EJEKIEL 4:14 - Bibəl ta Sar̄

¹⁴ Loo ń noō tə́ m̄-tél m-ə́da na: Kɔ́ɔ̄ɓē Nə́ɓā, m̄-tél de kə́ yḛr nja kógə̄ḿ alé. Əla gíŕ dūúḿ bátə́ ngɔlaā ní, dā̰ kə́ oy, aláa kə́ yá̰a̰ əhɔ rə́yā̰n naā tə́ ní, m-ə́sa aĺ ɓáý. M-ə́la dā̰ kə́ yḛr taḿ tə́ aĺ ɓáý.

Bible sar

¹⁴ Loo ń noō tə́ m̄-tél m-ə́da na: Kɔ́ɔ̄ɓē Nə́ɓā, m̄-tél de kə́ yḛr nja kógə̄ḿ alé. Əla gíŕ dūúḿ bátə́ ngɔlaā ní, dā̰ kə́ oy, aláa kə́ yá̰a̰ əhɔ rə́yā̰n naā tə́ ní, m-ə́sa aĺ ɓáý. M-ə́la dā̰ kə́ yḛr taḿ tə́ aĺ ɓáý.

EJEKIEL 4:14 Referans Kwoze

KƏLA RĀĀ 10:14

Banī Piyer tél əda na: M-ɔ́də aĺ bátə́ Kɔ́ɔ̄ɓē, tɔdɔ̄ yá̰á̰ kə́ Nə́ɓā ɔgə kəsa, aláa yá̰á̰ kə́ yḛr ní, m-ə́sa nja kógə̄ḿ aĺ ɓáý.

EJEKIEL 9:8

Adə̄ nin̄ aw̄n̄ tɔ̄l̄ de kə́ kem ɓēé gə̄ tə́. Dan ń nin̄ na̰yn̄ kə̄ loo tɔ̄l̄ de gə̄ tə́ ní, m̄-rā i kə kérə́ḿ. M-ɔ́sə kejəḿ nang tə́ ō, m-ɔ́sə noḿ nang tə́ ō, ba m-ə́ga kɔŕ, m-ə́da na: Aa Kɔ́ɔ̄ɓē Nə́ɓā, dan ń ī-bə̄gā wōn̄g yāí kə́ ngá̰ý dɔ ɓē kə́ Jerusalem tə́ beé ní, gotə Israel gə̄ ń a na̰yn̄ ní ā ī-tɔ̄l̄də́ kɔ̄ɔ́ malang a?

JEREMI 1:6

M-ə́da na: Á! Kɔ́ɔ̄ɓē Nə́ɓā, m̄-ger̄ kɔr̄ najə̄ alé, mā i ngōn̄ ngá̰ý ɓáý.

IJAI 65:4

Nin̄ ndin̄ nang tə́ kem bəlo ɓádə gə̄ tə́, ndin̄ ɓē i kem bəlo mbal̄ gə̄ tə́. A əsan̄ i dā̰ bor̄ kə́ ɓēé gə̄ ō, kār̄ yādə́ gə̄ i kə́ rosə kə yá̰a̰ kəsa kə́ yḛr gə̄ ō.

NDŪ NAJƏ̄ 14:3

Ā ə́saī yá̰á̰ kə́ majaĺ tákə̄ alé.

IJAI 66:17

Najə̄ ń m-ɔ̄r̄ toó i najə̄ yā ngé tə́go rɔ̄də́ kadə̄ unjə̄ kə rī kudəń kem ndɔr̄ gə̄ kə́ yā ɓōĺ gidə tə́. Nin̄ a ran̄ i gidə de kə́ ra danaá tə́. Nin̄ a əsan̄ i kosong, aláa yégə̄, yá̰á̰ kə́ majaĺ ngá̰ý gə̄. De gə̄ ń noō a oyn̄ ndɔ̄ naā tə́ malang. Najə̄ ń Kɔ́ɔ̄ɓē əda ní n noó.

LEBI GƏ̄ 17:15

Ngōn̄ nge ɓē aláa tə̄rā ń a əsa nīń dā̰ kə́ koy, aláa a əsa dā̰ kə́ yá̰a̰ əhɔn ní a tə́go kūbə̄ yān gə̄ ō, a ndogə̄ man̄ ō, tél de kə́ yḛr bátə́ kadə̄ loo tíbə dɔn tə́ ō. Gō tə́ anī, ni i de kə́ yḛr to̰ alé.

EJEKIEL 44:31

Banī yel̄ kə́ koy, aláa dā̰ kə́ koy, aláa kə́ dā̰ kə́ bembeé əhɔ rə́yā̰n naā tə́ ní, ngé tun̄ yá̰a̰ gə̄ a əsan̄ alé.

LEBI GƏ̄ 19:7

Ré deē kógə̄ḿ əsa dā̰ ní kə ndɔ̄ kə́ nge ko̰ mətá anī, a nelə̄m̄ seneé alé, tɔdɔ̄ dā̰ ní majə to̰ alé.

LEBI GƏ̄ 22:8

Nge tun̄ yá̰a̰ a əsa nīń dā̰ aĺ ō, dā̰ kə́ yá̰a̰ əhɔ aĺ ō, na sōgə́ a tél de kə́ yḛr. Mā i Kɔ́ɔ̄ɓē.

NDŪ NAJƏ̄ 14:21

Ā ə́saī nīń dā̰ alé. I tə̄rā kə́ ngé nam̄ gə̄ ń ndin̄ kem ɓē yāsí tə́ ní n ā ādīdə́ kadə̄ əsan̄ ní. Aĺ anī ā ígiīneé jī tə̄rā kə́ rang gə̄ tə́. Tɔdɔ̄ sḭḭ̄ i gír de kə́ ɔrə̄n̄ kam̄sí tayā gə̄ tām̄ yā Kɔ́ɔ̄ɓē Nə́ɓā yāsí tə́. Ā ə̄nī ngōn̄ bə̄yā̰ kum mba kó̰o̰n tə́ yā ndīrəń alé.

EJEKIEL 4:15

Ni-tél ədam̄ na: Beé ɓá, m-ādī ta róbə kadə̄ ī-mbál gír yedə̄ deē kə yedə̄ man̄gá yā rāań hor ndīrəń yá̰a̰ kəsa yāí.

DANIEL 1:8

Banī Daniel gḛy yḛr rɔ̄n kə yá̰a̰ kəsa yā mbangāá aĺ ō, kə kasə nduú yā mbangāá aĺ ō. Adə̄ ni dəjə ngol ngé rāā kəla gə̄ kadə̄ ra seneé ta yḛr rɔ̄n kə yá̰a̰ kəsa gə̄ ń noō alé.

Teē Ngán Israel gə̄ 22:30

Ā ī-téliī de kə́ táĺ gə̄ tām̄ yāḿ tə́. Ā ə́saī dā̰ kə́ yá̰a̰ əhɔ alé. Ā ādī i bísə gə̄.