EJEKIEL 39:6 - Bibəl ta Sar̄

⁶ M-ā m-ə́la hor dɔ ɓē yā Magog tə́ ō, dɔ ɓē yā de gə̄ ń ndin̄ kə̄ dɔ dor̄ loo gə̄ tə́ á gírə̄n̄ kadə̄ yá̰á̰ kógə̄ḿ na a rāādə́ aĺ ní ō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

Bible sar

⁶ M-ā m-ə́la hor dɔ ɓē yā Magog tə́ ō, dɔ ɓē yā de gə̄ ń ndin̄ kə̄ dɔ dor̄ loo gə̄ tə́ á gírə̄n̄ kadə̄ yá̰á̰ kógə̄ḿ na a rāādə́ aĺ ní ō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 39:6 Referans Kwoze

AMOS 1:4

M-ā m-ə́la hor dɔ kújə mban̄g yā mban̄g gə̄ kə́ Aram tə́. A̰á̰ā̰, m-ā m-ə́la hor dɔ kújə mban̄g yā Hajael tə́ ō, yā Ben Hadad tə́ ō.

EJEKIEL 30:16

M-ā m-ə́la hor dɔ Ejiptə tə́, ɓōĺ a rāā de kə́ Sin gə̄ adə̄ nin̄ a ndewn̄. A mbutən̄ bəlo kógə̄ḿ tū ndogə̄ mbal̄ kə́ Tebə tə́, adə̄ man̄ a taā loo kem ɓēé.

EJEKIEL 30:8

Dan ń m-ā m-ə́la hor dɔ ɓē tə́ kə taá ō, a tə́tə̄n̄ kə̄ngā ngé rɔ̄ɔ̄ dɔ tə́ gə̄ rárák kɔ̄ɔ́ ō anī, de gə̄ malang a gerə̄n̄ kadə̄ Kɔ́ɔ̄ɓē i mā.

JEREMI 25:22

mban̄g gə̄ malang kə́ Tir tə́ ō, kə́ Sidon tə́ ō, kə́ gō nang kə́ gidə bā bo tə́ ō,

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

AMOS 1:10

M-ā m-ə́la hor dɔ ɓē kə́ Tir tə́ tə́. Adə̄ a o̰o̰ kújə yān kə́ majə ngá̰ý gə̄.

IJAI 66:19

M-ā m-ə̄ndā yá̰á̰ kógə̄ḿ dandə́ tə́ yā kɔjəń yá̰a̰. Ngé gə̄ ń a teēn̄ ta yo tə́ gō sarya gāngə̄ḿ tə́ ní, m-ā m-ə́ládə́ kə̄ rɔ̄ nápar de gə̄ kə́ Tarsis tə́ ō, Pul tə́ ō, Lud tə́ ō, nin̄ gə̄ ń noō ń i de gə̄ kə́ gerə̄n̄ kur gərā ngá̰ý ní. M-ā m-ə́ládə́ kə̄ rɔ̄ de gə̄ kə́ Tubal tə́ ō, Yaban tə́ ō, m-ā m-ə́ládə́ sa̰y kə̄ dɔ dor̄ gə̄ tə́ ō, loo ń deē oō najə̄ yāḿ nja kógə̄ḿ tū tə́ aĺ tə́ ní, loo ń deē a̰a̰ kɔsə gɔn yāḿ nja kógə̄ḿ tū tə́ aĺ tə́ ní. Adə̄ nin̄ a rāān̄ kadə̄ nápar de gə̄ ń noō gerə̄n̄ kɔsə gɔn yāḿ.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

AMOS 1:7

M-a m-ə́la hor tū ndogə̄ mbal̄ gə̄ yā ɓē kə́ Gaja tə́, kadə̄ o̰o̰ kújə́ kə́ majə gə̄ kə́ tū tə́ kɔ̄ɔ́.

EJEKIEL 38:13

De kə́ Saba gə̄ ō, kə́ Dedan gə̄ ō, ngé rāā gātə̄ kə́ Tarsis gə̄ ō, ngé kə́ kem ɓē gə̄ kə́ kadə tə́ ō, a dəjenī najə̄ a ədan̄ na: Ḭ̄ ɔ́sə dɔ ngé rɔ̄ɔ̄ yāí gə̄ kə̄ naā tə́ i yā kɔyń yá̰a̰ dɔ gúú tə́ a? I yā kɔyń nar ō, lɔ́r ō, ɓūtə̄ yá̰a̰ kul̄ gə̄ ō, yá̰a̰ kənge gə̄ ō a? I yā kɔyń yá̰a̰ kənge kə́ ta rɔ̄ɔ̄ tə́ ngá̰ý a?

