓē adə̄m̄ sedə́ ō ní, jə-rāā rɔ̄jí i yá̰á̰ kə́ yā kɔjəń yá̰á̰ tə́ dɔ nang kə́ Israel tə́. Kɔ́ɔ̄ɓē kə́ bo kə́ tɔ́gən i ngá̰ý ń ndi dɔ mbal̄ Siyo̰ tə́ ní, taā de gə̄ i kə ta kūl̄jí.

EJEKIEL 12:11

Ə́dádə́ na: m̄-tāāsí i najə̄ yá̰á̰ a rāā yā reē ní. Yá̰á̰ ń m̄-rāā ní i yá̰á̰ ń noō n a rāān̄ sesí ní. A ɔyn̄sí yā kaw̄ sesí dɔ ɓē kə́ rang tə́ dɔ gúú tə́, a tə̄ɓān̄sí kɔ̄ɔ́ kem ɓē yāsí tə́.

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā Ndíĺ kə́ Táĺ ń ni-nə̄bō kə gō kem ndigə yānneé ní ō.

Najə̄ kə́ Majə yā Jeju ń Luk ndang ní 2:34

Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

JEREMI 39:1

Kem nāā kə́ nge ko̰ kutə yā ɓāl̄ kə́ nge ko̰ ndōhó tə́ ń Sedekias ndiń mban̄g Juda tə́ ní, Nabukodonosor, mban̄g kə́ Babilon reē kə ngé rɔ̄ɔ̄ yān gēé malang gīrəń gidə ɓē kə́ Jerusalem.

LEBI GƏ̄ 2:5

Ré yá̰a̰ ndējə̄ yāí ní i ndujə̄ kə́ ló̰ȳ ba kɔbə̄ kə gajoó anī, adə̄ i ndujə̄ kə́ lándə̄ ba ló̰ȳ kə yibīí ō, kanjə̄ kaa mápa ō tá.

JEREMI 39:2

Kə ndɔ̄ kə́ nge ko̰ ndōhó yā nāā kə́ nge ko̰ sɔ́ kə́ kem ɓāl̄ kə́ nge ko̰ kutə gidə i kógə̄ḿ ń Sedekias ndiń mban̄g tə́ ní, mbutə̄n̄ kum ndogə̄ mbal̄ kə́ Jerusalem.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

DANIEL 11:17

Tɔ́gə malang kə́ kem ɓē ko̰o̰ yān tə́ ní ni ɔjə reēń ō, ni a rāā tītə̄ kə́ ni i de kə́ súmūú beē ō, a adə̄ mban̄g kə́ dām̄ mbɔ́r ɓē kə́ geleé tə́ ngōnən kə́ dəyá̰ kadə̄ taā, yā rāań kadə̄ ɓē yā madə̄ ba̰ā̰n nujə sák sák. Banī ngam yān ń noō a teē yá̰a̰ aĺ bátə́.

IJAI 22:7

Jerusalem, púsə rɔ̄ɔ̄ gə̄ taān̄ loo kem wól loo yāí kə́ majə ngá̰ý gə̄ tə́ ō, ngé kal̄ sə́nda gə̄ ndin̄ dɔ rɔ̄də́ tə́ kɔ̄ɔ́ yā kənī rɔ̄ɔ̄ ta róbə ndogə̄ yāí gə̄ tə́ ō.