EJEKIEL 39:5 - Bibəl ta Sar̄

⁵ Ā óy bembeé tītə̄ ń m-ə́dań ní. I mā Kɔ́ɔ̄ɓē Nə́ɓā m-ə́da najə̄ ń noō ní.

Bible sar

⁵ Ā óy bembeé tītə̄ ń m-ə́dań ní. I mā Kɔ́ɔ̄ɓē Nə́ɓā m-ə́da najə̄ ń noō ní.

EJEKIEL 39:5 Referans Kwoze

EJEKIEL 32:4

M-ā m-ə̄nī nang tə́ dan bembeé. M-ā m̄-rāā kadə̄ loo ń noō tə́ yel̄ gə̄ malang a reēn̄ dɔí tə́ ō, dā̰ kə́ bembeé gə̄ malang a əsan̄ dā̰í ō.

EJEKIEL 29:5

M-ā m-ə̄nīsí kem dəla loo tə́, ḭ̄ ō kānjə̄ gə̄ ń noō malang ō. Ā óy nang tə́. De kə́ yā kuniī a gətóo, de kə́ yā kənī kem bəlo yo tə́ a gətóo. M-ā m-ādə̄ ā ī-téĺ yá̰a̰ kəsa yā dā̰ kə́ bembeé gə̄ ō, yā yel̄ gə̄ ō.

JEREMI 22:19

A dubə̄nən̄ i tītə̄ loo dubə̄ kərō beé. adə̄ a ndɔ́r̄nən̄ nang tə́ ō, a teēn̄ seneé ta róbə gə̄ kə́ Jerusalem tə́ yā kaw̄ kənīn ndágá.

JEREMI 8:2

A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

EJEKIEL 35:8

M-ā m-ūtə̄ dɔ mbal̄ yāí gə̄ kə nīń de gēé. De gə̄ malang ń a tɔ̄lə̄n̄də́ ta rɔ̄ɔ̄ tə́ ní, a tə́sōn̄ dɔ ngán mbal̄ yāí gə̄ tə́ ō, kum wól loo yāí gə̄ tə́ ō, kum wól man̄ dɔ mbal̄ yāí gə̄ tə́ ō.

EJEKIEL 39:4

Ḭ̄ ō, ngé rɔ̄ɔ̄ yāí gə̄ malang ō, de kə́ ngá̰ý gə̄ ń ɓoon̄ rɔ̄də́ tū yāí tə́ ní ō, ā óyiī dɔ mbal̄ gə̄ kə́ Israel tə́. M-ā m-ə́ya̰ mbal̄ gə̄ ō, dā̰ kə́ bembeé gə̄ ō, kadə̄ əsan̄ nīńsí.

EJEKIEL 39:6

M-ā m-ə́la hor dɔ ɓē yā Magog tə́ ō, dɔ ɓē yā de gə̄ ń ndin̄ kə̄ dɔ dor̄ loo gə̄ tə́ á gírə̄n̄ kadə̄ yá̰á̰ kógə̄ḿ na a rāādə́ aĺ ní ō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

IJAI 24:21

Ndɔ̄ ngeé ń noō tə́ ní, Kɔ́ɔ̄ɓē a rāā yá̰á̰ kógə̄ḿ kə́ tə́yō̰ gə̄ malang kə́ dɔ rā̰ tə́ ō, dɔ nang tə́ laā ɓáa ni a rāā yá̰á̰ kógə̄ḿ kə mban̄g gə̄ kə́ dɔ nang tə́ ō.