EJEKIEL 38:11

Ɓē kə́ yá̰á̰ kə́ yā kadə̄ ni rɔ̄ɔń dɔ rɔ̄n tə́ gətóó ní, ḭ̄ ā ī-gḛy kənīn rɔ̄ɔ̄. Loo ngeé ń noō tə́ ní, de gə̄ ndin̄ i loo yādə́ jəke ō, nin̄ sōlə̄n̄ yá̰á̰ kógə̄ḿ aĺ ō. De gə̄ ənīn̄ ndogə̄ mbal̄ gə̄ dɔ ɓē bo gə̄ tə́ ngɔ̄mə̄n̄neé ɓē bo gə̄ aĺ ō. Bápə gə̄, kə lakélé gə̄ yā ɓē gə̄ ní gətóon̄ ō.

EJEKIEL 38:6

Ɓūtə̄ ngé rɔ̄ɔ̄ yā Gomer gə̄ malang ō, yā Bet Togarma ń ndin̄ ta ngóy ɓē kə́ ko̰ó̰ tə́ dām̄ mbɔ́ ɓē kə́ ko̰ó̰ tə́ ō ní, a aw̄n̄ seí kə gír ɓūtə̄ ngé rɔ̄ɔ̄ yādə́ gēé. Tá gír de kə́ rang gə̄ ngá̰ý ɓáý to̰ a aw̄n̄ seí ō.

NGÉ SARYA 18:7

De kə́ mí gə̄ ní ɔrə̄n̄ dɔɔ́, aw̄n̄ bátə́ ugə̄n̄ kem ɓē kə́ Lais tə́. Nin̄ a̰a̰n̄ kadə̄ de kə́ Lais gə̄ i de gə̄ kə́ ndin̄ kanjə̄ sōl̄ yá̰á̰ kógə̄ḿ ō, háĺdə́ sɔl̄ lɔ́ḿ lɔ́ḿ ō, ənīn̄ kemdə́ báŕ báŕ ndinə̄ń ō, tītə̄ yā de kə́ Sidon gə̄. Tá ɓáý to̰ ní mban̄g gətóo kem ɓē ní tə́ ō, de kə́ yā ko̰o̰ ɓē dɔdə́ tə́ gətóo ō. Nin̄ ndin̄ ɓē i sa̰y rɔ̄ Sidon gə̄ tə́ ō, ndin̄ i kə ta kūl̄ deē kógə̄ḿ aĺ ō.

JEJU TEĒ KUM JA̰A̰ 20:8

Nápar de gə̄ malang ń ndin̄ dɔ nang tə́ á i Gog nin̄ kə Magog ní, ni a teē yā kaw̄ rāādə́ kadə̄ ndúmə̄n̄. Ni a ɔsə dɔdə́ naā tə́ tām̄ yā rɔ̄ɔ̄ tə́ ō, kutə de gə̄ ní i ngá̰ý tītə̄ nán̄g ngárə̄ḿnjēý kə́ ta bā bo tə́ ō.

JEJU TEĒ KUM JA̰A̰ 20:9

Nin̄-taān̄ loo dɔ nang tə́ malang ō, gīrə̄n̄ gidə ɓē yā deē yā Nə́ɓā gə̄ ń i ɓē kə́ Nə́ɓā tárən ní əlan̄ ta naā tə́ ō. Banī hor kógə̄ḿ ḭḭ dɔ rā̰ tə́ əsō dɔdə́ tə́ o̰o̰də́.

EJEKIEL 30:9

Ndɔ̄ ń noō tə́ ní, ngé kaw̄ kəla gə̄ a aw̄n̄ i kə too boó. M-ā m-ə́ládə́ i yā kadə̄ nin̄ aw̄ rāān̄ ɓē kə́ Etiopi kadə̄ ndew, ni ń gír̄ kadə̄ na n-ndi na i kanjə̄ sōl̄ yá̰á̰ kógə̄ḿ ní. Ba ndɔ̄ ń m-ā m̄-nujəń ɓē kə́ Ejiptə ní, ɓōĺ a rāā de kə́ kemeé gə̄ kadə̄ a ndewn̄. Ndɔ̄ ní dɔ to ngɔr!

EJEKIEL 37:6

M-ā m̄-rāā ngərasí gə̄ kadə̄ ton̄ rɔ̄sí tə́ ō, m-ā m̄-rāā dā̰sí gə̄ kadə̄ ton̄ gidəsí gə̄ tə́ ō, m-ā m-ūtə̄ gidəsí kə ndāŕ ō. M-ā m-ə́la koō kə́ rāā deē kadə̄ ndi kə kumneé kemsí tə́ adə̄ ā ī-ndiī kə kumsí. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 38:2

Ḭ̄ ngōn̄ deē, ī-tūr̄ kumií kə̄ rɔ̄ Gog tə́. Ni i ngār kə́ bo yā gír de gə̄ kə́ Tubal ō, Mesek ō, dɔ nang yā Magog tə́. Ɔ̄r̄ najə̄ ń m-ə̄ndā taí tə́ ní ī-rɔ̄ɔń seneé ādə̄m̄.

EJEKIEL 39:5

Ā óy bembeé tītə̄ ń m-ə́dań ní. I mā Kɔ́ɔ̄ɓē Nə́ɓā m-ə́da najə̄ ń noō ní.