EJEKIEL 39:8 - Bibəl ta Sar̄

⁸ A̰á̰ā̰, yá̰a̰ gə̄ ń noō a reēn̄, nin̄ əlan̄ gír rāā yá̰a̰ kɔ̄ɔ́ ɓá. I ndɔ̄ sarya ń m-ə́da najə̄n kété ní. I mā Kɔ́ɔ̄ɓē Nə́ɓā n m-ə́da najə̄ ń noō ní.

Bible sar

⁸ A̰á̰ā̰, yá̰a̰ gə̄ ń noō a reēn̄, nin̄ əlan̄ gír rāā yá̰a̰ kɔ̄ɔ́ ɓá. I ndɔ̄ sarya ń m-ə́da najə̄n kété ní. I mā Kɔ́ɔ̄ɓē Nə́ɓā n m-ə́da najə̄ ń noō ní.

EJEKIEL 39:8 Referans Kwoze

EJEKIEL 38:17

Najə̄ ń mā Kɔ́ɔ̄ɓē Nə́ɓā m-ə́dá ní n toó: Kété ní m-ɔ̄r̄ najə̄ yāí i kə ta kūl̄ ngé kəla yāḿ gə̄ ń i ngé koō ta gə̄ kə́ Israel tə́ ní. Asə ɓāl̄ ngá̰ý kɔ̄ɔ́ ta n nin̄ a ədanə̄ń na m-ā m-ə́laī kənī gír deē yāḿ gə̄ rɔ̄ɔ̄ tə́ ní.

JEJU TEĒ KUM JA̰A̰ 21:6

Ba əda ɓáý to̰ na: I kə́ rāā kɔ̄ɔ́ ɓá. Mā i Alpa ō, Omega ō, ta kəla gír ō, ta tɔ̄l̄ ta ō. Deē ń kəndā man̄ rāān anī, m-ā m-ādə̄n man̄ kə́ teē ta kəɓan tə́ karī, kadə̄ ré a̰ȳ anī, ndi kə kumneé.

JEJU TEĒ KUM JA̰A̰ 16:17

Kə́ nge ko̰ sīrí ɓōkə́ wōn̄g kə́ kem kópə yān tə́ tū néĺ tə́, anī ndū deē kógə̄ḿ teē tū kōr̄ kāgə̄ mbang tə́ kə tɔ́gɔ́ kem kújə yā Kɔ́ɔ̄ɓē tə́ əda na: I kə́ rāā kɔ̄ɔ́ ɓá.

2 PIYER 3:8

Ɓá tā ba kó tár gə̄, yá̰á̰ kógə̄ḿ to noó kə́ majə kadə̄ dɔsí ndígə̄nal alé. Yá̰á̰ ni n toó: Tām̄ yā Kɔ́ɔ̄ɓē tə́ ɓáa ndɔ̄ kə́ kógə̄ḿ beē i tītə̄ ɓāl̄ kə́ dūbú beé ō, ɓāl̄ kə́ dūbú i tītə̄ ndɔ̄ kə́ kógə̄ḿ beē beé ō.

EJEKIEL 39:7

M-ā m̄-rāā Israel gə̄ ń i gír deē yāḿ gə̄ ní kadə̄ a gerə̄n̄ kadə̄ mā i de kə́ táĺ ngá̰ý. M-ā m-ə́ya̰ kadə̄ deē kídə̄ rīḿ kə́ táĺ to̰ alé, adə̄ nápar de gə̄ a gerə̄n̄ kadə̄ Kɔ́ɔ̄ɓē, Nə́ɓā kə́ táĺ kə́ Israel tə́ i mā.

EJEKIEL 39:9

Israel gə̄ a teēn̄ kem ɓē yādə́ gə̄ tə́ kɔ̄ɔ́. Nin̄ a rāān̄ hor kógə̄ḿ, a əlan̄ hor dɔ yá̰a̰ rɔ̄ɔ̄ gə̄ yā madə̄ ba̰ā̰də́ gə̄ tə́. Der gə̄ malang, kə́ dūú gē kə́ bo gē, ga̰ gərā gə̄ ō, kum gərā gə̄ ō, kaskar gə̄ ō, nənga gə̄ ō, yá̰a̰ gə̄ malang ń noō ní, a əlan̄ hor dɔ tə́ ɓāl̄ sīrí.

IJAI 46:10

Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.

EJEKIEL 33:33

I tām̄ najə̄ ń toō tə́ n ré yá̰a̰ gə̄ ń noō a rāān̄ yá̰a̰ anī, ta dɔ yá̰a̰ gə̄ ní i ngɔr, nin̄ a gerə̄n̄ kadə̄ nge koō ta kógə̄ḿ ndi dandə́ tə́ kété ní.